Éxodo 10:9 - Qullan Arunaca

⁹ Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Aymar Bibliia 1986

⁹ Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Qullan Arunaka DC

⁹ Moisesasti sänwa: —Nanakax taqpachani sarapxañaxawa, jisk'a wawanakaxampi, chuyman awkinakampi, yuqanakaxampi, phuchhanakaxampi, ovejanakaxampi, vacanakaxampi, akasti nanakatakix Tatit Diosaxan jach'a urupäniwa —sasa.

Éxodo 10:9 Jak'a apnaqawi uñst'ayäwi

Génesis 50:8

pachpa Jacobon familiapasa, Josean familiapasa, jilanacapasa. Gosén orakensti wawanacampi, uywanacampicwa jaytawayapjjänjja.

Éxodo 10:10

Ucatsti faraonajj saraquïnwa: —¡Khana uñjcayawa jumanacan jan wali amtäwinacamajja! Ucampis ¿jumanacajj amuyapjjtati Tatitojj jumanacampïscaspa ucjja, ucatti nayajj jumanacaru, wawanacamarusa sarjjer antutapjjämajja?

Éxodo 10:26

Uqhamarac nanacan uywanacajjsa anaquisjjapjjäwa, janiwa mä uywsa jaytawayapcäti, ucanacat ajllisinwa nanacajj Tatiturojj loktapjjäjja. Ucampis qhayaru puriñcamajja cunanacjjay munapjjchï Tatituru yupaychañataquejja, uc janiw yatisipcti —sasa.

Éxodo 12:32

Apasjjapjjaraquim ovejanacama, vacanacama cunjämtejj sapcayäta uqhamarjama, ucat sarjjapjjam; ucampis nayataquejja Diosarojj mayipjjaraquim —sasa.

Éxodo 12:37

Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 12:38

Jupanacampi chicasti walja cunayman jakenacaraquiw sarapjjaraquïna, uqhamarac ovejanacasa, vacanacasa.

Éxodo 13:6

Pakallko uruwa jan levaduran t'ant'jja mank'apjjäta, ucampis pakallko uru purinjjepanjja Tatituru jach'añchasinwa fiesta lurapjjäta.

Éxodo 3:18

Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Éxodo 5:1

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.

Éxodo 5:3

Jupanacasti parlasipcaquïnwa: —Hebreonacan Diosapawa nanacaru jicjjatapjjetu, uca laycusti nanacajj sarjjapjjäwa wasaranjama quimsür sararu, ucanwa nanacan Tatitu Diosajjarojja sacrificionac loktanipjjäjja. Jupasti capasaquiw nanacarojj mutuyapjjetaspa usumpi, jan ucajj espadampi jiwarayasina.

Proverbios 3:9

“Tatiturojj take kamir cancañamampi jach'añcham, yapumat nayrïri achunac churañampiraqui;

Eclesiastés 12:1

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.

Números 29:12

“Pakallko phajjsit tunca pheskan uru sarakquipanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañanacsa lurapjjätati. Pakallko urunacaw Tatitun jach'a cancañaparu fiesta amtapjjäta.

Efesios 6:4

Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.