Éxodo 12:29 - Qullan Arunaca

²⁹ Chica arumasti Tatitojj take egipcionacan jilïr wawanacapwa jiwarayäna, faraonan jilïr wawapajj tronona kont'atäqui uca, carcelanquirinacan jilïr wawanacapa, uqhamarac uywanacan nayrïr kallunacapsa.

Aymar Bibliia 1986

²⁹ Chica arumasti Tatitojj take egipcionacan jilïr wawanacapwa jiwarayäna, faraonan jilïr wawapajj tronona kont'atäqui uca, carcelanquirinacan jilïr wawanacapa, uqhamarac uywanacan nayrïr kallunacapsa.

Qullan Arunaka DC

²⁹ Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Éxodo 12:29 Jak'a apnaqawi uñst'ayäwi

Génesis 15:14

Ucampisa nayaraquiw uca esclavo tucuyir marcarojj mutayä, ucatsti wawanacamajj librequiw mistunjjapjjani, uqhamarac walja kamir cancañampi phokt'ata.

Job 34:20

Jakenacajj acatjamatacwa mä aruma jiwt'awayjjapjje; jakesti walwa ch'ajjwi, ucatsti chhaktawayjjapjjaraquiwa; ch'amani jakesti jan cunaqui jakonucutaraquiwa.

Salmos 105:36

Pachpa Egiptoruw jiwamp mutuyäna, sapa utanquir tayna yokall wawaruw jiwayäna.

Salmos 135:8

Jupaw Egiptonquir jakenacan tayna yokall wawanacaparojj jiwarayäna, tayna uywanacaruw jiwarayaraquïna.

Salmos 136:10

Egipto orakenquirinacan tayna yokall wawanacapar jiwarayirir yuspagarapjjam: qhuyapayasiñapajj wiñayawa.

Salmos 78:50

Ucanac tokew Diosajj k'apisiñap samarayasïna: janiw jiwañat jupanacar khespiycänti, jan ucasti jiwañaruw catjjaruyäna;

Salmos 78:51

pachpa Egipto marcan jiwarayäna, sapakat utanquir tayna yokall wawanacaru.

Éxodo 11:1

Tatitusti Moisesarojj sänwa: —Nayasti mä mutuyäwimpwa churascäjja faraonaru, uqhamarac egipcionacarusa. Ucatsti faraonajj janiw jumanacaru sarjjericti antutapcätamjja, jan ucasti jupa pachpaw marcapat alisnucupjjätamjja.

Éxodo 12:12

Uca arumasti nayajj Egipto marca chekwa pasawayäjja, ucatsti egipcionacan take jilïri tayna wawanacapwa jiwarayäjja, uqhamarac uywanacan nayrïr kallunacapsa. Uqhamatwa uñacht'ayäjja Egiptonquir diosanaca contra naya Tatitun arsutajj-jja.

Éxodo 12:28

Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.

Éxodo 13:15

Faraonajja chuymapa kalarayascäna jan jiwasar antutaña munatapatsti Tatitojj egipcionacana jilïr tayna wawanacapwa jiwarayäna, uqhamarac uywanacapan nayrïr kallunacapsa. Ucatwa jiwasanacajj animalanacasana nayrïr orko kallunacapjja Tatiturojj loktjjtan, uqhamarac jilïr tayna wawanacas spiyañataquejja mä ofrenda loktaractanjja.

Éxodo 4:23

Nayajja niyaw sisma; wawajjaru qhitjjam, nayaru sirviri sarjjañapataqui, sasa. Ucampis jumajj janiw antutañ munctati uca laycusti nayajja jilïri wawamaruw jiwayäjja’ —sasa.

Éxodo 9:6

Ucat khepärmanthisti Tatitojj luränwa arsutaparjamajja. Egipcionacan take uywanacapaw jiwarapjjäna, ucampis israelitanacan uywanacapasti janiw mayasa jiwcänti.

Isaías 24:22

mayjaruw tantachthapini, ucatsti mä calabozoruw jakontaraquini, ucanwa carcelt'ata uñjasipjjani, jaya maranacatwa mutuyascaraquini.

Isaías 41:11

Take qhitinacatejj uñisipctam ucanacajj p'enkachata, jisc'achjataraquiw uñjasipjjani; jumampi nuwasirinacasti k'ala tucjataw uñjasipjjani.

Isaías 51:14

Qhititejj t'akhesiyatäcän ucajj janc'aquiw khespiyatäjjani; janiw calabozon jiwcjjaniti, janiraquiw jupataquejj t'ant'as pist'caraquiniti.

Jeremías 38:13

Uqhamasti jakenacajj uca wisqhatwa waysupjjäna, uca uma phuch'ut apsupjjaraquïna. Uca khepatsti Jeremiasajj guardianacan patiopanwa khepararaquïna.

Jeremías 38:6

Uqhamasti jupanacajj Jeremiasaru catuntasinjja, Malquías sata jilïrin phuch'uparuw jakontapjjäna, cawquïritï guardianacan patiopanccäna ucaru. Wisqhanacanjamwa warcuntapjjäna, uca phuch'unsti janiw umajj utjcänti jan ucasti ñek'equiwutjänjja, Jeremiasasti uca ñek'eruw jalantjjaraquïnjja.

Habacuc 3:5

Jupa nayrakatsti sariwa ajjsarcañ t'akhesiñanaca, khepapatsti jach'a fiebre usunaca.

Zacarías 9:11

Acsti Tatituw sejja: “Jerusalén, jumamp arust'äwi wila tokwa, nayajj apsü jan umañ phuch'utjja, jumanacan preso jakenacamjja.

Números 3:13

Take jilïri wawanacasti nayanquiwa. Cunapachatejj nayajj egipcionacan jilïri wawanacap jiwarayayäta ucqhajj, take israelitanacan jilïri wawanacaparuw nayajj nayatac yakhachasiyäta, uqhamarac uywanacapan nayrïri wawachat kallunacapsa. Uqhamasti nayancjjewa. Nayätwa Tatitojja.”

Números 33:4

Ucañcamasti egipcionacajj jilïri wawanacapwa oraker imasipcäna, Tatitojj jupanacar jiwarayatap laycu, ucampisa Tatitu Diosaw diosanacaparu mutuyascatayna.

Números 8:17

Take israelitanacan jilïri wawanacapasti nayancaraquiwa, cunjämatï uywanacapan nayrïri kallunacapajj nayancqui uqhama. Cunapachatejj egipcionacan jilïri wawanacapa jiwarayayäta ucqhajj, israelitanacan jilïri wawanacapjja nayataquiw jilt'ayasïyätjja.

Hebreos 11:28

Iyawsäwi laycuraquiw Moisesajj Pascua luräna, ucat uta puncunacaru wilamp ch'allsuyaraquïna, jiwayir angelan jan cawquïr israelitanacan tayna wawanacaparus jiwarayañapataqui.

Hebreos 12:23

uqhamarac Diosan wawanacapan tantachasïwinacaparu, ucanacajj alajjpachan kellkantatawa. Takenin Diosapäqui uca Juez thiyarus jac'achasipjjaractawa, qhitinacatejj k'omachatäpqui uca asqui jakenacan ajayuparusa.