Éxodo 1:14 - Qullan Arunaka DC

¹⁴ Ukatsti wali t'aqhisita jakayasaxa, ñiq'i tikanak lurayapxäna, pampan lurañanakax utjki taqi uka lurañanak lurayapxarakïna. Taqi uka lurañanakansti israelitanakax wali t'aqhisiyataw uñjasipxäna.

Aymar Bibliia 1986

¹⁴ Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Qullan Arunaca

¹⁴ Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Éxodo 1:14 Jak'a apnaqawi uñst'ayäwi

Génesis 15:13

Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

1 Reyes 12:14

jan ukasti kuntix waynanakax iwxt'katayna uka arunakak säna: “Awkixatix qhurüchïnxa, nayax juk'amp qhurüyäwa; jupatix ch'ama lurañanak jumanakxar wayt'apxstamxa, nayax juk'amp jathi lurañanak wayt'apxäma; jupatix jawq'jasin mutuyapxstamxa, nayax hierro k'achin wiskanakampiw jawq'japxäma” sasa.

Salmos 129:1

Wayna kankañaxatpach ukataq t'aqhisiyapxitu, jichhax Israel markax sispan,

Salmos 68:13

13 (14) ukampis jumanakax uywa uyunakan qhiparapxtaxa. ¡Qullqimpi llusikipata paloma chhiqhanaka! ¡suma qurimpi apakipata phuyunakapa!

Salmos 81:6

6 (7) “Jatxattir q'ipim kallachimat apaqxsma, ch'ama tukuñ lurañamat samart'aysma.

Éxodo 1:11

Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.

Éxodo 1:13

Egipcio jaqinakax israelitanakar ch'ama lurañanakamp walpun t'aqhisiyäna.

Éxodo 1:15

Ukhamarusa, Egipto markankir reyix Sifrá, Puá sat hebreonak taypin utjir wawa usuyir warminakampiw parläna, jupanakarusti akham sarakïna:

Éxodo 2:23

Jaya maranak qhipatsti Egiptonkir reyix jiwxänwa. Ukampis israelitanakax t'aqhisisipkakïnwa, t'aqhisiyat jaqinakäpxatapat jachasipkakïnwa. Ukat Diosax jachatanakap ist'äna,

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 6:9

Moisesasti kuntix Tatitux siskatayna ukanak israelitanakar yatiyarakïna, ukampis jupanakax janiw Moisesar ist'apkänti, sinti ch'ama lurañanakamp t'aqhisiyatax wali mayjt'atäpxänwa.

Proverbios 28:15

Jan wal apnaqir mä qhuru jilïrix, wararir leonar uñtatawa, pist'añan sarnaqir markar t'aqhisiyas apnaqi.

Isaías 10:24

Taqi ch'amani Tatitusti siwa: “Sión chiqan jakir markaxay, asirionakarux jan axsaramti, jupanakax jawq'japkchïtamsa, chhuxriñchjapkchïtamsa, kunjämtix egipcio jaqinakax lurapkän ukhama.

Isaías 14:6

markanakarux phiñasiñampiw t'aqhisiyäna, jan inakt'asaw mutuyarakïna, markanakarusti wali phiñasitaw tukjäna, jan khuyapt'ayasisaw arknaqäna.

Isaías 51:23

Jan ukasti, uñisirinakamaruw mutuyä, khitinakatix jumanakarux sapkäyätam: ‘Uraqir liwnuqtapxam, ukat taqxatapxäma’ sasa, jumanakasti iyaw sasaw liwitattapxtaxa, ukatsti jupanakax q'al taksuwayapxtam.”

Isaías 52:5

Jichhasti ¿kunarak uñjtsti? Markaxarux ina ch'usat Babiloniarux apasxapxi. Atipjirinakasti wali jach'a jach'ar tukt'asaw arnaqasipxi, nayarusti sapa kutiw chuyma ust'ayapxitu.

Isaías 58:6

chiqpachansa janiw ukax ukhamäkiti. Kawkïri ayunotix kusisiykitu ukax akawa: ina ch'usat katuntatanakar antutxañawa, t'aqhisiyatanakar antutxañawa, jan suman uñjañanak apanukxañawa;

Levítico 25:43

Jan qhuru kankañamp jupanakarux uñjamti, jan ukasti, Diosamar axsartam.

Levítico 25:46

ukatsti kunapachatix jumanakax jiwxapxäta ukkhax wawanakaparuw mä tutïkaspas ukham jaytxapxäta; ukhamat luqtayasipxañamataki. Ukampis jumanakax janipuniw israelita masinakamarux t'aqhisiyapxañamäkiti.

Levítico 25:53

Juparusti mä maratakis irnaqañapatak jawsatäkaspa ukhamarjamaw uñjatäni; janipuniw uka israelita masimarux qhuru kankañamp uñjayätati.

Miqueas 3:3

Markaxarux jakkirpach manq'antapxtaxa; janchipsa q'al lluch'supxtaxa, ch'akhanakapsa p'akirapxtawa; phayasiñ aychäkaspas ukham lurapxtaxa.

Nahúm 3:14

Uñisirinakamar saykatañatak walja uma imasiskäta ukasa; janiw kunatakis askïkaniti. Pirqanakam jach'aptayañatak walja ñiq'i tikanak luraskäta ukasa,

Números 20:15

Nanakan nayra awkinakaxax Egiptoruw jakir sarxapxäna, ukatsti walja maranakaw ukan jakapxäna, ukampis egipcionakax nanakar jan wal uñjapxitu, nayra awkinakaxarjamaw uñjapxarakitu;

Hechos 7:19

Uka reyisti markasarux wal sallqjäna, nayra awkinakasarusti wal t'aqhisiyarakïna; asu wawanakapar apanukuyasa, ukhamat jiwarapxañapataki.

Hechos 7:34

Nayax qhanpach uñjta wawanakaxar Egipton t'aqhisipxatapa. Jupanakan jachatanakap ist'arakta, ukat nayax jupanakar qhispiyir saraqanta. Ukhamasti, wakichasimaya, jumarux Egipto markaruw khithäma’ sasa.

Deuteronomio 26:6

Ukampis egipcionakax janiw wal uñjapkitänti, jawq'japxitänwa, llakisiyapxitänwa, wal t'aqhisiyapxitäna, ch'ama lurañanak lurayapxitäna.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Rut 1:20

Noemí mamasti, jupanakarux sänwa: —Jan juk'amp Noemí sapxistati, jan ukasti Mará sapxita. Taqi ch'amani Tatitux jach'a llakisiñanak nayar apayanitu.