Éxodo 18:20 - Qullan Arunaca

²⁰ Ucat jupanacarusti yaticham Diosan camachi arunacapa, uqhamarac yatichäwinacapsa; uca quipcaraqui yatiyaraquim cunjämtejj jacapjjañapäqui, uqhamarac cuntejj lurapjjañapäqui ucanaca.

Aymar Bibliia 1986

²⁰ Ucat jupanacarusti yaticham Diosan camachi arunacapa, uqhamarac yatichäwinacapsa; uca quipcaraqui yatiyaraquim cunjämtejj jacapjjañapäqui, uqhamarac cuntejj lurapjjañapäqui ucanaca.

Qullan Arunaka DC

²⁰ Jupanakarusti, Diosan kamachi arunakaparjama, yatichäwinakaparjam yaticham; ukatsti kunjämtix jupanakan jakapxañapäki, kuntix lurapxañapäki ukanak yatiyarakim.

Éxodo 18:20 Jak'a apnaqawi uñst'ayäwi

Salmos 143:8

Willjtanacajj munasiñam ist'ayita, take chuymamp jumar iyawsatajj laycu. Sarañajjäqui uca thac uñachayita, jumar almajj catuyasitajj laycu.

Salmos 32:8

Tatitojj situwa: “Nayranacajjajj jumaruw uñch'uquisctam, nayaw yatichascäma, nayaw amuyt'ayascäma, nayaw sarañamäqui uca thac uñachayascäma.

Éxodo 18:16

Cunapachatejj jupanaccama jan walt'ayasipqui ucqhajja, nayan ucaruw jutapjje jisct'asiñataqui, ucatsti nayawa jupanacarojj uñjta qhitisa juchani ucjja; uqhamatwa nayajj jupanacarojj yatiyaracta Diosan camachinacapa, uqhamarac yatichäwinacapsa.

Isaías 30:21

Cupi tokeru, jan ucajj ch'eka tokerus saranucütajja, khepäjjamatsti mä aru ist'äta, saraquïtamwa: “Aca chekaw thaquejja, sarasipcaquim” sasa.

Jeremías 42:3

Tatitu Diosamarusti saraquim, cawqui cheksa nanacajj sarapjjä, cunsa lurapjjä ucanac toketjja —sasa.

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Ezequiel 3:17

“Nayasti jumarojj, chacha, Israel marcan uñjiripatwa uscuracsma. Cunapachatejj nayajj cunsa jumaru yatiyäma ucapachasti janc'aquiw Israel marcarojj yatiyañamaraqui, uqhamat jupanacajj take cunsa suma yatipjjañapataqui.

Miqueas 4:2

walja marcanacaraquiw purintanipjjani, aqham sasa: ‘Jutapjjam, Tatitun kolluparu maqhatapjjañäni, Jacobun Diosapan temploparu, jupajj jiwasaru thaquipa uñacht'ayañapataqui, uqhamat jiwasajj thaquipanjam sarnakañasataqui.’ Sionatwa Tatitun yatichäwinacapajj mistuni, Jerusalenatwa arunacapas misturaquini.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Marcos 13:34

Ucajj aqhamar uñtatawa: Cunapachatejj mä jakejj jayar sarañ amtejja, janïr sarcasaw uywatanacaparojj ewjjt'i, uqhamarac sapa maynirus lurañanacapa jaytawayaraqui. Ut uñjirirusti sum uñjañapataquiw jaytaraqui.

Deuteronomio 1:18

“Qhaya urunacansti nayajj walja ewjjanacwa churapjjayäsma, cuntejj lurapjjañamäcän ucanacata.

Deuteronomio 4:1

“Jichhasti Israelit jakenaca, ist'apjjam cawquïri leyinactï, yatichapcsma ucanaca. Uqhamarac uca leyinacar phokhasarac sarnakapjjam, jacapjjaraquimsa, cawquïri oraktï awquinacaman Tatitu Diosapajj churapctam ucanjja.

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.

Deuteronomio 5:1

Moisesasti Israel marcaru tantachthapisinjja sänwa: “Israelanquir jakenaca, sum ist'apjjam cawquïri leyinaca, arsutanactï jichhüru yatiyapcäma ucanacaru. Sum p'ekenacamar yatekapjjam, ucatsti take sarnakäwiman ucarjam sarnakapjjaraquim.

Deuteronomio 5:27

Ucampisa jumay Diosaru jac'achasim, ucatsti ist'araquïtaw take Diosan parlatanacapsa, ucatwa nanacar yatiyapjjetäta cuntï parlcätam ucanaca; nanacasti phokhapjjäwa cuntï sapquitäta ucanacjja’ sasa.

Deuteronomio 7:11

Phokhapjjamaya cawquïri camachi arunaca, leyinaca, arsutanacaptï jichha uruna churapcsma phokhañataqui ucanacjja.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.