Esdras 9:15 - Qullan Arunaca

¹⁵ “Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Aymar Bibliia 1986

¹⁵ “Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Qullan Arunaka DC

¹⁵ “¡Tatay, Israel markan Tatit Diosapa, jumax chiqaparuw uñjapxista! Jumarakiw wakt'ayarakta nanak taypit mä tama qhispiyasina jakañapsa, kunjämatix jichhürux uñjapkta ukhama. Nanakasti chiqpachan juma nayraqatan wali juchanïpxtwa; jumar jak'achasiñatakis janiw askïpkti” sasa.

Esdras 9:15 Jak'a apnaqawi uñst'ayäwi

Esdras 1:4

Ucatsti take qhitinacatejj cawqha chekansa kheparqui ucanacarusti, uca chekan jaquir jakenacajj yanapt'apjjpan kollkempi, korimpi, yänacampi, uqhamarac uywanacampisa, ucjjarusti ofrendanacampiraqui yanapt'apjjaracpan Jerusalenanquir Diosan templopataqui’ ” sasa.

Esdras 9:6

aqham sasa: “Nayan Diosajja, Diosajja, nayajj wali p'enkasitätwa, uqhamarac chuymaw chhactaraquitu, janiw cunsa jumarojj oracionan parlquirismati. Nanacan jucha luratanacajjajja sintipuniwa utjapjjetu, alajjpachcamaraquiwa juchanacajjajj purt'araqui.

Nehemías 9:8

Jumasti uñjtawa jupajj jumar iyawsatama, uqhamarac jupampejj mä suma amtäwiruw mantapjjtajja; juman churañamataqui jupat sarakeri jakenacaru cananeonacana, hititanacana, amorreonacana, ferezeonacana, jebuseonacana, uqhamarac gergeseonacana orakenacapa. ¡Ucatsti jumajj phoktawa arsutamarojj, jumajj wiñay phokhañpuni yattajja, uca laycu!

Salmos 116:5

Tatitojj llamp'u chuymaniwa, asquiraquiwa, Diosasajj qhuyapayasiriwa;

Salmos 119:137

Tatay, jumajj asquïtawa, camächit arunacamajj chekapawa.

Salmos 130:3

Dios Tatay, jumatejj takpach juchanac amjjäsiscaquismajja, ¿qhitirac nayrakataman sayt'aspasti?

Salmos 143:2

Janiquiy uywatamarojj juchañchamti, nayrakatamanjja janiw qhitis asquïquiti.

Salmos 76:7

Jumajj ajjsarcayapunïtawa: ¿Qhitirac nayrakataman sayt'aspasti? ¿Qhitirac k'apisiñamar saycataspasti?

Jeremías 12:1

Tata, jumampi ch'ajjwañarutejj uscusëjja, juman arumajj chekapapuniwa; ucampis nayajj jisct'añ munirisma, ¿cunatsa ñankha jakenacataquejj take cunasa sumaqui lurasirapi? Uqhamaraqui, ¿cunatsa ch'ojjña luririnacasa, sumaqui jacasipjje?

Ezequiel 33:10

“Jumasti, chacha, Israel marcarojj saraquim: ‘Jumanacajj sapjjtawa: Juchanacampi jan wali lurañanacampi phokhantatätanwa. Ucatpï jichhajj jacquirpacha ñusantasctanjja. ¿Cunjämaraqui jiwasasti jacsna? sasa.

Ezequiel 7:16

Yakhepanacajj, palomanacar uñtatas kollu tokenacaru jaltapcchini ucasa, takeniw juchanacap laycu jiwarapjjani.

Daniel (hebreo) 9:14

Ucatpï, Tata, jumajj nanacataquejj aca jach'a jan walinac waquichtajja ucat nanacjjaru apayaniractajja, jumasti, nanacan Dios Tatitojja, chekapapunïtawa, take luratanacamasa chekaparaquiwa; ucampisa nanacaw jumarojj jan ist'añ munapcsmati.

Levítico 26:40

“Jumanacajj ñankha luratanacamsa, uqhamarac awquinacaman ñankha luratanacapsa uñt'asipcätawa, uqhamarac nayarusa jan take chuymampi arcapjjatamsa, uqhamarac naya contra sayt'asipjjatanacamsa,

Levítico 26:41

nayasti jumanaca contraw sayt'araquëjja ucatsti uñisirinacaman marcaparuw apapjjaraquïma; ucanwa jan Diosar uñt'iri amuyunacamajj jisc'achata uñjasini, juchanacapatsa mutuyäwi catokapjjaraquini.

Juan 8:21

Jesusajj wasitampiw jupanacaru saraquïna: —Nayajj sarjjäwa, jumanacasti thakapjjaraquitätawa, ucampis jumanacajj juchanacamanwa jiwarapjjätajja. Cawquïrutejj nayajj sarcäjja ucarojj jumanacajj janiw jutapcasmati —sasa.

Juan 8:24

Ucatpï sapjjsmajja: ‘Juchanacaman jiwarapjjäta’ sasajja. Jumanacatejj jan iyawsapquitäta nayajj qhitïcti ucjja, juchanacamanwa jiwarapjjäta —sasa.

Romanos 10:3

Cunjämtï Diosajj jakerojj catokqui ucjja janiw amuyt'apquiti, jan ucasti jupanacan munañanacaparjamaquiw Diosampejj catokayasiñ munapjje, Diosan munañapar jan phokhasa.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

1 Corintios 15:17

Cristotejj jan jactcchïnjja, jumanacan iyawsatanacamajj janiw cunataquis sirvquiti, juchanacamanwa sarnakasipcaractajja.

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa: