Éxodo 14:21 - Qullan Arunaca

²¹ Moisesasti amparapwa kotjjaru loktäna, ucatsti Tatitojj inti jalsu toketa arum pakara wali thayt'ayanisasti kotjja payaruw jaljtayäna. Ucampis kotajja payaru jaljtasinjja waña orakeruw tucüna.

Aymar Bibliia 1986

²¹ Moisesasti amparapwa kotjjaru loktäna, ucatsti Tatitojj inti jalsu toketa arum pakara wali thayt'ayanisasti kotjja payaruw jaljtayäna. Ucampis kotajja payaru jaljtasinjja waña orakeruw tucüna.

Qullan Arunaka DC

²¹ Moisesasti amparap qutxar luqtäna, ukatsti Tatitux inti jalsu tuqit arum paqaraw wal thayt'ayanïna, qutsti payaruw jaljtayäna. Ukhamat qutax payar jaljtasin waña uraqir tuküna.

Éxodo 14:21 Jak'a apnaqawi uñst'ayäwi

Génesis 8:1

Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

2 Reyes 2:8

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Job 26:12

Ch'amapampiwa jach'a kotjja apnake, Rahab sat jach'a animalarusa ch'amapampiwa atipji.

Job 38:24

¿Cunjämsa khanajj take aca orakpacharu saratatejja? ¿Cunjämsa inti jalsu toket jutir thayajj take acapacharu puriraquejja?

Salmos 136:13

Mar Rojo kotar payar jaljtayiriru: qhuyapayasiñapajj wiñayawa.

Salmos 148:8

Tatitur jach'añchapjjam, khejjokhejjosa, chhijchhisa, qhunusa, urpusa, arunacap jaysir jach'a thayasa.

Salmos 66:6

lamar kotarojj waña orakeruw tucuyäna, nayra pachan jaquir awquinacasajj, wañanjam jawir maqhatapjjäna; jichhasti Diosamp cusisipjjañäni.

Salmos 74:13

Jumaw lamar kotarojj ch'amamamp payar jaljtaytajja, lamar kotanquir ajjsarcañ animalan p'ekep phallaytajja,

Salmos 78:13

lamar kotarojj payaruw jaljtayäna, uca chekaw jupanacarojj maqhatayäna, perkanacar uñtat umanac sayt'ayäna;

Éxodo 14:16

Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Éxodo 14:20

Ucampis uca kenayajj sayt'änwa egipcio soldadonacampi, israelitanacampi taypiru. Ucaw egipcionacataquejj wali ch'amaca tucuyänjja, ucampis israelitanacarojj khant'araquïnwa. Ucatjja uca arumajja egipcionacajj janiw israelitanacarojj jicjjatañ puedipcänti.

Éxodo 15:8

Jumasti samanamampi phust'asajja mayawjaruw umjja montonthaptajja, uma mathapinacasti mä perkjamaraquiw lurasiraqui, kota mankha orakesti jan onjjtquiriraquiw tucuraqui.

Éxodo 7:19

Ucat Tatitojj Moisesarojj parlascaquïnwa: —Aarón jilamaru aqham sam: ‘Amparamar thujruma ayjjarusina loktam take egiptonquir umanacjjaru, jawiranquiri, k'awanacanquiri, khothañanacanquiri, take tantat umanaca, uqhamarac lawata, kalata lurat tinajanacan uchat umanacajja wilaru tucuñapataqui’ —sasa.

Isaías 23:11

Tatituw amparap lokjjatani jach'a kotjjaru, marcanacarusti qhathatiyaraquiwa, Canaanan sayt'asiña chekanacapsti t'unthapiyaraquiwa.

Isaías 43:16

Tatitusti mä thaqui jist'araraqui jach'a kokanjama, mä jisc'a thaqui jist'ari walja khothutiri umanac taypina;

Isaías 44:27

Nayajj jach'a kotan umanacaparus ‘wañt'am’ saraquiristwa, jawiranacapas jan umani tucpan saraquiristwa.

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Isaías 51:10

jach'a lamar kotsa wañt'ayaractawa, jach'a p'iya mankhanquir umanacsa wañt'aytawa, jach'a kota mankhsti wañt'ayasinjja thaqui lurtajja, khespiyatanacajj uca cheka maqhatapjjañapataqui.

Isaías 51:15

“Nayätwa Tatitu Diosamajja, sutejjasti Take Ch'amani Tatitu satawa; nayaw jach'a kotjja onjjtayta, ucat mathapinacas wararipjjaraquiwa,

Isaías 63:12

qhititejj uca jach'a ch'amapsa Moisesar churcaraqui; marcap nayrakatansa jach'a kotjja payar jaljaraqui, uqhamat wiñayataqui aytatäñapataqui;

Isaías 63:13

qhititejj kota mankhanjam jan llust'tasa maqhatayqui, caballonacas wasaranjam sarcaspa uqhama,

Habacuc 3:8

Tatay, ¿coleratätati jawiranacataquejja? ¿Colerataraquïtati jach'a kotanacataquejja? ¿Ucatti caballonacamata jaltajja, atipt'iri carromarus kont'astajja?

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Josué 2:10

Nanacasti yatipjjaractwa cunapachatï Egipto marcat mistunipcta ucqhajja, Diosasti uca Mar Rojo sat kotsa wañt'ayatapa jumanacan pasapjjañanacamataqui. Ucatsti yatipjjaractwa Sehón, uqhamaraqui Og sutini amorreonacan reyinacaparusa tucjanipjjatama, cawquïrinacatï Jordán jawir qhurcatan jacapcän ucanacaru.

Josué 3:17

Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Josué 4:23

ucatsti cunjämsa Tatitu Diosamajj Jordán jawir wañt'ayatayna, jumanacan pasañanacamataqui, cunjämtejj nayrajj Mar Rojo sat kotjja wañt'aycatayna jiwasan pasañasataqui.