Éxodo 12:19 - Qullan Arunaca

¹⁹ Utanacamansti aca pakallko urunjja janiwa levadurajj utjañapäquiti. Ucampis qhititejj levaduran t'ant'a mank'ani ucajja Israel marcatjja apanucutäniwa, jaya marcanquirïscpasa jan ucajj israelitäscpasa.

Aymar Bibliia 1986

¹⁹ Utanacamansti aca pakallko urunjja janiwa levadurajj utjañapäquiti. Ucampis qhititejj levaduran t'ant'a mank'ani ucajja Israel marcatjja apanucutäniwa, jaya marcanquirïscpasa jan ucajj israelitäscpasa.

Qullan Arunaka DC

¹⁹ Uka paqallqu urunsti janiw utanakaman levadurax utjañapäkiti. Ukampis khititix levaduran t'ant'a manq'kani ukaxa, Israelankirinak taypit apanukutäniwa, jaya markankirïskpasa, jan ukax israelitäskpasa.

Éxodo 12:19 Jak'a apnaqawi uñst'ayäwi

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 12:20

Janipuniwa cunsa levaduranjja mank'apjjätati, jan ucasti utanacamanjja jan levaduran t'ant'acwa mank'asipjjäta.’ ”

Éxodo 12:43

Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Éxodo 12:48

Ucampis mayni yakha marcanquiritejj jumanac taypin jacchi, ucat Pascua lurañ munchi Tatitur jach'añchasina ucapachajja waquisiwa familiapanjja takpach chachanaca circuncidatäñapa. Ucatwa lurañ puedipjje, uqhamarac marcasanquirïcaspas uqhamäpjjaraquiniwa. Ucampis jan circuncidatäpqui ucanacasti janiw uca uywjja mank'añ puedcaspati.

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 13:7

Pakallko uruwa jan levaduran t'ant'jja mank'apjjäta, ucampis janiw cuna levaduras utjañapäquiti take orakpachana, ni levaduran t'ant'asa utjañapäquiti.

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Levítico 23:5

“Kalltïri phajjsina tunca pusini uru sarakataru, jayp'thapirusti pascua fiesta lurapjjäta Tatitut amtasisa.

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

Deuteronomio 16:3

“Cawquïri uywtejj loktapcäta ucjja jan levaduran t'ant'ampwa mank'apjjäta, cawquïritejj t'akhesiñ t'ant'äqui uca, Egipto marcat wali janc'aqui mistunipjjatam laycu. Uqhamwa jumanacajj jaccasina Egipto marcat mistunipjjatam amtasipjjäta.