Esdras 10:3 - Qullan Arunaca

³ Jichhasti nanacajj arsusipjjäwa uca yakha marcanquir warminacajjaru qhithanucjjañataqui, wawanacapamppacharu, ucatsti phokhatäpan leyejja, cunjämatï jumasa, uqhamarac qhitinacatejj Tatitun camachi arunacapa phokhapqui nanacar amuyt'ayasa ucarjama.

Aymar Bibliia 1986

³ Jichhasti nanacajj arsusipjjäwa uca yakha marcanquir warminacajjaru qhithanucjjañataqui, wawanacapamppacharu, ucatsti phokhatäpan leyejja, cunjämatï jumasa, uqhamarac qhitinacatejj Tatitun camachi arunacapa phokhapqui nanacar amuyt'ayasa ucarjama.

Qullan Arunaka DC

³ Jichhasti nanakax uka yaqha markankir warminakaxaru, wawanakapamppachar jaqunukxañatakiw arsupxä, kamachix phuqhaspan, kunjämtix jumasa, Tatitun kamachi arunakap jaysirinakas iwxt'apkitu ukarjama.

Esdras 10:3 Jak'a apnaqawi uñst'ayäwi

2 Reyes 11:17

Ucatsti Joiada sacerdotejj suma parlt'äwiruwa mantäna Tatitumpi, reyimpi, uqhamarac marcampisa, jupanacajj Tatitun marcapäpjjañapataqui, uqhamarac reyimpi marcampiraqui.

2 Crónicas 29:10

Ucatwa nayajj amtasta Israelan Tatit Diosampisa suma parlt'äwiru mantañataqui, jiwasata colerasiñapa apakjjañapataqui.

2 Crónicas 30:12

Dios pachparaquiw Judá orakenquir jakenacarojj onjjtayaraquïna reyina, autoridadanacana arunacaparu phokhañataquejja, cunjämtï Tatitojj siscäna uqhamaru.

2 Crónicas 34:21

—Tatitun ucar jisct'iri sarapjjam nayataqui, uqhamarac Israelana, Judá orakena jilt'apqui uca jakenacataquiraqui, aca librojj jicjjatasqui ucan camsañtï munqui uc yatiñataqui. Tatitojj jiwasanacataqui coleratäpachawa, nayra awquinacasajj Tatitun arunacaparu jan ist'atapata, uqhamarac take cunanacatejj aca libruna kellkatäqui ucana jan phokhasitapata.

2 Crónicas 34:27

chuymamsa ch'alljjtayasitamata, nayataquejja jisc'ar tucutamata, aca chekataquisa, uqhamarac jakenacap toke arsutajja ist'asinjja; nayan nayrakatajjansa jisc'ar tucutamata, isimsa ch'iyanokasitamata, uqhamarac nayan nayrakatajjana jachatamatsa, nayasti jumarojj ist'aracsmawa. Naya Tatituw ucjja jumarojj sisma.

Esdras 10:11

Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa.

Esdras 10:44

Take aca chachanacawa yakha marcanquir warminacampi casarasipjjäna, ucampisa warminacaparusa, wawanacaparusa qhitanucjjapjjänwa.

Esdras 10:9

Ucatsti Judá, Benjamín sat uca orakenacanquiri take jakenacawa tantachasipjjäna Jerusalén marcana, llätunca phajjsita pä tunca urunaca sarakataru, ucasti sañ muni, quimsa uru phokhataru. Take jupanacasti Diosan templopan plazapanwa kont'asipjjäna qhathatt'asisa uca arunaca yatisina, uqhamarac jallus purintatap laycuraqui.

Esdras 9:4

Take qhitinacatejj Israelanquir Diosan mutuyäwiparu ajjsarapcäna, jayar apatata cutt'anipcäna ucanacan juchanacap laycu, ucanacajja nayaruw jakcattapjjetäna; ucampis nayajj kont'ataquiw wali llaquisiscäyäta sacrificio loktañ jayp'u horascama.

Nehemías 10:1

Acanacänwa arust'äwi kellkataru firmirinacajja: Naya Nehemías gobernador, Hacalíasan yokapa, uqhamarac Sedequiasan wawapa;

Nehemías 8:14

Jupanacajj jicjjatapjjänwa uca leyi libronjja, Diosajj Moisés toke arscatayna lurañataqui, pakallköri phajjsi fiesta urunacanjja israelita jakenacajj chhujlla mankhena jacapjjañapäqui ucjjata.

Nehemías 9:38

“Take acanacwa nanacajj arsupjjta phokhañataqui aca kellkata toke, uca arust'äwi kellkatarusti firmapjjewa jilïrinacajja, levitanaca, uqhamarac sacerdotenacampi.”

Salmos 119:120

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Salmos 119:59

Sarnakäwejjaruw uñaquipasta, arunacamarusti wasitat jaysta.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Isaías 8:20

¿Uqhamat mä cuna yatiyäwsa catokañataqui?’ sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Deuteronomio 29:12

uqhamat arsupjjañamataqui uca arust'äwina mä juramento toke, cawquïri Diosamatï jichhüruna jumanacampi luri.

Josué 9:6

Cunapachatejj gabaonit jakenacajj Gilgal sat israelitanacan campamentopar puripjjän ucqhajj, jupanacajj aqham sasaw Josué chacharojj sapjjäna: —Nanacajj wali jaya oraket jutapjjta, jichhasti jumanacampi mä suma amtäwiruw mantañ munapjjta —sasa.