Esdras 7:25 - Qullan Arunaca

²⁵ “Juma Esdras sacerdotirusti saracsmawa, Diosajj churctam uca yatiñamampisti, utt'ayam juezanaca, marca apnakerinaca Eufrates jawirata inti jalanta tokenquir provinciana jakenacar chekapar uñjañapataqui take qhitinacatejj Diosan leyipa yatipqui ucanacaru; ucatsti qhitinacatejj jan yatipqui ucanacarusti yaticharaquim.

Aymar Bibliia 1986

²⁵ “Juma Esdras sacerdotirusti saracsmawa, Diosajj churctam uca yatiñamampisti, utt'ayam juezanaca, marca apnakerinaca Eufrates jawirata inti jalanta tokenquir provinciana jakenacar chekapar uñjañapataqui take qhitinacatejj Diosan leyipa yatipqui ucanacaru; ucatsti qhitinacatejj jan yatipqui ucanacarusti yaticharaquim.

Qullan Arunaka DC

²⁵ “Esdras, jumarusti saraksmawa, Tatitumaw jumar yatiñ kankañ churtam. Uka yatiñ kankañamamp marka apnaqirinakampi, taripirinakamp utt'ayam, jupanakax Tatituman kamachinakap uñt'apxañapawa, Éufrates jawirat inti jalanta tuqinkir suyun utjasir jaqinakar chiqa kankañamp apnaqapxañapataki; kamachinak jan uñt'ir judionakarux yaticharakim.

Esdras 7:25 Jak'a apnaqawi uñst'ayäwi

Génesis 41:38

ucatwa faraonajj jupanacar saraqui: —¿Aca jakjam yakha jakjja Diosan ajayupani cuna jicjjatsnati? —sasa.

Génesis 41:39

Josearusti saraquïnwa: —Janiw jumjam ch'iqhi, yatiñani jakejj utjquiti, Diosaraquiw jumarojj take acanac yatiytam.

1 Reyes 3:28

Reyina uqham chekaparu uñjäwipjja take Israel marcpachawa yatipjjäna, ucatsti juparojj asquimpiwa uñjapjjäna, jupanacajj ajjsarapjjänwa Diosajj uca yatiñ cancaña churatapata chekaparu apnakañataqui uca laycu.

2 Reyes 17:27

Uqhamasti Asirianquir reyejja sänwa: “Preso apanitäqui ucanacat mä yakhep sacerdotenacaru qhitapjjam, jupanacajj sarasina yatichanipjjañapataqui uca orakenquir Diosan leyinacapa” sasa.

1 Crónicas 22:12

Tatitojj jumar churpan ch'iqhi cancaña, uqhamarac yatiñanïña, cunapachatï jupajj Israel marcar apnakañamataqui utt'aycätam ucqhajja, uqhamata Tatit Diosaman leyipa phokhañamataqui.

1 Crónicas 23:4

Ucanacatsti yakhachapjjänwa pä tunca pusini waranka levita jakenaca templo lurayañan sarayapjjañapataqui, sojjta waranka levita chachanacasti yakhachatäpjjänwa jilïrïpjjañapataqui, uqhamarac juezäpjjañapataqui.

Esdras 10:4

Sayt'asim, aca lurañasti jumaruwa wact'tam; nanacasti jumampiwa sayt'asipjjäjja; jichhasti jumajj ch'amañchasim, ucatsti luraraquim” sasa.

Esdras 6:6

Ucjjarojja Darío reyejja sänwa Eufrates sat jawirata inti jalanta tokenquiri provinciana Tatnai sat marca apnakeriru, Setar-boznai sat chachampiru, uqhamarac masinacapampirusa, qhitinacatejj uca pachpa provinciana yanapirinacäcäna ucanacarusa, aqham sasa: “Jerusalén marcatjja mistupjjam,

Esdras 7:10

Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Esdras 7:14

Jumarusti qhitasctamwa reyimpi, uqhamarac pakallk amuyt'ayirinacapampi, Judá orakeru, uqhamarac Jerusalenaru ucan cunjämäsquisa uca uñjasiñamataqui, cunjämäquitï Diosaman leyipajj juman amparamana ucarjama.

Nehemías 9:3

Jupanacajj uca pachpancasipcäna ucqhasti, quimsa horawa Tatit Diosan leyi libropajj leet'asïna takenin uñjcata, uqhamaraquiw yakha quimsa horaraqui juchanacapa arsusipjjäna, uqhamarac Tatiturus yupaychapjjaraquïna.

Salmos 19:7

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Proverbios 2:6

Tatituwa yatiña churirejja; lacapataracwa yatiña, uñt'aña arunacapajj misturaqui.

Proverbios 6:23

Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Marcos 6:34

Jesusasti botet mistusinjja, walja jakenacaruw uñjäna. Jupanacatsti qhuyapt'ayasïnwa jan awatirin ovejanacjamäpjjatap laycu. Ucatsti walja yatichäwinac yatichañ kalltäna.

Deuteronomio 16:18

“Utt'ayasipjjam juezanaca, jilïri jakenaca, take cawquïri marcanactejj Tatitu Diosamajj sapa tribunacaru churapcätam ucanacataqui, jupanacan suma cheka cancañampi uñjapjjañapataqui.

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.