Esdras 9:8 - Qullan Arunaca

⁸ Ucampis jichhajja nanacan Tatit Diosajja, juman qhuyapayasiñam laycuwa nanacata mä tamajja samarat jacañana jicjjatasipjjäna, uqhamatwa nanacar wact'ayapjjesta kollana orakena jacäwinacajja utt'ayañataqui; jumawa machak khana jacañanacajjaru churapjjesta, t'akhesiñanacajja taypina mä juc'a samsuñsa churasaraqui.

Aymar Bibliia 1986

⁸ Ucampis jichhajja nanacan Tatit Diosajja, juman qhuyapayasiñam laycuwa nanacata mä tamajja samarat jacañana jicjjatasipjjäna, uqhamatwa nanacar wact'ayapjjesta kollana orakena jacäwinacajja utt'ayañataqui; jumawa machak khana jacañanacajjaru churapjjesta, t'akhesiñanacajja taypina mä juc'a samsuñsa churasaraqui.

Qullan Arunaka DC

⁸ Ukampis jichhax nanakan Tatit Diosaxay, juman khuyapayasiñamat nanakat mä tamax antutat jikxatasi, ukhamat nanakatak yaqhacharapipkista uka uraqin jan kuna llakin jakañataki; jumaw machaq qhana jakañanakaxaru churapxista, t'aqhisiñanakax taypin mä juk'a samarañ churapxarakista.

Esdras 9:8 Jak'a apnaqawi uñst'ayäwi

2 Reyes 19:4

Inasa Tatit Diosamajj ist'chi Asirianquiri reyin qhitanita oficialapan arunacapjja, jacquir Diosaru jisc'achatapata, inachay mutuyaraquispa Tatit Diosam pachpa ist'qui ucanacatjja. Jichhasti oracionan mayim jilt'apqui ucanac laycojja” sasa.

Esdras 9:9

Nanacajj esclavöpcchïyäta ucasa, janiw jumajja apanucupquistati esclavo cancañana t'akhesiñana. Jumajj qhuyapayasiñamjja uñacht'ayapjjestawa Persia marcanquir reyinac toke, ucatsti jacayapjjestawa temploma sayt'ayañataqui tucjata taypita, uqhamarac imapjjaraquista Judá orakena, uqhamarac Jerusalén marcansa.

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Nehemías 9:31

Ucampis jach'a qhuyapayasiñama laycusti janiw take tucjctati, ni jaytanuccaractasa; jumajja suma qhuyapayasiri Diosätam laycu.

Job 33:30

jiwañatsa khespiyiwa, khansa uñjayascaraquiwa.

Salmos 13:3

Tatit Diosajjay, uñtaniquitaya, ist'aquitaya, suma khanam uñjayita, janiquiy wiñay jiwañar puriyistati.

Salmos 13:4

Janiquiy timasirejjajj sispati: “Nayaw atipjta” sasa. Janirac timasirejjajj aynacht'atajjat cusispati.

Salmos 138:7

Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

Salmos 34:5

jupar uñtapjjam, jumanacasti cusisipjjätawa, ajanunacamajj janiw p'enk tucupcaniti.

Salmos 85:6

¿Janit wasitat jacañ churapquitäta, marcaman jumamp cusisiñapataquejja?

Proverbios 29:13

T'akhesiyata jakerusa, t'akhesiyir jakerusa, Tatituwa panpachaniru nayra churi.

Eclesiastés 12:11

Yatiñanin säwi arunacapajj wali ari puntanïcaspas uqhamawa, mayaru suma apthapitasti suma ch'act'ata ch'acurunacäcaspas uqhamawa, mä sapa awatirin uchata.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Isaías 14:3

Israel marca, cunapachatejj Tatitojj t'akhesiñanacamat samaraycätam ucqhajja, uqhamaraqui llaquisitanacamata, jachcaña esclavo tucutamata samarañ churcätam ucqhajj

Isaías 56:5

nayaw jupanacarojj wawanacat sipansa juc'ampi sumanac churäjja, jupanacan sutinacapasti wiñayataqui kellkatäniwa, nayan templojjana, perkanacajj taypinsa; wiñay suti juparojj churaraquëjja, janipuniw cunapachas uca sutejj chhaktayatäcaniti.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 6:13

Inas mä kawkha jakenaca kheparapjjchini, ucanacas tucjataraquïniwa, cunjämatejj mä kokajj qhuchhunucusejja ucatsti tronco sapaquiw kheparjje —sasa. (Ucampis uca troncotjja mä suma kollana aliw ch'ichtanjjani).

Jeremías 42:2

jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Jeremías 44:14

Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.

Ezequiel 14:22

Mä kawkhaniquiw ucanjja kheparapjjani, uca chekatjja yokanacapampi, phuchanacapampiw mistunjjapjjaraquini. Cunapachatejj jupanacajj jumanacan ucaru jutapjjani, ucapachaw jumanacajj uñjapjjäta cunjämtejj sarnakapcatayna uqhamaraqui cunanactejj lurapcatayna take ucanaca. Ucatsti cuna mutuyäwtejj Jerusalén marcjjaru apayancta ucatsti chuymachasjjapjjaraquïtawa.

Oseas 6:2

Mäquiw c'umar sarnakasiñjja churjjestani, jupa nayrakatan jacañasataquiw sartayasjjaraquistani.

Habacuc 3:2

“Cuntejj jumat ist'tjja, take luräwinacamata, ucasti wali muspharañaraquiw nayataquejja. Jichhasti luraraquimay jacäwinacajjana, cunj jach'a luräwinactejj qhä urunacan lurcäyätajja, uqhamat nanacajj uñt'apjjañajjataquiraqui. Jichhasti qhuyapt'ayasiñama uñacht'ayapjjeta, colerasiñaman jicjjatascasasa.

Sofonías 3:12

Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Zacarías 10:4

Jupanacatwa mistunejja Esquina Kalasa, Carpa Ch'acurusa, Guerrasiñ Arcosa. Jupanacatwa irpirinacajj mistunejja.

Zacarías 8:12

Sumancañaw jupanac taypinjj satatänejja, uva yapunacasti achupjjaniwa, orakesti sumwa achuraquini, alajjpachasti sullanaca apayaniraquini. Nayasti churäwa take ucanaca aca marcan kheparasa utjnokapqui ucanacaru.

Zacarías 8:6

Qhä urunjja take ucanacajj jan amuycayäniwa marcajjanquirita kheparapqui ucanacan nayranacapataquejja; ucampis nayataquejj janiw uqhamäcaniti. Naya, take ch'aman Tatituw arstjja.

Romanos 9:27

Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

1 Samuel 14:27

Ucampisa Jonatanajj janiw ist'cataynati, cuntejj awquipajj juramentompi take ejercitopar siscatayna ucjja. Ucat cuna vara ayt'atäcäntejj uca varampiw misq'i apsusïna, mank'antaraquïna, ucampejj suma ch'amaniw tucuraquïna.

1 Samuel 14:29

Ucat Jonatanajj saraquïna: —Awquejjajj jan wal luri aca marcarojja. Uñjam cunjämsa nayajj uca mä juc'a misq'i mallt'asajj ch'amani tucuractjja,