Éxodo 1:14 - Qullan Arunaca

¹⁴ Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Aymar Bibliia 1986

¹⁴ Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Qullan Arunaka DC

¹⁴ Ukatsti wali t'aqhisita jakayasaxa, ñiq'i tikanak lurayapxäna, pampan lurañanakax utjki taqi uka lurañanak lurayapxarakïna. Taqi uka lurañanakansti israelitanakax wali t'aqhisiyataw uñjasipxäna.

Éxodo 1:14 Jak'a apnaqawi uñst'ayäwi

Génesis 15:13

Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

1 Reyes 12:14

ucatsti sänwa waynanacajj cuna arunactejj sapcäna ucanaca: “Awquejjatejj ch'ama lurañanaca wayt'apjjchïyätamjja, nayajj juc'amp ch'ama lurañanacwa wayt'apjjäma, uqhamarac awquejjatejj jumanacaru chicotempi jawk'apjjchïyätam ucajja, nayajj hierro puntani chicotempiw jawk'apjjäma” sasa.

Salmos 129:1

Wayna cancañajjatpach ucatak t'akhesiyapjjetu, —jichhajj Israel marcajj sispan—,

Salmos 68:13

Uywa uyunacan samarañamcamasti palomanacajj kollke chhekhanacap qhiwiliyapjjäna, phuyunacapan korejj c'ajäna.

Salmos 81:6

“Jathintir k'epim callachimat apakjjsma, ch'ama tucuñ lurañamat samart'aysma.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 1:13

Egipcio jakenacasti israelitanacarojj wali t'akhesiyañampiw sirviyasipjjäna.

Éxodo 1:15

Ucatsti Egipto marcanquir reyejja Sifra, uqhamarac Fúa sat partera warminacampiw parläna, cawquïrinacatejj hebreonacan parterapäcäna ucanacampi, jupanacarusti aqham saraquïnwa:

Éxodo 2:23

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 6:9

Ucatsti Moisesajj israelitanacaruw parläna, ucampis jupanacajja janiw Moisesarojj ist'añ munapcänti, jupanacajj wali mayjt'atäpjjänwa sinti ch'ama lurañanacampi t'akhesiyatajja.

Proverbios 28:15

Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.

Isaías 10:24

Take ch'amani Tatitusti siwa: “Sionan jaquir marcajjay jan ajjsaramti asirio jakenacarojja, varapampi jumaru jawk'jchïtamsa, thujrupsa juma toke aptcchini, cunjämtejj egipcio jakenacajj lurapjjänjja uqhama.

Isaías 14:6

qhititejj marcanacarojj colerasiñampi t'akhesiyänjja, jan inact'asaraquiw mutuyaraquïnjja, marcanacarusti wali colerataraqui tucjänjja, jan qhuyapt'ayasisaraqui arcnakänjja.

Isaías 51:23

Nayaw uca copjja qhitinacatejj jumar t'akhesiyapcätam ucanacar churä, qhitinacatejj jumarojj sapcäyätam: ‘Oraker liwnoktam, juma patjjwa pasañ munapjjta’ sasa, jumasti liwnokttawa, lak'ar uñtata taquisitäñamataqui.”

Isaías 52:5

Jichhasti ¿cunrac uñjtsti? Marcajjarojj ina ch'usat Babiloniaru apasjjapjje. Atipjirinacasti wali jach'a jach'ar tuct'asaw arnakasipjje, nayarusti jan sayt'asaw chuyma ust'ayapjjetu.

Isaías 58:6

Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;

Levítico 25:43

Jan jupanacarojj khoru cancañampi uñjamti, jan ucasti Diosaru ajjsartam jupajj jumanacan Diosapätap laycu.

Levítico 25:46

Ucatsti wawanacamarojj mä herenciäcaspasa uqhamwa jaytjjapjjaraquïta, cunapachatejj jumanacajj jiwjjapjjäta ucapacha. Wawanacamasti uca esclavonacampejj sirviyasisipcaraquiniwa. Ucampisa janipuniw jumanaca israelitanacajj cawquïri jila masinacamarusa wali khoru cancañampi apnakapjjañamäquiti, janiraquiw t'akhesiyañamäquisa.

Levítico 25:53

Juparusti mä marataquis irnakañapataqui jawsatäcaspas uqhamarjamaraquiw uñjatäni; uca jake masimarusti janiraqui khoru cancañampi uñjamti.

Miqueas 3:3

Marcajjarojj jacquirpachwa mank'antapjjtajja; lip'ichipsa lluch'supjjtawa, ch'aqhanacapsti p'aquirapjjaractawa; phayasiñ aychäcaspas uqhamwa uñjapjjaractajja.

Nahúm 3:14

Uñisirinacamampi muyuntata uñjascäta ucataquejj um phokhantasim; sayt'asiñanacamarusti juc'ampi yapjjatam, uma ñek'eru mantam, ñek'e taquiraquim; ladrill lurañ moldenac caturaquim.

Números 20:15

Nanacan awquinacajjasti Egiptoruw sarjjapjjäna, ucatsti walja maranacaraquiw ucan jacapjjaraquïna, ucampisa egipcionacajj awquinacajjarjamaraquiquiw jan wali uñjapquitänti.

Hechos 7:19

Uca reyisti jiwas castanacarojj wal sallkjäna. Awquinacasarusti wal t'akhesiyaraquïna, asu wawanacapar apanucuyasa, uqhamat jiwarapjjañapataqui.

Hechos 7:34

Nayajj Egiptonquir wawanacajjan t'akhesitapwa uñjta. Ist'aractwa jupanacan jachatanacapsa. Ucatwa nayajj sarakanta jupanacar khespiyañataqui. Jichhajj jutam, nayaw jumarojj Egipto marcaru qhitäma’ sasa.

Deuteronomio 26:6

Ucampis egipcionacajj janiw wal uñjapquitänti, azot'ipjjetänwa, llaquisiyapjjaraquitänwa, uqhamaraquiwa wal t'akhesiyapjjetäna mä esclavor tucuyasa.

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.

Rut 1:20

Ucampis Noemí warmejj jupanacarojj saraquïnwa: —Jan Noemí sapjjestati, jan ucasti Mara sapjjeta. Take ch'amani Diosasti nayarojj jach'a llaquisiñanacwa apayanitu.