Éxodo 12:29 - Qullan Arunaka DC

²⁹ Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Aymar Bibliia 1986

²⁹ Chica arumasti Tatitojj take egipcionacan jilïr wawanacapwa jiwarayäna, faraonan jilïr wawapajj tronona kont'atäqui uca, carcelanquirinacan jilïr wawanacapa, uqhamarac uywanacan nayrïr kallunacapsa.

Qullan Arunaca

²⁹ Chica arumasti Tatitojj take egipcionacan jilïr wawanacapwa jiwarayäna, faraonan jilïr wawapajj tronona kont'atäqui uca, carcelanquirinacan jilïr wawanacapa, uqhamarac uywanacan nayrïr kallunacapsa.

Éxodo 12:29 Jak'a apnaqawi uñst'ayäwi

Génesis 15:14

Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Job 34:20

Jaqinakax akatjamatak mä arum jiwt'awayxapxi; jaqix uxtiwa ukatsti chhaqtawayxarakiwa; munañan jaqisti jan kunaki jaqunukutawa.

Salmos 105:36

Pachpa Egiptoruw jiwampi mutuyäna, sapa utankir tayna yuqall wawaruw jiwayäna.

Salmos 135:8

Jupaw Egiptonkir jaqinakan jilïr yuqall wawanakaparux jiwarayäna, nayrïr uywa qallunakaruw jiwarayarakïna.

Salmos 136:10

Egiptonkirinakan jilïr yuqall wawanakapar jiwarayiriru, munasiñapax wiñayawa.

Salmos 78:50

¡Ukanak tuqiw Diosax q'apisiñap samarayasïna! Jupanakarux janiw jiwañat qhispiykänti, jan ukasti jiwañaruw katxaruyäna;

Salmos 78:51

¡pachpa Egipto markan jiwarayäna, sapaqat utankir tayna yuqall wawanakaru!

Éxodo 11:1

Tatitux Moisesar sänwa: —Nayax faraonampiru, egipcionakampirux yaqha mutuyäwimp apayanï. Uka qhipatsti faraonax janiw jumanakar saririkti antutapkätamxa, jan ukasti jupa pachpaw markapat alisnukupxätam.

Éxodo 12:12

Uka arumasti nayax taqpach Egipto uraqi chiqaw sarakipawayä, ukatsti egipcionakan taqi jilïr tayna yuqall wawanakap jiwaräwayä, ukhamarak uywanakan nayrïr qallunakaparu, ukhamat Egipton diosanakaparux mutuyä. Naya, Tatituw uk arsta.

Éxodo 12:28

ukatsti kuntix Tatitux Moisesampiru, Aaronampir siskatayna ukhamarjamaw lurapxäna.

Éxodo 13:15

Uka markan reyipax chuymap qalarayasïna, janiw nanakar mistuyaniñ munkänti. Ukat Tatitux egipcio jaqinakar mutuyäna tayna yuqall wawanakapar jiwarayasa, ukhamarak uywanakapan nayrïr qallunakaparusa; ukat nanakax uywanakaxan nayrïr urqu qallunakap Tatitur jach'añchas luqtapxta, ukatsti tayna wawanakaxan qhispiyatäñapatakisti mä waxt'a luqtapxarakta.

Éxodo 4:23

Nayax niyaw sisma: wawaxar khithanukxam, nayar yupaychir sarxañapataki, sasa. Ukampis jupanakar jan antutañ munatamat nayax jilïr wawamar jiwayä’ ” —sasa.

Éxodo 9:6

Ukat qhipärmanthisti, Tatitux arsutaparjamaw luräna. Egipcionakan uywanakapax taqpachaw jiwaräna, ukampis israelitanakan uywanakapax janiw mayas jiwkänti.

Isaías 24:22

mayjaruw tantachthapini, ukatsti mä mutuñäwjaruw jaquntani, ukan katuntat uñjasipxani, ukatsti jaya urunakat mutuyaskarakini.

Isaías 41:11

Taqi khitinakatix uñisipktam ukanakaxa, p'inqachata, jisk'achjataw uñjasipxani; jumampi nuwasirinakasti q'ala tukjataw uñjasipxani.

Isaías 51:14

Khititix t'aqhisiyatäkän ukax jank'akiw qhispiyatäxani; janiw katuntatäkasinsa jiwkaniti, janirakiw jupatakix t'ant'as pist'kaniti.

Jeremías 38:13

Jaqinakasti uka wiskat jiyt'asaw uma phuch'ut apsupxäna. Uka qhipatsti Jeremiasax uñjirinakan uta anqapan qhipararakïna.

Jeremías 38:6

Ukhamasti jupanakax Jeremiasar katuntasinxa, Malquías sata jilïrin phuch'uparuw jaquntapxäna, kawkïritix uñjirinakan uta anqapankkän ukaru. Wiskanakat warkuntapxäna, uka phuch'unsti janiw umax utjkänti jan ukasti ñiq'ikiw utjäna, Jeremiasasti uka ñiq'iruw jalantäna.

Habacuc 3:5

Axsarkañ t'aqhisiñanakaw jupan jutäwip yatiyi, qhipapatsti jach'a usunakaw jutaraki.

Zacarías 9:11

Tatitux akham siwa: “Jerusalén, nayaw jumampi mä arust'äwi lurta, ukasti wila tuqi luratawa; ukat jumanakan katuntat jaqinakamxa, kawkïri jan umani phuch'unkapkitï jichhax ukat apsü,

Números 3:13

taqi jilïr wawanakan nayankatap layku. Egipcionakan jilïr wawanakap jiwaraykäyät ukapachaw nayax, israelitanakan jilïr yuqall wawanakap nayatak yaqhachasta, uywanakapan nayrïr wawachat qallunakapsa yaqhachasirakta. Ukhamasti nayankituwa. Nayätwa Tatituxa.”

Números 33:4

Uka pachpa uruw, egipcionakax tayna yuqall wawanakapan amayap p'amp'asipkäna, Tatituw jupanakarux jakañap apaqatayna, Egipto uraqin diosanakapar mutuyañataki.

Números 8:17

israelitanakan jilïr tayna yuqall wawanakapax nayankituwa, kunjämatix uywanakapan nayrïr qallunakapax nayankki ukhama. Egipcionakan jilïr tayna yuqall wawanakap jiwaraykäyät ukapachaxa, israelitanakan jilïr tayna yuqall wawanakap nayatakiw yaqhachasïyäta.

Hebreos 11:28

Moisesax iyawsäwi laykuw Pascua uruyäna, ukatsti wilampiw uta punkunakar ch'axch'ukipayäna, ukhamat jiwayir angelax israelitanakan tayna wawanakapar jan jiwarayañapataki.

Hebreos 12:23

ukhamarak alaxpachan qillqantatäpki uka Diosan nayrïr wawanakaparusa. Taqinir taripir Diosaru, Diosax askir tukuyki uka aski jaqinakan ajayuparuw jak'achasipxtaxa,