Esdras 5:12 - Qullan Arunaca

¹² Ucatsti jupanacajj sapjjaraquïnwa: ‘Nayra awquinacajjawa alajjpachanquir Diosar colerayapjjäna ucatwa Diosajj jupanacar catuyäna Babilonianquir Nabucodonosor reyin amparaparu, jupasti caldeo ucsatanwa, ucatsti juparaquiw aca templo tucji, ucatsti jakenacaparojj Babiloniaruwa apayaraquïna.

Aymar Bibliia 1986

¹² Ucatsti jupanacajj sapjjaraquïnwa: ‘Nayra awquinacajjawa alajjpachanquir Diosar colerayapjjäna ucatwa Diosajj jupanacar catuyäna Babilonianquir Nabucodonosor reyin amparaparu, jupasti caldeo ucsatanwa, ucatsti juparaquiw aca templo tucji, ucatsti jakenacaparojj Babiloniaruwa apayaraquïna.

Qullan Arunaka DC

¹² Sapxarakiwa: ‘Nayra awkinakaxaw alaxpachankir Tatitur phiñasiyapxatayna, ukat jupax Babiloniankir Nabucodonosor reyin amparapar jupanakar katuyäna, uka reyirakiw Tatitun uka utap t'unjatayna, ukatsti jaqinakaparux Babiloniaruw jaqunukurakitayna.

Esdras 5:12 Jak'a apnaqawi uñst'ayäwi

2 Reyes 24:2

Ucampis Tatitojj Joacim reyitaquejj lunthata caldeo, sirio, moabita, amonita, jakenacwa apayanïna. Judá jakenacaru tucjapjjañapataqui, cunjämtï Tatitojj yatiycäna sirviri profetanacap toke uqhamaru.

2 Reyes 25:1

Cunapachatï Sedequías reyejj llätunca mara apnakcäna, tunquïri phajjsita tunca urunaca sarakascäna, ucqhawa Nabucodonosor reyejj take ejercitopampi saräna Jerusalén marcaru, ucatsti muyuntänwa. Ucatjja utjnoktaraquïnwa marca uñcatasiru, uqhamarac muytpacharuwa torrenac lurayäna nuwantañataqui.

2 Crónicas 36:20

Jiwarayañata jilt'irinacjja Babiloniaruwa apayäna, ucansti jupan esclavonacapawa tucupjjäna, uqhamarac wawanacapasa imperio persa tucuñapcama,

Salmos 106:40

Tatitun k'apisiñapajj marcapataquiw nactäna, jupanquirinacarojj uñisïnwa;

Isaías 47:6

Marcajjampi nayajj coleratäscayät uqhajja, naya quipcaw marcajjarojj mä p'enka catuyta, ucatsti juman amparamaruraquiw antutta. Jumasti janiw qhuyapt'ayasctati, chuymani jakenacjjarusti uca jathi yugomwa apjjattajja.

Jeremías 5:29

¿Janit ucanacatsti mutuycästi? ¿Janit uqhama jakenacarusti juchap uñt'aycästi? Naya, Tatituw ucjja arsta.

Jeremías 51:59

Sedequías reyejj pusi mara Judá orake apnakcän ucapachajja, Jeremías profetajj mä ewjja churaraquïna Seraías sat jakeru, ucasti Nerías sat jaken yokapänwa, Maasías sat jaken allchhiparaqui. Seraiasasti Sedequiasampi chict'ataw sararaquïna Babilonia marcarojja, reyin korpachasiñapataqui wact'ayirïcaspas uqhama.

Jeremías 52:12

Nabucodonosorajj Babilonia marca tunca llätuncani mara apnakcän ucqha, pheskëri phajjsina tunca uru sarakataru ucapachaw Nebuzaradán sat reyin ministropa uqhamaraqui reyin guardiapan comandantepajj Jerusalén marcaru purinïna.

Daniel (hebreo) 9:5

Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 4:2

Uqham uñjasinsti Diosajj cananeonacan Jabín sat reyipan ch'amaparuw catuyäna. Aca reyisti apnakänwa Hazor sat marcana. Jupan ejercitopan jilïripasti Sísara sataraquïnwa, aca jilïristi jacänwa Haroset-goim sat marcana.

Jueces 6:1

Israelitanacasti Diosan uñjcatajja cunayman jan walinacwa lurapjjäna. Ucatsti Diosajja pakallko maranacawa madianitanacan apnakatäñaru catuyäna.