Éxodo 12:15 - Qullan Arunaca

¹⁵ Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Aymar Bibliia 1986

¹⁵ Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Qullan Arunaka DC

¹⁵ Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:15 Jak'a apnaqawi uñst'ayäwi

Génesis 17:14

Ucampisa qhititejj jan circuncidatäcani ucasti jumanac taypitjja apsutäjjañapawa, jan nayan arust'äwejjaru ist'atap laycu.

2 Crónicas 30:21

Uqhamasti israelitanacajj Jerusalenancapcäna ucanacasti pakallk uruwa wali cusisiampi jan levadurani t'ant'a fiesta fiestachapjjäna. Ucatsti sacerdotenacasa, levitanacasa sapüruwa Tatitur yupaychapjjäna, uca wali jayar ist'asiyiri kollana instrumentonacampi Diosar k'ochusina.

Esdras 6:22

Jan levaduran t'ant'a mank'añ fiestjja, pakallk uruwa fiesta lurapjjäna, jupanacarusti Tatituw cusisiñampi phokt'atayna Persia marcanquiri reyin asqui luratapata, uqhamarac Israelanquir Diosan templopa wasitat lurañana yanapatap laycu.

Éxodo 12:8

Uca arumasti mank'apjjätawa uca aychjja ninaru cancata, jan levaduran t'ant'ampi, uqhamarac jajjo ch'ojjña alinacampi uqhama.

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Éxodo 30:38

Ucampis qhititejj yakha incienso waquichcani k'aphichasiñataqui ucajja jumanac taypinjja jiwayatäñapawa.”

Éxodo 31:14

Samarañ urusti jumanacataquejj wali kollanawa, uca laycuwa jumanacajj imapjjañamajja. Ucampis qhititejj uca uru jan imcani ucajja jiwañapawa, uqhamarac qhiti jaketejj uca uru cunsa lurani ucajja jumanac taypinjja jiwayatäñapawa.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Éxodo 34:25

“Animalanac sacrificio loktañataquisti, janiw wilampi, levaduran t'ant'ampejj loktañatac apthapïtati, ni pascua fiestan sacrificio loktatäqui ucan jilt'anacapsa khepärmanthitaquejj imaraquïtati.

Levítico 17:10

“Nayasti take israelitanacataqui, uqhamarac cawquïri jakenacatejj yakha marcanacata jutasina jumanac taypina jacani, take jupanacajj wila mank'apjjaraquini ucanac contraw sayt'äjja, cunjämsa uca wiljja mank'asipcpan. Nayasti uca wila mank'erinacarojja marcap taypitjja jiwayaraquïwa.

Levítico 17:14

uca wilajj take jaquirinacarusa jacaña churatap laycu, ucampisa cawquïri jaketejj wila mank'ani ucasti jiwayatäjjaniwa.

Malaquías 2:12

¡Walïspawa, Diosajj uqham k'añu sarnaker jakenacaru aca marcat jakonucuñapajja, cawquïrïscpasa, qhitïscpasa, take ch'amani Diosaru ofrendanac loktirïscpasa!

Números 28:17

Ucatsti tunca pheskan uru sarakatarojj jach'a fiestäniwa, pakallko urunacaw jan levaduran t'ant'jja mank'apjjaraquïta.

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

Mateo 16:12

Ucapachaw discipulonacapajj amuyapjjäna cuntejj Jesusajj jupanacar yatichañ muncatayna ucjja. Chekpachansa janiw t'ant'a levadurat parlcänti jan ucasti fariseonacan uqhamarac saduceonacan yatichäwipatwa parläna.

Lucas 12:1

Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Lucas 2:43

Fiesta tucuyjjëpansti jupanacajj cutjjapjjänwa, ucampis Jesusajj pachpa Jerusalén marcaruw kheparäna, janiraquiw taycapasa ni Joseasa ucjja amuyapcänti.

Hechos 12:3

Judionacatac uqham walïtap uñjasinsti, Herodesajj Pedrorojj catuntayaraquïnwa. Uca urunacasti jan levaduran t'ant'a mank'añ fiesta urunacänwa.

Gálatas 5:12

Ucampis cawquïrinacatejj jumanacar mayjt'ayasa sarnakasipqui: “Circuncisión lurayasipjjañamaw” sasa ucanacajja, ¡añchaquit mä pit qharekasipjjaspa jupanacpacha!

Deuteronomio 16:3

“Cawquïri uywtejj loktapcäta ucjja jan levaduran t'ant'ampwa mank'apjjäta, cawquïritejj t'akhesiñ t'ant'äqui uca, Egipto marcat wali janc'aqui mistunipjjatam laycu. Uqhamwa jumanacajj jaccasina Egipto marcat mistunipjjatam amtasipjjäta.

Deuteronomio 16:5

Janiraquiw jumanacajj cawqha chekansa Pascua fiesta lurapjjätati cawquïri oraktï Tatitu Diosamajj churapctam uca marcanacanjja,

Deuteronomio 16:8

Sojjta uruw jan levaduran t'ant'a mank'apjjäta, pakallko urüqui ucansti mä jach'a tantachasïwi lurapjjaraquïta, Tatitu Diosamaru jach'añchañataqui, uca urusti janiw jumanacajj cuna casta irnakañamansa lurapjjätati.