Esdras 9:5 - Qullan Arunaca

⁵ Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Aymar Bibliia 1986

⁵ Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Qullan Arunaka DC

⁵ Ukatsti, jayp'u tuqir wilañcha luqtañäki ukkhaw llakisiñaxat kutitatta. Ch'iyanuqat isinpachaw Tatituxan nayraqatapan qunqurt'asta, amparanakax luqtasaw

Esdras 9:5 Jak'a apnaqawi uñst'ayäwi

1 Reyes 8:22

Ucatsti Salomonajj Tatitun altarapa nayräjjaparuwa sayt'asïna, take israelit jakenac nayrakatana, ucatjja alajjpach toker amparanaca loktasinjja sänwa:

1 Reyes 8:38

ucatsti jumajj ist'am cawquïr take jaken oracionanacapsa, mayisitanacapsa, jan ucajj takpach Israel marcamana mayisitanacapsa, uqhamata Diosajj jan walt'añanacana, aykoñanacana t'akhesiñanacana uñjasisasti oracionana aca templona amparanaca loktaniñapataqui. Jumasti alajjpachatpacha ist'anim cawqhantejj jactajj ucqhatpacha, ucatsti perdonanim; luraraquim, ucatjja sapa maynirusa luratanacapatjama churaraquim, juma sapaquiwa jaken amtäwinacapa chuymapsa uñt'tajja uca laycu.

1 Reyes 8:54

Cunapachatï Salomonajj Tatituru mayisiñampi aca oraciona luraña tuct'ayäna ucqhajja, sayt'asïnwa altar nayrakatana quillt'atäcäna ucqhata, ucatsti alajjpach tokeru amparanacapa aytasinsti,

2 Crónicas 6:13

Jupasti bronceta lurata alto cheka patjjancänwa, ucasti largorojja pä metro pä tunca pheskani centimetronïnwa, anchorusti mä ucqharaqui, altorusti mä metro quimsa tunca pheskani centimetronïnwa, ucsti chica chica uta ankäjjaruw uchayäna. Ucatsti jupajj quillt'asïnwa take israelita jakenacan nayrakatapana, amparanacapjja alajjpacharu loktasa,

Nehemías 1:4

Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Salmos 143:6

Juma tokeruw amparanacajj loktansma, waña oraker uñtataw jumatjam pharjayasta.

Salmos 95:6

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Éxodo 9:29

Moisesajj sänwa: —Nayasti aca marcat mistusinjja, amparajj loktasawa Tatiturojj mayëjja, ucatsti janiw utjcjjaniti khejjokhejjonacasa, ni chhijchhisa, ucatwa yatïta orakejj Tatituncatapa.

Éxodo 9:33

Moisesasti faraonampi parlawayasinjja, marcat jayaruw saräna, ucansti Tatituruw mayïna. Ucatsti ucspachaw chhijchhejj t'acurawayjjäna, janiw khejjokhejjonacas utjcjjänti, ni jallus purcjjaraquïnti.

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Daniel (hebreo) 10:2

“Uca urunacansti, naya, Daniel, wali llact'ata quimsa semanaw sarnakäyäta.

Lucas 22:41

Ucat Jesusajj mä kala jakt'arjamaw saräna, ucan orañataquiw quillt'asiraquïna.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Efesios 3:14

Ucatpï quillt'astjja [Tatit Jesucriston] nayrakataparojja.