Esdras 9:9 - Qullan Arunaca

⁹ Nanacajj esclavöpcchïyäta ucasa, janiw jumajja apanucupquistati esclavo cancañana t'akhesiñana. Jumajj qhuyapayasiñamjja uñacht'ayapjjestawa Persia marcanquir reyinac toke, ucatsti jacayapjjestawa temploma sayt'ayañataqui tucjata taypita, uqhamarac imapjjaraquista Judá orakena, uqhamarac Jerusalén marcansa.

Aymar Bibliia 1986

⁹ Nanacajj esclavöpcchïyäta ucasa, janiw jumajja apanucupquistati esclavo cancañana t'akhesiñana. Jumajj qhuyapayasiñamjja uñacht'ayapjjestawa Persia marcanquir reyinac toke, ucatsti jacayapjjestawa temploma sayt'ayañataqui tucjata taypita, uqhamarac imapjjaraquista Judá orakena, uqhamarac Jerusalén marcansa.

Qullan Arunaka DC

⁹ Nanakax t'aqhisiyatäpkta ukasa, janiw jumax t'aqhisïwixan apanukupkistati; Persia markankir reyinak tuqiw khuyapayasiñam uñacht'ayapxista, pampar tukut utam wasitat sayt'ayapxañaxatakiw jakañ churapxista, ¡Judá uraqina, Jerusalén markansa imapxarakistawa!

Esdras 9:9 Jak'a apnaqawi uñst'ayäwi

Esdras 2:68

Familianacata yakhep jilïrinacasti Jerusalenan Tatitun templopar purisinjja, ofrendanacwa churapjjäna Diosan templopajj wasitat lurayatäñapataqui.

Esdras 7:6

Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Esdras 7:8

Esdras chachajj Diosan qhuyapayasiñapampi, yanapapampejja Babiloniatwa cutt'anïna Artajerjes reyejj pakallk mara apnakascäna uca kallta phajjsina mä uru sarakataru, ucatsti Jerusalén marcarojj purinïnwa uca pachpa marana pheskër phajjsita mä uru sarakataru.

Esdras 9:10

“Ucampis jichhajja nanacan Diosajja, ¿camsapjjeristsa take cuna nanacajj lurapjjatanacajjatjja? Nanacajj janiw phokhapcti juman camachinacamjja,

Nehemías 2:17

Ucatsti nayajj sistwa: —Jumanacajj asquiwa yatipjjtajja jiwasanacana jan walt'añana jicjjatasipjjatasjja, Jerusalenasti sinti tucjatawa, uqhamarac puncunacapasa. Jumanacasti nayampi chicajja mayacht'asipjjam Jerusalenan perkanacapa wastata sayt'ayañataqui, jan jiwasata larusipjjañapataqui —sasa.

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Salmos 109:12

Jan qhitis jupat qhuyapayaspati, janirac wajcha wawanacapat qhuyapayaspati.

Salmos 138:7

Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

Isaías 14:3

Israel marca, cunapachatejj Tatitojj t'akhesiñanacamat samaraycätam ucqhajja, uqhamaraqui llaquisitanacamata, jachcaña esclavo tucutamata samarañ churcätam ucqhajj

Isaías 5:2

Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Isaías 5:5

Waliquiwa, jichhasti sapjjämawa cuntejj uva yapojjampi lurañ amtcta uca: Cunampi muyuntatäcäntejj ucjja aptjjäwa uqhamat tucjapjjañapataqui, perkapsti aptjjaraquïwa uqhamat taquisipjjañapataqui,

Isaías 61:4

“Nayrapacha t'unjat utanacsti wasitatwa utachjjapjjani, cawquïri jach'a utanacatejj t'unjatäcän ucanacjja wasitatwa sayt'ayjjapjjani, cawquïri marcanacatejj t'unjatäcän ucanacjja utachjjapjjaraquiniwa.

Ezequiel 11:16

Jichhajj jupanacarojj saraquim: ‘Naya Tatitojj jayaruw jupanacjja apanucta, yakha jaya marcanac taypiruw willitataracta, ucampisa ucajj mä juc'a pachanacataquiquiraquïniwa. Naya quipcaraquiw jupanacataquejj mä santuario tucuraquï uca cawqui marcanacarutejj sarapcani ucanjja.’

Daniel (hebreo) 9:25

Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Hageo 1:9

Jumanacajj wal thakasipctajja, ucampis juc'ac jicjjatapjjtajja. Cuntejj utanacaman imasipcta ucjja may phust'asin ina ch'usaruw tucuyäjja. ¿Cunata? Utajjajj ina apanucutätap laycu, jumanacasti utanacamatac llaquisipctajja. Naya ch'amani Tatituw arsta.

Zacarías 2:5

Ucampisa naya quipcaw mä nina uyjam Jerusalenar muyuntayäjja, marca taypinracwa jach'a cancañajj uñacht'ayäjja. Naya Tatituw arstjja.’ ”