Éxodo 18:21 - Qullan Arunaca

²¹ Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Aymar Bibliia 1986

²¹ Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Qullan Arunaka DC

²¹ Ukham lurañamatakisti, israelitanak taypit suma amuyt'an chachanak thaqham, Diosar axsartirinaka, qhan parlirinaka, qullqi layku jan khitirus arxatirinaka. Jupanakarusti waranqa jaqinakan jilïripat ucham, yaqhipanakarux patak jaqinakxaru, yaqhipanakarusti phisqa tunka jaqinakxaru, mayninakarusti tunka jaqinakxaruraki.

Éxodo 18:21 Jak'a apnaqawi uñst'ayäwi

Génesis 22:12

Tatitun angelapasti saraquïnwa: —Jan cuna ñankhsa wawarojj luramti, jichhasti yattwa Diosar ajjsaratama, janiraquiw “Janiw” sisctati sapa wawama nayar loktaniñjja —sasa.

Génesis 42:18

ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,

Génesis 47:6

Egipto orakesti jupanacanquiwa. Gosén orake jupanacar churam, ucasti aca marcpachanjja wali suma orakewa, ucan jacasipjjpan sam. Jupanac taypintejj wali ch'iqhi jakenacajj utjchi ucasti, ucjja uywanacajj awatiritwa uscüta —sasa.

2 Samuel 18:1

Davidasti ejercitopjja suma uñaquiparaquïna, ucatsti sapa waranka soldadonacjjaruw mä jilïri uscuraqui, uqhamaraqui sapa pataca soldadonacjjarusa.

2 Samuel 23:3

Israelan Diosapajj arsuraquiwa; Israelar arjjatiristi saraquituwa: ‘Qhititejj Diosar ajjsartasa jakenacar apnakcani ucasti,

1 Reyes 18:12

Jichhajja acawa lurasini, nayajj jumat sarakawayjjäma ucqhajja, Tatitun ajayupawa jumar aptawayjjätam nayan jan uñjañ chekaru. Ucatsti nayajj cunapachatï Acab reyiru yatiyä ucqhajja, jupajj janiw jumarojj jicjjatcjjätamti, ucatsti nayarojj jiwayitaniwa. Aca uywatamasti wayna urunacapatpachwa Tatiturojj jach'achañ yati.

1 Reyes 18:3

Acab reyisti Abdías sat mayordomoparuwa jawsäna, aca mayordomosti Tatiturojj take chuymapampiwa yupaychäna.

Esdras 7:25

“Juma Esdras sacerdotirusti saracsmawa, Diosajj churctam uca yatiñamampisti, utt'ayam juezanaca, marca apnakerinaca Eufrates jawirata inti jalanta tokenquir provinciana jakenacar chekapar uñjañapataqui take qhitinacatejj Diosan leyipa yatipqui ucanacaru; ucatsti qhitinacatejj jan yatipqui ucanacarusti yaticharaquim.

Nehemías 5:9

Ucjjarusti nayajj sascactwa: —Cuntï lurapcta ucanacjja janiw wal lurapctati. Jumanacajj Diosasataquejj ajjsarapjjañanacamänwa, ucatsti janiw munapjjañanacamäcänti jucharar uñisirinacasan larusipjjañanacapjja.

Nehemías 7:2

Jerusalén nayräjjarusti uchtwa Hanani sat jilajjaru, ucatsti jarc'akasiñataqui uta luratäqui ucan jilïripatjja Hananías sat chacharuw uchta, jupasti cheka jakënwa, Diosar ajjsaririraqui yakha jakenacat sipansa.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 29:16

pist'ata sarnakerinacan awquipäyätwa, yakha marcat jutirinacan arjjatiripäyätwa!

Job 31:13

“Cunapachatejj uywatanacajjajj cunsa mayipjjetän ucapachajja, jupanacarojj ist'apunïyätwa.

Salmos 15:1

Tatay, ¿qhitirac kollan utaman jacaspasti? ¿Qhitirac kollan kolluman utjasispasti?

Salmos 15:5

qhititejj kollke mayt'asin jalaktap jan apsqui uca, jan juchanir aynacht'ayañatac kollk jan catokasqui uca. Qhititejj uqham lurasapun sarnakqui ucajja, janipuniw aynacht'caniti.

Éxodo 17:9

Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Éxodo 18:25

Ucat jupasti ajllïnwa, israelitanac taypitjja suma amuyt'an jakenaca, ucanacsti uchänwa jilïrinacata waranka, pataca, pheska tunca, uqhamarac tunca jakenacjjaru.

Proverbios 28:2

Cunapachatejj mä marcan jan walt'añanacajj utji ucqhajja, apnakerinacapajja waljaw jakortapjje, ucampis suma yatiñampi apnakerejj yatiwa sum apnakaña.

