Esdras 8:21 - Qullan Arunaca

²¹ Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Aymar Bibliia 1986

²¹ Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Qullan Arunaka DC

²¹ Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Esdras 8:21 Jak'a apnaqawi uñst'ayäwi

2 Crónicas 20:3

Josafat reyisti walwa ajjsarayasïna, ucatsti Tatitur maqhatjjawa amtasïna. Ucatjja ayunañataquiw take Judá orakpacharu yatiyäna,

2 Crónicas 20:4

Judá orakenquir jakenacajja Tatitur yanapa mayiñataquiw tantachasïna. Judá orakena take marcanacapatwa jakenacajj purinipjjäna.

Esdras 8:15

Naya Esdrasaw take jupanacar tantachta Ahava jawiraru jicjjatqui uca jawira lacjjana, ucansti quimsa uruwa utjnoktapjjta. Ucansti jakenaca, uqhamarac sacerdotenaca taypina thaktasinjja janiw mayni levita chacharusa jicjjatcti.

Esdras 8:31

Kallta phajjsina tunca payan uru sarakataruwa Ahava sat jawiratjja sartanjjapjjta Jerusalén marca tokeru. Diosasasti yanapapjjetuwa thaquina uñisirinacata, lunthatanacatsa imasa.

Nehemías 9:1

Uca pachpa phajjsïri pä tunca pusini urunaca sarakataru ucqhajja, israelit jakenacajja tantachasipjjänwa ayunañataqui; jupanacasti isthapisipjjänwa chhanqha isinacampi, uqhamarac p'eke patanacaparusa lak'ampiwa willjjatasipjjäna.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Salmos 137:1

Babilonia jawir lacanacan kont'ataw Sión marcat amtasisajj jachapjjäyätan.

Salmos 5:8

Tatay, nayamp timasirinacan utjatap laycojj asqui cancañamampiy irpita, nayrakatajjansti thaquimay qhusqhacharapita.

Salmos 5:9

Jupanacajj janipuniw khana chuymamp arsupquiti, ¡chuymanacapajj ñankhamp phokhantatawa! Mallk'apajj jist'arat amay imañawa, ¡lajjrapasti c'ari lajjrawa!

Salmos 8:2

Timasirinacaman utjatap laycojj ñuñusquir wawanacan jach'añchatapampiw ch'amam uñacht'aytajja, timasirinacampir kallasirinacampir t'unjañataqui.

Proverbios 3:6

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Isaías 30:21

Cupi tokeru, jan ucajj ch'eka tokerus saranucütajja, khepäjjamatsti mä aru ist'äta, saraquïtamwa: “Aca chekaw thaquejja, sarasipcaquim” sasa.

Isaías 35:8

Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Isaías 49:10

“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.

Isaías 58:3

ucampis sapjjaraquiwa: ‘¿Cunataquirac ayunañänisti, Diosajj janejjay uñjcchitejja? ¿Cunataquirac ch'am tucuscañänisti, jupajj janejjay amuycchitejja?’ sasa. Ayunañ urusti jumanacajj aljasiñanacaruw uscusipjjtajja, irnakerinacamatsa k'al ch'amjja thalsupjjtajja;

Isaías 58:5

¿Jumanacasti amuyapjjtati cawquïri ayunañatejj llact'ata jicjjatasiñäqui, p'ekes mä alir uñtata alintata, uqhamaraqui llaqui isimpi isthapita khelljjan iquiñäqui ucajj cheka ayunütapa? ¿Ucaruti jumanacajj ‘Ayuno’ sapjjta? ‘¿Tatitun suma urupa sapjjaracta?’

Jeremías 10:23

Tata, nayajj yattwa jakejj janiw alasquiti pachpa jacañapjja, janiraquiw tucuyäwipsa munañapar apnakcaspati.

Jeremías 42:3

Tatitu Diosamarusti saraquim, cawqui cheksa nanacajj sarapjjä, cunsa lurapjjä ucanac toketjja —sasa.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Levítico 16:29

“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.

Levítico 16:31

Aca leyisti wiñayataquiraquiwa: uca urusti jumanacataquejj wali jach'a urüniwa, samaraña ururaqui, uqhamaraqui Tatitutaqui yakhachata ayuno lurañ ururaqui.

Levítico 23:29

Qhititejj uca uru jan ayuncani ucasti, qhitïscpasa, jakenac taypitjja apanucutäjjaniwa.

Jonás 3:5

Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.

Jonás 3:7

Ucatsti, reyejja jilïrinacapampi take marcpacharuw mä leyi yatiyäna, aqham sasa: “Janiw qhitis cunsa mank'añapäquïti, ni uywanacasa, ovejanacapasa, vacapasa, janipuniwa mank'añapäquiti ni umañapäquisa.

Números 14:3

Cunataquis Diosajj aca marcar irpanistu. ¿Jiwasan guerran jiwarañasataqui, uqhamarac warminacasasa, wawanacasasa uñisirisan amparapar catuyatäñapataqui? ¡Walïspawa Egipto marcar cuttjjañasajja!” sasa.

Números 14:31

Ucat sipana cawquïri wawanacamarutejj jumanacajj sapcta, uñisirinacasaw catuntapjjani sasajja, ucanacaruw irpäjja cawquïri oraktejj jumanacajj jan munapcta ucarojja, jupanacan cusisitäpjjañapataqui.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

Jueces 20:26

Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.

1 Samuel 7:6

Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.