Esdras 10:1 - Qullan Arunaca

¹ Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Aymar Bibliia 1986

¹ Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Qullan Arunaka DC

¹ Esdras sacerdotex killt'ataw Tatitun utapan markan juchanakap jacht'asis arsuskäna, ukchañkamasti walja chachanaka, warminaka, wawanakaw tantachasïna, wali jacht'asisarakiw jupar muyuntapxäna.

Esdras 10:1 Jak'a apnaqawi uñst'ayäwi

1 Reyes 8:30

Ist'itaya mayisitanacajjaru, uqhamarac Israel marcamarusa cunapachatejj aca chekana oración lurapcan ucqhasa. Jumajj ist'amaya alajjpachatpacha cawqhantejj jactajja ucqhatpacha ucatsti perdonanipjjeta.

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

2 Crónicas 20:13

Judá orakenquir take jakenacawa Tatitun nayrakatapancapjjäna, uqhamarac warminacapasa, wawanacapasa, jisc'a wawanacapasa.

2 Crónicas 20:9

‘Jiwasarutejj cuna jan walisa mä mutuyäwisa jutani mä guerrasa, ususa, mank'at t'akhesiñasa ucqhajja, aca templo nayrakatanwa tantachasipjjäjja, jumajj aca temploncatam laycu, nanacasti t'akhesitanacajjanwa yanapa mayipjjäma, jumasti ist'apjjetätawa, ucatsti khespiyapjjaraquitätawa’ sasa.

Esdras 10:6

Ucjjarusti Esdrasajj Diosan templopatjja sarawayjjänwa, Eliasib sat chachan Johanán yokapan utaparu, ucansti uca arumajja jan mank'asa, jan umt'asawa khantatïna, jupajj wali llaquisitänwa jaya marcaru apayatat cutt'anirinacan Diosampi jan phokhapjjatap laycu.

Nehemías 1:4

Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Nehemías 1:6

Jichhasti nayajj mayissmawa ist'añamataqui, arumay uru oración luratajjaru israelita sirvirinacam laycu. Nanaca israelitanacajja uñt'asipjjtwa juchanac juma toke luratanacajjatjja. ¡Take familiajjasa, nayasa juchwa lurapjjta!

Nehemías 10:28

Ucat ucjjar marcanquir jakenacasti, sacerdotenaca, levitanaca, puncu uñjirinaca, k'ochurinaca, templon sirvirinaca, take qhitinacatejj marcanacata saraktanipcäna Diosan leyipa phokhañataqui, warminacapamppacha, uqhamarac take amuyuni yokall imill wawanacapamppacha,

Nehemías 8:9

Ucatsti Diosan leyipa ist'asinjja take jakenacajj jachapjjänwa. Gobernador Nehemías, yatichiri sacerdote Esdras, uqhamarac jakenacaru Diosan leyipa khanañchiri levita chachanacasa, jupanacajj takeniruwa sapjjäna: “Jan llaquisipjjamti, ni jachapjjaraquimsa, aca urojj Tatit Diosasar loktatätap laycu” sasa.

Salmos 119:136

Umjamaw jachajj nayranacajjat warasi, yatichäwiman jan yäkatätap laycu.

Salmos 32:5

Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Mateo 3:6

Jupanacan juchanacapat arsusitapatsti, Juanajj Jordán jawiranwa jupanacar bautisäna.

Lucas 19:41

Jerusalén marca jac'ar purisinsti, Jesusajj marca uñjasinjja jachänwa,

Hechos 10:30

Corneliosti ucjjarojj sänwa: —Niya pusüröjjewa, cunapachatï nayajj utajjana aca quicpa horasana ayunascäyäta, uqhamarac jayp'u token quimsa horasan oracionsa lurascäyäta, ucapachasti mä khanquir isin chachaw nayar uñstitu.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Romanos 9:2

Jach'a llaquisiñaw utjitu, chuymajjansti walrac jachascta,

Deuteronomio 31:12

Ucapachasti takpach marcaw tantachasiñapa, take jakenaca, warminaca, wawanaca, uqhamaraqui cawquïri yakha marcat jutir jakenacatï jumanac taypin jacqui ucanacasa, uqhamat uca leyinac leet'asiri ist'apjjañapataqui, uqhamat Tatitu Diosamar jaysaña yatekapjjañapataqui, uqhamaraqui uca leyinacas sisqui uqhamarjam sarnakapjjañapataqui.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Josué 8:35

Josué chachajj take arsüwinac leet'äna, cawquïri arunactï Moisesajj jaytcäna ucanaca, take Israel marcaru, warminacaru, wawanacaru uqhamaraqui jaya toket jutir jakenacarusa.