Esdras 9:5 - Qullan Arunaka DC

⁵ Ukatsti, jayp'u tuqir wilañcha luqtañäki ukkhaw llakisiñaxat kutitatta. Ch'iyanuqat isinpachaw Tatituxan nayraqatapan qunqurt'asta, amparanakax luqtasaw

Aymar Bibliia 1986

⁵ Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Qullan Arunaca

⁵ Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Esdras 9:5 Jak'a apnaqawi uñst'ayäwi

1 Reyes 8:22

Ukatsti Salomonax Tatitun altarap nayräxaruw sayt'asïna, taqpach israelita jaqinak nayraqatana, ukatsti amparanakap alaxpachar luqtasaw jach'at säna:

1 Reyes 8:38

jumax khiti jaqina, jan ukax taqpach Israel markamana, chuyma ust'at uñjasisa t'aqhisiñapan aka uta tuqir uñtat amparanakap luqtanis jumat mayisitanakaparu, achikt'asitanakaparus ist'akimaya. Jumax alaxpachatpachay ist'anim, kawkhantix jakta ukawjatpacha, ukatsti pampachamaya; sapa maynirus luratanakapatjam churarakim, juma sapakiw jaqin amtäwinakapa, chuymapsa uñt'taxa.

1 Reyes 8:54

Salomonax Tatitun utapan altarap nayräxan killt'ata, alaxpach tuqir amparanakap aytataw Diosat mayisïna. Mayisiñ tukt'ayasinsti,

2 Crónicas 6:13

Jupasti broncet lurat tarima patxankänwa, ukasti sayt'urux pä metro pä tunka phisqani centimetronïnwa, iramarusti mä ukkharaki, amstarux mä metro kimsa tunka phisqani centimetronïnwa, uksti chika chika uta anqaruw uchayäna. Ukatsti jupax taqi israelita jaqinak nayraqatan killt'asïna, amparanakapa alaxpach tuqiru luqtasin

Nehemías 1:4

Uka arunak ist'asasti qunt'asisin jachta, mä qawqha urunakaw wali llakt'at jikxatasïyäta, ayuno lurasa, alaxpachankir Tatitut mayisisaraki.

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Salmos 143:6

Juma tuqiruw amparanakax luqtansma, waña uraqir uñtataw jumatjam pharjayasta.

Salmos 95:6

Jutapxam, killt'asis yupaychapxañäni; Tatitun nayraqatapar killt'asipxañäni, jupaw jiwasanakarux irnuqistu.

Éxodo 9:29

Moisesasti sänwa: —Nayax aka markat mistusin ukspachaw amparax luqtas Tatitur mayï, ukatsti qhixu qhixunakasa, chhijchhisa t'akurxaniwa, ukat yatïta aka uraqix Tatitunkatapa.

Éxodo 9:33

Moisesasti faraonamp parlasin markat mistuwayäna, amparanakap aytasaw Tatitur mayïna. Ukatsti ukspachaw chhijchhix t'akurawayxäna, janiw jallus purxatkxänti, qhixu qhixunakas janirakiw utjkxänti.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Daniel (hebreo) 10:2

“Uka urunakanxa, naya, Danielax kimsa semanaw wali llakt'ata jikxatasïyäta.

Lucas 22:41

Ukat Jesusax mä qala jaqt'arjamaw saräna, ukan Diosat mayisiñatakiw killt'asïna.

Hechos 21:5

Ukampis ukat paqallq ururusti saraskakiñatakiw mistuwayxapxta. Jilatanakasti warminakampi, wawanakampi kunaw nanak chikarak marka anqäxkam sarapxi. Quta thiyar purisinsti killt'asisaw Tatitur mayisipxta.

Efesios 3:14

Ukat nayax Dios Awkin nayraqatapan killt'asta,