Éxodo 18:4 - Qullan Arunaca

⁴ Ucjjaru maynïri wawapasti Eliezer sataraquïnwa; Moisesajj saraquïnwa: “Awquejjan Diosapawa nayar yanapitu, uqhamarac khespiyaraquitu faraonan espadapatsa” sasa.

Aymar Bibliia 1986

⁴ Ucjjaru maynïri wawapasti Eliezer sataraquïnwa; Moisesajj saraquïnwa: “Awquejjan Diosapawa nayar yanapitu, uqhamarac khespiyaraquitu faraonan espadapatsa” sasa.

Qullan Arunaka DC

⁴ Maynïr wawapasti Eliézer satarakïnwa; Moisesasti akham sarakitayna: “Awkixan Diosapaw nayar yanapitu, faraonan espadapatsa qhispiyarakitu” sasa.

Éxodo 18:4 Jak'a apnaqawi uñst'ayäwi

Génesis 49:25

¡Awquiman Diosapajj yuspagaratäpan, jupaw yanapascätam; take ch'amani Diosaw bendiciscätam! ¡Alajjpacha bendicionanacampi! ¡Jach'a kota mankhanquir bendicionanacampi! ¡Walja wawanïña bendicionanacampi!

1 Crónicas 23:15

Moisesan wawanacapasti acanacänwa: Gersón, Eliezer ucanaca.

1 Crónicas 23:17

Eliezer chachan jilïr wawapasti Rehabías ucänwa, ucatsti janiw juc'ampi wawanïcjjanti, ucampis Rehabías chachasti walja wawanacanïnwa.

Salmos 18:1

Tatay, jumaw ch'amañchirejjätajja, jumaruw take chuymamp munassma.

Salmos 18:48

jupaw timanacajjan k'apisiñapat khespiyitu, nayar kallcatir jakenacat antutayitu. Tatay, jumaw khoru jakenacat khespiyistajja.

Salmos 34:4

Tatituruw nayajj art'asta, jupasti take llaquinacat irpsutu;

Salmos 46:1

Diosaw imantasiñasajja, ch'amañchirisasa, jupaw chijinacan arjjatirisajja.

Éxodo 10:28

Ucatsti faraonajj Moisesar sänwa: —Saram acata, sum amuyasim, janiw mayampis acar jutätati, cunürutejj wastatampi jutäta ucapachajj jiwätawa —sasa.

Éxodo 2:15

Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Éxodo 2:22

Ucampis Moisesan warmipajja mä yokall wawa wawachasïna, ucatsti Moisesajj, wawaparojj Gersón sasaw sutichäna, saraquïnwa: “Nayajja janiw aca orakenquirïcti” sasa.

Éxodo 4:20

Moisesajja, warmipa, wawapa mä asnoru konjjatayawayasinjja Egipto orakeruw cutt'äna. Uqhamarac amparaparusti ayjjarusiwayaraquïnwa cuntejj Diosajj churcäna uca jach'a thujrupa.

Daniel (hebreo) 6:22

Nayan Diosajjajj angelapwa qhitani, juparaquiw leonanacan lacapsa jist'anti jan nayaru cuna ñankhsa lurascañapataqui, Diosasti yatiraquiwa nayanjja jan juchanïtajja, uqhamaraqui juma, jach'a rey, tokesa jan cuna juchsa luratajja —sasa.

Hechos 12:11

Ucapachaw Pedrojj amuyt'asi, ucatsti sänwa: “¡Chekapunis Tatitojj angelap qhitanitütojjä, Herodesan amparapat khespiyañataqui, uqhamarac judionacan amparapatsa!” sasa.

Hechos 7:29

Uc ist'asinsti, Moisesajj jaltjjewa, ucatsti Madián sat chekaruw sarjje. Ucansti yakha marcanquir jakjamaw jacäna, pä wawaniraquïnwa.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Hebreos 11:34

uqhamarac jan jiwarcay ninsa jiwarayapjjänwa, espadamp jiwayatäñatsa jaltapjjaraquïnwa. Pisi ch'amaninacajj guerranacan wali ch'amaninacaw tucjjapjje, ucatjja atipapjjaraquiw uñisirinacapan ejercitonacaparusa.

Hebreos 13:6

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.