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Isaías 16:5

Davidan wawanacapat mayniw apnakani, jupan apnakañapasti qhuyapayasiñampi suma utt'ayataraquïniwa. Jupajj chekaparu uñjirïniwa, taketaquiw asquin sarnakañ uscuraquini, janc'aquiraquiw chekar uñjäwis puriniraquini.

Isaías 33:15

Qhititejj chekaparu cuns lurqui, cheka parlaraqui, janiraqui ch'amampiqui kamirquipstquiti, janiraqui cuns wajjt'äwinac laycuqui lurquiti; janiraqui jake jiwayirinacan arunacapsa ist'quiti, nayranacapsa ch'irmthapiraqui jan ñankhanaca uñjascañataqui,

Isaías 59:4

Janiw qhitis chekaparu arsusquiti, cheka uñjäwi jicjjatañansti janiraquiw cheka chuymampi sarquiti. Jan ucasti c'ari arunacaruw juc'ampi alcatasipjje, uqhamaraqui cunatejj jan chekapäqui uca arunacaru, ñankha lurañampisti wallk'eptatäpjjewa, ucatsti jake jiwayañracwa wawachapjje.

Jeremías 5:1

Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa.

Ezequiel 18:8

Kollkepsa janiw ganañ laycu mayt'quiti, janiraquiw walja interesanacsa kollke mayt'atapatjja maycaraquiti; janiw qhitirus ñankhachquiti, cunapachatejj pani ch'ajjwiri jakenacaru ch'ajjwatanacapa t'akqui ucapachasti chekaparupuniw t'akjaraqui.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Zacarías 7:9

“Acsti nayapï arstjja: Jumanacajj chekäpjjam taripañanacamansa, suma cancañansa, maynit maynicama qhuyapayasiñansa chekapäpjjapunim.

Zacarías 8:16

Acaw jumanacan lurapjjañamapunejja: Maynit maynicamajj cheka arunacpuni parlapjjam, chekaparaqui uñjapjjam, quejanacansti sumancaña utjayapjjam;

Números 1:16

Take aca jilïri jakenacaw sapakat tribut ajllitäna, Israel marca taypita, jach'a familianacat uñstañataqui.

Números 1:4

uqhamaraqui sapa familian jilïripampi sapakat tributa.

Números 10:4

Ucampisa cunapachatejj mä sapa trompetaqui phust'asini ucqhajj tribunacan jilïrinacapaquiw tantacht'asini.

Lucas 18:2

Jupanacarusti sänwa: “Mä marcan mä juesaw utjäna. Jupasti janiw Diosarojj ajjsarcänti, janiraquiw jake masiparus yäkerïcänti.

Lucas 18:4

Walja urunacaraquiw uca juezajj jan ist'añ muncänti uca warmirojja. Ucatsti amuyt'asisin saraqui: ‘Diosarojj janiw ajjsarcti, janiraquiw qhitirus yäkcaractti.

Hechos 20:33

Janiw nayajj munapaycäyätti qhitin kollkepsa ni qhitin isipsa.

Hechos 6:3

Uca laycupï jilatanaca, jumanac taypita pakallk chachanac ajllipjjañamajja. Uca chachanacasti sarnakäwinacapanjja asqui chachanacäñapawa, Kollan Ajayump phokt'ata suma amuyt'irinacaraqui. Ucatsti jupanacaru uca lurañanacjja churapjjam.

Deuteronomio 22:18

Ucatsti jupanacajj uca jakeru catuntasajj mutuyapjjaniwa,

1 Timoteo 3:3

Janiraquiw machirïñapäquisa, qhitimpis ch'ajjwirïñapäquiti, janiraquiw lunthatatampi jicjjatat kollks munañapäquiti. Antisas qhuyapayasirïñapawa, takenimpis suman jacañapa, janiraquiw kollke chuymäñapäquiti.

Josué 22:14

Jupampi chicasti tunca jach'a jilïri Israel jakenacaw sarapjjaraquïna, sapakat mayniraquiw familiapata, uqhamaraqui tribupat uñstapjjaraquïna.

1 Samuel 8:12

Mayninacarojj waranka soldadjjaru jilïritwa ucharaquini, mayninacarusti pheska tunca soldadonacjjaruw ucharaquini. Jumanacat yakhepanacarusti yapupa khollipjjañamataquiw uchapjjätam, yapupa apthapiñataquiraqui, uqhamarac armanacap lurañataqui, guerrar sarañ carronacan yänacap lurañataquiw uchapjjätam.

1 Samuel 8:3

Ucampisa yokanacapajj janiw awquipjama sarnakapcänti, jan ucasti take cun muniriw tucjjapjjäna, kollke chilltayasipjjaraquirïna, janiraquiw take cunsa chekaparu uñjapcänti.