Esdras 8:21 - Qullan Arunaka DC

²¹ Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Aymar Bibliia 1986

²¹ Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Qullan Arunaca

²¹ Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Esdras 8:21 Jak'a apnaqawi uñst'ayäwi

2 Crónicas 20:3

Josafat reyisti axsarañat Tatituruw makhatäna, ukatxa ayuno lurañatakiw Judá uraqpachar yatiyäna,

2 Crónicas 20:4

Judá uraqinkir jaqinakasti Tatitun yanapt'ap mayiñatakiw tantachasïna. Jaqinakax Judá uraqpachan utjir markanakat purinipxäna.

Esdras 8:15

Naya Esdrasax Ahavá jawirar jikxatki uka jawir lakxan taqi jupanakar tantachthapta, ukawjan kimsa uruw utjnuqtapxarakta. Ukatsti, jaqinakampiru, sacerdotenakampir sutipatkam jawskäyäta ukkhasti, ukanak taypin janiw mayni levitarus jikxatkti.

Esdras 8:31

Abib sat qallta phaxsina, tunka payan uru saraqataruw Ahavá jawirat Jerusalén marka tuqir sartanxapxta. Tatitusaw thakhin uñisirinakata, lunthatanakatsa imapxitu.

Nehemías 9:1

Uka pachpa phaxsina, pä tunka pusini uru saraqataruw israelit jaqinakax ayuno lurañatak tantachasipxäna; jupanakasti chhankha isinakampiw uchasipxäna, p'iqinakapxarus laq'ampiw willxatasipxäna,

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Salmos 137:1

Babilonia jawir lakanakan qunt'ataw Sión markat amtasisax jachapxäyätan.

Salmos 5:8

8 (9) Tatay, nayar uñisirinakan utjatap laykux aski kankañamampiy irpita, suma thakhimanjamay irpita.

Salmos 5:9

9 (10) Jupanakax k'arikamakïpxiwa, nayar aynacht'ayañak munasipki. Janipuniw kunsa chiqap sapkiti, jiwañatak parlt'asipki.

Salmos 8:2

2 (3) Uñisirinakaman utjatap laykux ñuñuskir wawanakan jach'añchatapampiw ch'amam uñacht'aytaxa, timasirinakampiru, qallasirinakampir t'unjañataki.

Proverbios 3:6

Taqi luräwinakaman Tatitut amtasipunim, jupaw chiqa thakhinjam irpaskätam.

Isaías 30:21

Kupi tuqiru, jan ukax ch'iqa tuqirus saranukütaxa, qhipäxamatsti mä aru ist'äta, sarakïtamwa: “Aka chiqaw thakhixa, sarasipkakim” sasa.

Isaías 35:8

Ukansti mä thakhiw utjani, ukasti “Qullana Thakhi” satäniwa; khitinakatix jan q'umachatäpki, pisi amuyunïpkaraki ukanakax janiw uka thakhinjam sarnaqapkaniti.

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Isaías 49:10

“Janiw manq'at awtjayaskxapxaniti, umatsa pharjayaskxapxaniti, janirakiw lupisa, junt'usa qhatintkxaniti, nayaw jupanakar munta ukat irpta, jalkiri uma thiyanakaruw irparakï.

Isaías 58:3

ukatsti sapxarakiwa: ‘¿Kunatakirak ayunañänisti?, Tatitux janixay uñjkchitixa. ¿Kunatakirak ch'am tukuskañänisti?, jupax janixay amuykchitixa’ sasa. Ayunañ urunsti jumanakax aljasiñanakaruw uskusipxtaxa, irnaqirinakamatsa ch'am q'al thalsupxtaxa;

Isaías 58:5

Ukham ayuno lurañaxa, nayatakix janipuniw kuna askïkisa. Mä alir uñtataw p'iqinakam alintapxtaxa, chhankha isinakampi isthapisisaw qhillxan ikipxtaxa. Uka luräwiruw ‘Ayuno’ sapxtaxa, ‘Tatitutakisti aski uruwa sapxaraktawa’,

Jeremías 10:23

Tatay, nayax yattwa, jaqix janiw jakañap alaskiti, janirakiw kawkir saratapsa yatiskiti.

Jeremías 42:3

Tatitu Diosamaruy achikt'arapipxita, kawki chiqsa nanakax sarapxä, kunsa lurapxä ukanak tuqita —sasa.

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Joel 1:14

Markarusti tantacht'apxam, ayuno lurapxam; jilïr jaqinakaru, aka markan jakir taqi jaqinakarusa, Tatit Diosapan utapar tantachapxam, Tatitut mayisipxarakim.

Levítico 16:29

“Aka kamachinakasti jumanakatakix wiñayatakïniwa: paqallqüri phaxsina tunka uru saraqatarusti jumanakax ayunapxätawa, uka urusti janiw kunsa lurapxätati, taqi israelita jaqinaka, jaya markat jutasin jumanak taypin jakir jaqinakasa,

Levítico 16:31

Aka kamachisti wiñayatakiwa: uka urusti jumanakatakix samaraña mä jach'a urüniwa, Tatitutak yaqhachata ayuno lurañ ururakïniwa.

Levítico 23:29

Khititix uka samarañ urun jan ayunkani ukasti, khitïskpasa, markap taypitxa apanukutäniwa.

Jonás 3:5

Uka markankir jaqinakasti jach'at jisk'akamaw Tatitur iyawsapxäna, ayuno lurañ amtapxarakïna, llakisiñatsa chhankha isinakampiw isthapisipxäna.

Jonás 3:7

Ukatsti, reyimpi, jilïrinakapampixa, taqi markpacharuw mä kamachi yatiyapxäna, akham sasa: “Janiw khitis kunsa manq'añapäkiti, uywanakarus janirak manq'añsa, umañsa churapxpati.

Números 14:3

¿Kunatakirak Tatitusti aka uraqir irpanpachïstusti? ¿Jiwasan nuwasïwin jiwarañasataki, warminakasasa, wawanakasas uñisirisan amparapar katuntat uñjasiñasatakit irpanpachïstusti? ¡Egiptor kuttxañasakiw walïspa!” sasa.

Números 14:31

Ukatsipana, wawanakamarux mantayäwa, jumanakax sapxtawa: wawanakasax uñisirinakasan amparaparuw jalt'ani, sasa. Uka wawanakaruw jumanakan jisk'achat uraqir irpä, uka uraqin achunakapamp kusisit sarnaqapxañapataki.

Hechos 2:39

Aka arsutax jumanakatakiwa, wawanakamatakiwa, jayankirinakampitakiwa; qawqhanirutix Dios Tatitusax jawskani jupanakampitakirakiwa.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

1 Samuel 7:6

Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna.