Éxodo 18:4 - Qullan Arunaka DC

⁴ Maynïr wawapasti Eliézer satarakïnwa; Moisesasti akham sarakitayna: “Awkixan Diosapaw nayar yanapitu, faraonan espadapatsa qhispiyarakitu” sasa.

Aymar Bibliia 1986

⁴ Ucjjaru maynïri wawapasti Eliezer sataraquïnwa; Moisesajj saraquïnwa: “Awquejjan Diosapawa nayar yanapitu, uqhamarac khespiyaraquitu faraonan espadapatsa” sasa.

Qullan Arunaca

⁴ Ucjjaru maynïri wawapasti Eliezer sataraquïnwa; Moisesajj saraquïnwa: “Awquejjan Diosapawa nayar yanapitu, uqhamarac khespiyaraquitu faraonan espadapatsa” sasa.

Éxodo 18:4 Jak'a apnaqawi uñst'ayäwi

Génesis 49:25

¡Awkiman Diosapax yuspagaratäpan, jupaw yanapirimaxa! ¡Taqi ch'aman Diosax yuspagaratäpan jupaw askinak churaskätam! ¡Alaxpacha askinakampi! ¡Jach'a quta manqhankir askinakampi! ¡Wawanak uywir taykanakan askinakapampi!

1 Crónicas 23:15

Moisesan wawanakapax akanakänwa: Guersón, Eliézer.

1 Crónicas 23:17

Eliézer chachan nayrïr wawapax Rehabías satänwa, ukatsti janiw juk'amp wawanakanïkxänti; ukampis Rehabías chachax walja wawanakanïnwa.

Salmos 18:1

1 (2b) Tatay, jumaw ch'amañchirixätaxa, jumaruw taqi chuymamp munassma.

Salmos 18:48

48 (49) Jupaw uñisirinakaxan phiñasitapat qhispiyitu, nayar qallkatir jaqinakat antutayitu. ¡Tatay, jumaw qhuru jaqinakat qhispiyista!

Salmos 34:4

4 (5) Tatituruw nayax art'asta, jupasti ist'ituwa, taqi llakinakaxatarak irpsutu.

Salmos 46:1

1 (2) Diosaw imantasiñasaxa, juparakiw ch'amañchirisasa, jupaw chijinakan arxatirisaxa.

Éxodo 10:28

Faraonasti jach'at Moisesar sarakïna: —Saram akata, sum amuyasim, janiw mayampis akar jutätati, kunürutix nayan nayraqataxar wasitat uñstitätaxa, jiwätawa —sasa.

Éxodo 2:15

Chiqpachansa, faraonax Moisesan mayni egipcior jiwayatap yatisinxa, jiwayañatakiw thaqhayäna. Ukampis Moisesax jaltxänwa, Madián chiqaruw sarxäna. Uka chiqar purisasti, mä uma phuch'u jak'aruw samart'ir qunt'asïna.

Éxodo 2:22

Séfora warmisti mä yuqall wawa wawachasïna, Moisesax uka wawapar Guersón sutimpiw uchäna, sarakïnwa: “Aka markanxa sart'ir jaqikïtwa” sasa.

Éxodo 4:20

Moisesasti, warmipampiru, wawanakapampir mä asnor qunxatayasin Egipto uraqir kutt'äna. Amparaparusti Diosan thujrup ayxarusiwayarakïna.

Daniel (hebreo) 6:22

22 (23) Diosaxax, leonanakan lakap jist'antiriw angelap khithani, ukhamat nayar jan kuns kamachapxañapataki, Diosax nayan jan juchanïtax yatiwa, ukhamaraki juma rey tuqis jan kuna juch lurataxsa yatirakiwa —sasa.

Hechos 12:11

Ukapachaw Pedrox amuyt'asïna, ukat sarakïna: “Akax chiqawa. Tatitux angelap khithanitu, Herodesan amparapat qhispiyiri, judionakax jan wali lurañ amtapkitu ukat qhispiñaxataki!” sasa.

Hechos 7:29

Uk ist'asinsti, Moisesax jaltxänwa, ukatsti Madián sat uraqiruw sarxäna. Ukansti yaqha markankir jaqjamaw jakäna, pä wawanirakïnwa.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

Hebreos 11:34

jan jiwarkay ninsa jiwarayapxänwa, espadampi jiwayatäñatsa jaltapxarakïnwa, jan ch'amanïkasas ch'am apsusaw nuwasiñatakix sayt'asipxäna, uñisirinakapan ejercitopar atipjasa.

Hebreos 13:6

Ukhamasti taqi iyawsañampi arsuñasawa: “Tatituw yanapt'irixaxa; janiw axsarkäti. ¿Jaqisti kunarak kamachitanisti?” sasa.