Esdras 5:11 - Qullan Arunaca

¹¹ Ucatsti jupanacajj sapjjetänwa: ‘Nanacajj alajjpachanquiri, acapachanquiri Diosaruw yupaychapjjta, ucatsti cawquïr templo lurapctjja ucajja walja maranaca nayrawa take phokhata luratäna Israelan mä jach'a reyipana’ sasa.

Aymar Bibliia 1986

¹¹ Ucatsti jupanacajj sapjjetänwa: ‘Nanacajj alajjpachanquiri, acapachanquiri Diosaruw yupaychapjjta, ucatsti cawquïr templo lurapctjja ucajja walja maranaca nayrawa take phokhata luratäna Israelan mä jach'a reyipana’ sasa.

Qullan Arunaka DC

¹¹ Jupanakasti sapxituwa: ‘Nanakax taqi ch'aman Tatituruw yupaychapxta, kawkïr uttix wasitat lurapkta ukax nayra maranakan Israelan mä jach'a reyipaw taqpach luräna’ sasa.

Esdras 5:11 Jak'a apnaqawi uñst'ayäwi

Génesis 24:3

ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

1 Reyes 6:38

ucatsti templojj take phokhatpachajja tucuyasïnwa, cunjämatï amtatäcäna uqhamaru, tunca mayani mara jupajj reyëjjäna ucqha, Bul sat phajjsina, ucasti marpachana quimsakallköri phajjsïnwa, cunjämatï take amtatäcäna uqhamaru. Ucsti Salomonajj pakallk maranwa luräna.

1 Reyes 9:10

Pä tunca maranacawa pasjjäna Salomonan paypach utanaca lurayatapatjja, ucanacasti Tatitun templopänwa, uqhamarac reyin palacio utaparaqui.

Esdras 5:10

uqhamarac jisct'apjjaractwa sarayapqui uca chachanacan sutinacapa, uqhamata sutinacapa kellkasin juma reyiru apayaniñataqui.

Salmos 119:46

Reyinacan nayrakatapan arunacamat parlä, janipuniw arsuñ p'enkascäti.

Salmos 136:26

Alajjpachanquir Diosar yuspagarapjjam, qhuyapayasiñapajj wiñayawa.

Daniel (hebreo) 3:26

Uqham sasinsti Nabucodonosor reyejj horno puncuru jac'achasisinwa art'äna: —Sadrac, Mesac, Abed-nego, alajjpacha Diosan sirvirinacapa, mistunjjapjjam, ucat acaru jutjjapjjam —sasa. Uca quimsa waynanacasti uca nina taypitwa mistunjjapjjäna.

Jonás 1:9

Jonasasti saraquïnwa: —Nayajj hebreötwa, kotanacsa, oraksa luriri alajjpachanquir Tatit Diosaru yupaychirïtwa —sasa.

Mateo 10:32

“Take qhitinacatï jakenacan nayrakatapan nayaru uñt'itanejja, nayasti juparojj alajjpachanquir Awquejjan nayrakatapanjja uñt'araquïwa.

Lucas 12:8

“Sapjjsmawa, take qhititejj jakenac nayrakatan nayat arsunejja, Jaken Yokapasti uqhamaraquiw Diosan angelanacap nayrakatanjj jupanacatjj arsuraqui.

Hechos 27:23

Jichha arumajj mä angelaw uñstitu, Diosan qhitanita. Nayajj uca Diosancaractwa, juparuraquiw sirviracta.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Romanos 6:16

Jumanacajj wal yatipjjtajja cunjämatejj mä esclavojj mä patronaru sirviñataqui catuyasjjchi ucajja, patronaparojj ist'añapawa, uqhamaraquipï maynejj juchar catuyasjjchi ucajja, jucharusti ist'añapawa, ucasti jiwañaruraquiw api. Ucat sipan qhitinacatejj Diosar catuyasqui ucanacasti cheka cancañan sarnakañataquiw catuyasi.

Gálatas 6:14

Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.