Éxodo 12:19 - Qullan Arunaka DC

¹⁹ Uka paqallqu urunsti janiw utanakaman levadurax utjañapäkiti. Ukampis khititix levaduran t'ant'a manq'kani ukaxa, Israelankirinak taypit apanukutäniwa, jaya markankirïskpasa, jan ukax israelitäskpasa.

Aymar Bibliia 1986

¹⁹ Utanacamansti aca pakallko urunjja janiwa levadurajj utjañapäquiti. Ucampis qhititejj levaduran t'ant'a mank'ani ucajja Israel marcatjja apanucutäniwa, jaya marcanquirïscpasa jan ucajj israelitäscpasa.

Qullan Arunaca

¹⁹ Utanacamansti aca pakallko urunjja janiwa levadurajj utjañapäquiti. Ucampis qhititejj levaduran t'ant'a mank'ani ucajja Israel marcatjja apanucutäniwa, jaya marcanquirïscpasa jan ucajj israelitäscpasa.

Éxodo 12:19 Jak'a apnaqawi uñst'ayäwi

Éxodo 12:15

Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:20

Ukhamasti janipuniw kunsa levaduran puqtat manq'apxätati. Utjäwinakamanxa, jan levaduran t'ant'a manq'asipxäta’ ” sasa.

Éxodo 12:43

Tatitusti Moisesampiru, Aaronampiruw säna: “Pascua uruyañatak aka kamachinak phuqhapxäta: Janiw khiti jaya markankir jaqis wilañcha luqtat uywa manq'añapäkiti.

Éxodo 12:48

Ukampisa, mayni yaqha markankiritix jumanak taypin jakchi, ukat Tatitur jach'añchas Pascua uruyañ munchi ukapachaxa, wakisiw utapankirinakan taqpach chachanaka circuncisión katuqasin uruyañapa, markasan yurirïkaspas ukhamäniwa. Circuncisión jan katuqirinakasti janiw uka uywa manq'añapäkiti.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:7

Paqallqu uruw jan levaduran t'ant'a manq'asini, janiw kuna levadurasa, levaduran t'ant'as uraqinakaman utjañapäkiti.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Éxodo 34:18

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Levítico 23:5

“Nayrïr phaxsina tunka pusini uru saraqat jayp'thapirux Tatitut amtasisin Pascua uruyañ qalltapxäta.

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.

Deuteronomio 16:3

“Luqtapkäta uka animalxa jan levaduran t'ant'ampiw manq'apxäta. Paqallqu uruw jan levaduran t'ant'a manq'apxäta, t'aqhisiñ t'ant'äki uka, jumanakan Egipto markat jank'aki mistunipxatamata; ukham jumanakax jakkasin Egipto markat mistunipxatam amtasipxäta.