Esdras 7:25 - Qullan Arunaka DC

²⁵ “Esdras, jumarusti saraksmawa, Tatitumaw jumar yatiñ kankañ churtam. Uka yatiñ kankañamamp marka apnaqirinakampi, taripirinakamp utt'ayam, jupanakax Tatituman kamachinakap uñt'apxañapawa, Éufrates jawirat inti jalanta tuqinkir suyun utjasir jaqinakar chiqa kankañamp apnaqapxañapataki; kamachinak jan uñt'ir judionakarux yaticharakim.

Aymar Bibliia 1986

²⁵ “Juma Esdras sacerdotirusti saracsmawa, Diosajj churctam uca yatiñamampisti, utt'ayam juezanaca, marca apnakerinaca Eufrates jawirata inti jalanta tokenquir provinciana jakenacar chekapar uñjañapataqui take qhitinacatejj Diosan leyipa yatipqui ucanacaru; ucatsti qhitinacatejj jan yatipqui ucanacarusti yaticharaquim.

Qullan Arunaca

²⁵ “Juma Esdras sacerdotirusti saracsmawa, Diosajj churctam uca yatiñamampisti, utt'ayam juezanaca, marca apnakerinaca Eufrates jawirata inti jalanta tokenquir provinciana jakenacar chekapar uñjañapataqui take qhitinacatejj Diosan leyipa yatipqui ucanacaru; ucatsti qhitinacatejj jan yatipqui ucanacarusti yaticharaquim.

Esdras 7:25 Jak'a apnaqawi uñst'ayäwi

Génesis 41:38

ukat faraonax jupanakarux säna: —Janiw kawkhansa aka jaqjama Diosan ajayupani jikxatkañäniti —sasa.

Génesis 41:39

Josearusti sarakïnwa: —Janiw jumjam ch'ikhi, yatiñani jaqix utjkiti, Diosarakiw jumarux taqi akanak yatiytam.

1 Reyes 3:28

Ukatsti Israel markpachaw reyin ukham chiqapar uñjatap yatïna. Ukatsti Salomón reyirux axsartañampiw jaqinakax uñjapxäna, Diosan jupar uka yatiñ kankañ chiqapar uñjañataki churatap layku.

2 Reyes 17:27

Ukham ist'asasti, Asiriankir reyix sänwa: “Katuntat apanitäki uka sacerdotenakat maynir khithapxam, ukan jakir sarpan, ukatsti uka uraqinkir Diosan kamachinakap jupanakar yaticharakpan” sasa.

1 Crónicas 22:12

Tatitux ch'ikhi kankaña, yatiñ kankañ jumarux churpan, kunapachatix jumarux Israel markar apnaqañ katuykätam ukkhax Tatit Diosaman kamachip phuqhañamataki.

1 Crónicas 23:4

Jupanakatsti, pä tunka pusin waranqa levitanakax Tatitun utap lurañ sarayapxañapatak utt'ayatänwa, suxta waranqa jilïrinaka, ukhamarak taripirinaka,

Esdras 10:4

Sayt'asim, ak lurañax jumaruw wakt'tam; nanakasti yanapapxämawa. ¡Ch'amañcht'asim!” sasa.

Esdras 6:6

Ukatsti Darío reyix Éufrates jawirat inti jalant tuqinkir suyun Tatenai apnaqiriparu, Setar-boznai chacharu, maynïr jilïrinakampirux akham iwxarakïna: “Jerusalén markat mistupxam,

Esdras 7:10

Esdrasax taqi chuymaw Tatitun kamachipxat yatxataña, ukhamarjam phuqhañsa amtasïna, ukatsti israelit jaqinakar Tatitun kamachinakapa, arsüwinakap yatichañaraki.

Esdras 7:14

Jumarusti, nayampi paqallqu amuyt'ayirinakaxampiw Jerusalenar khithapxsma, Judá uraqina, Jerusalenan kunjämäskis uk uñjañamataki, kunjämäkitix Tatituman kamachipax ukhamarjama.

Nehemías 9:3

Jupanakax kimsa horaw pachpan sayt'atäsipkäna, ukchañkamasti Tatit Diosan kamachi arunakapax taqi jaqinak nayraqatan ullarasïna, ukxar kimsa horasti, juchanakap arsusipxäna, ukatsti Tatituruw yupaychapxarakïna.

Salmos 19:7

7 (8) Tatitun kamachinakapax chiqapawa, jaqin chuymap machaqaptayiriwa. Tatitun arunakapax askiwa, llamp'u chuyman jaqir yatiñan tukuyiriwa.

Proverbios 2:6

Tatituw yatiñ kankañ churirixa; amuyt'añampi, yatiñ kankañampix lakapat mistu.

Proverbios 6:23

Chiqpachansa iwxa arunakampi, yatichäwinakampix qhanaskir lamparar uñtatawa; chiqachäwinakampi, suma iwxt'a arunakampix, jakañ thakhiwa.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Mateo 13:52

Ukat Jesusax jupanakar säna: —Kunapachatix kamachi yatichirix Diosan qhapaq markapat sum yatxi ukkhaxa, utani jaqjamawa, jupasti imat yänakapatxa, machaq yänaka, mirq'i yänak apsunki ukar uñtatawa —sasa.

Marcos 6:34

Jesusax botet saraqasin, walja jaqinakaruw uñjäna, jan awatirin ovejanakjamätap laykux jupanakat khuyapt'ayasïnwa, ukatsti walja yatichäwinak yatichañ qalltäna.

Deuteronomio 16:18

“Tatit Diosamax sapa aylluruw markanak churani, jumanakasti sapa markanakan taripirinakampi, jilïri jaqinakamp utt'ayasipxäta, jupanakan suma chiqa kankañampi markar taripañapataki.

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.