Éxodo 14:22 - Qullan Arunaca

²² Ucatwa israelitanacajja kotjja maqhatapjjäna waña orakenjama. Ucampis uma jaljtatasti pä perkjamänwa mayajja cupi tokena, mayasti ch'eka tokena uqhama.

Aymar Bibliia 1986

²² Ucatwa israelitanacajja kotjja maqhatapjjäna waña orakenjama. Ucampis uma jaljtatasti pä perkjamänwa mayajja cupi tokena, mayasti ch'eka tokena uqhama.

Qullan Arunaka DC

²² Ukatsti israelitanakax waña uraqinjam quta makhatapxäna. Uma jaljtatasti pä jach'a pirqar uñtatänwa, mayax kupi tuqina, mayasti ch'iqa tuqina.

Éxodo 14:22 Jak'a apnaqawi uñst'ayäwi

2 Reyes 2:14

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

2 Reyes 2:8

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Salmos 106:9

Mar Rojo kotaruw tokenokäna, kotasti wañt'änwa, waña orakenjam irpcatäna.

Salmos 136:13

Mar Rojo kotar payar jaljtayiriru: qhuyapayasiñapajj wiñayawa.

Salmos 136:14

Israel marcar lamar kota taypinjam irpcatiriru: qhuyapayasiñapajj wiñayawa.

Salmos 66:6

lamar kotarojj waña orakeruw tucuyäna, nayra pachan jaquir awquinacasajj, wañanjam jawir maqhatapjjäna; jichhasti Diosamp cusisipjjañäni.

Salmos 74:15

Jumaw uma jalsunacsa, jawiranacs jalsuytajja, jumaw jan wañsur jawiranac wañt'aytajja.

Salmos 78:13

lamar kotarojj payaruw jaljtayäna, uca chekaw jupanacarojj maqhatayäna, perkanacar uñtat umanac sayt'ayäna;

Éxodo 14:29

Ucampis israelitanacajja kotjja maqhatapjjänwa waña orakenjama pä suma perka taypi, mayajja cupi tokena, mayasti ch'eka tokena uqhama.

Éxodo 15:19

Faraonan carronacapampi, uqhamarac caballeriapampejj kotaruw mantanipjjäna, ucatsti Tatitojj kotanjja umampiw chhaktayäna. Ucampis israelitanacajj kotjja waña orakenjam maqhatanipjjäna.

Éxodo 15:8

Jumasti samanamampi phust'asajja mayawjaruw umjja montonthaptajja, uma mathapinacasti mä perkjamaraquiw lurasiraqui, kota mankha orakesti jan onjjtquiriraquiw tucuraqui.

Isaías 11:15

Tatitusti jupanacataquejj Mar Rojo kota chekwa thacjja jist'arani; Eufrates jawirjjaruraquiw amparapjja loktanini, mä jach'a thaywa thayt'ayaniraquini, pakallko lokanacaruraquiw jaljani, ucatsti jan wisqhunacap apsusisaraquiw maqhatapjjani.

Isaías 11:16

Cunapachatejj uca Tatitun marcapat jilt'irinacajj Asiriat cuttanjjan ucqhajj mä jach'a thaqui jicjjatapjjaraquini, cunjämtejj Israelajj Egiptot mistuncänjja uqhama.

Isaías 43:16

Tatitusti mä thaqui jist'araraqui jach'a kokanjama, mä jisc'a thaqui jist'ari walja khothutiri umanac taypina;

Isaías 51:10

jach'a lamar kotsa wañt'ayaractawa, jach'a p'iya mankhanquir umanacsa wañt'aytawa, jach'a kota mankhsti wañt'ayasinjja thaqui lurtajja, khespiyatanacajj uca cheka maqhatapjjañapataqui.

Isaías 63:12

qhititejj uca jach'a ch'amapsa Moisesar churcaraqui; marcap nayrakatansa jach'a kotjja payar jaljaraqui, uqhamat wiñayataqui aytatäñapataqui;

Isaías 63:13

qhititejj kota mankhanjam jan llust'tasa maqhatayqui, caballonacas wasaranjam sarcaspa uqhama,

Zacarías 2:5

Ucampisa naya quipcaw mä nina uyjam Jerusalenar muyuntayäjja, marca taypinracwa jach'a cancañajj uñacht'ayäjja. Naya Tatituw arstjja.’ ”

Números 33:8

Pi-hahirot chekat mistuwayasajj jach'a kota maqhatapjjäna, ucatsti wasararuw puripjjäna. Quimsa uruw Etam chekanjam sarapjjäna ucatsti Mara sat chekaruw sayt'apjjäna.

1 Corintios 10:1

Jilatanaca, nayajj jumanacan yatipjjañama munta: Nayra awquinacasajj mä kenayan irpatänwa, takeniw Mar Rojo kota chekajj pascatapjjänjja.

Hebreos 11:29

Iyawsäwi laycuraquiw israelitanacajj wañäcaspas uqhama Mar Rojo sat kotjja pasapjjäna; cunapachatejj egipcionacajj uqham pasañ munapjjaraquïn ucqhajja, umaw jupanacarojj jiwarayjjäna.

Josué 3:16

cawquïri umanacatï alaya toket jutapjjän ucanacajj pachparuw sayt'apjjäna mä kollur uñtata, Adam sat marcatsa juc'ampi jayaru cawquïri marcatï Saretán marca sat jac'anccäna uca chekaru. Aynachar sarir umanacasti sarasipcaquïnwa Mar Muerto sat kotar puriñcama, uqhamaw uca jawirajj payaru t'akjtäna, ucatjja israelit jakenacajj maqhatapjjänwa Jericó marca uñcatasiru.

Josué 3:17

Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Josué 4:22

jumanacasti sapjjätawa: Israel marcajj cunjämsa Jordán jawirjja wañanjam pasanitayna uca,

1 Samuel 25:16

Ucampisa nanacarojj uruy arumawa, uñjapjjetänjja, uqhamarac uywanacarusa.