Efesios 1:1 - Qullan Arunaca

¹ Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Aymar Bibliia 1986

¹ Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Qullan Arunaka DC

¹ Éfeso iglesiankir munat jilatanaka, kullakanaka: Jumanakaruw aruntanipxsma, Diosan aski markapankirinakaru, Jesucristor iyawsapkta, jupampi mayar tukt'as jakapkta uka jilatanakaru. Naya, Pablox Diosan munañapat Jesucriston apostolupätxa.

Efesios 1:1 Jak'a apnaqawi uñst'ayäwi

Números 12:7

Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Lucas 16:10

“Qhititejj juc'a apnakañanacan chekapäqui ucajj, walja apnakañanjja chekaparaquïniwa; juc'ana jan chekapäcchi ucajja waljanjja janiraquiw chekapäcaspati.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

Hechos 18:19

Éfeso marcar purisinjja, Pablojj Priscilampir Aquilampir jaytawayasinjja sinagogaruw sari, judionacamp parliri.

Hechos 18:21

Jupanacarusti sänwa: [—Nayanjj waquisituwa jutcan uca fiestan Jerusalenancañajja.] “Dios munanejja, nayajj wastataw jumanacar uñjirijj jutä” sasa. Éfeso marcatjja jilatanacar jaytawayasinjja, barcot sarawayjjäna.

Hechos 9:13

Uqham ist'asinsti, Ananiasajj sänwa: —Tatay, nayajj uca jaketjja walja jakenac toket ist'ta, kawkha jan walinactejj juman arquirinacamarojj Jerusalenan lurqui ucanacjjata.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

1 Corintios 4:12

Irnakcäwinsa karitäjjapjjaractwa. Jakenacasti jan wali arunacampiraquiw tokjjapjjetu, nanacasti suma arumpiquiraquiw ucanacarus parljjayapjjtjja. Uñisiñampiw arcnakapjjaraquitu, take ucanacsti amuquiw t'akhesipjjtjja.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

2 Corintios 1:1

Naya Pablojj Diosan munañapatwa Jesucriston apostolopätjja. Aca cartjja Timoteo jilatampi chicaw kellkanta Corinto marcancapctas uca Diosan iglesiapanquir jilatanacaru, uqhamaraqui Acaya tokenquir take Diosan wawanacaparusa.

Gálatas 1:1

Naya apóstol Pablojj janiw qhiti jaken qhitatäcti, jan ucasti pachpa Jesucriston qhitatätwa, uqhamarac Dios Awquimpi, cawquïritejj jiwatanac taypit jactaycänjja ucampi.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Gálatas 3:9

Uqhamajj qhitinacatejj iyawsañanïpqui ucanacajj iyawsir Abrahamamp chica bendecitäpjjewa.

Efesios 1:15

Tatit Jesusaru iyawsañamajj utjatap ist'asina, uqhamarac Diosanquirinacataqui munasiñanacamajj utjatapa ist'asinjja,

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Efesios 2:13

Ucampis jichhajj Cristo Jesusampejj mayaquëjjapjjtawa. Nayrajj jayancapjjäyätawa, jichhajj Criston jiwatap laycuw jac'ancjjapjjtajja.

Efesios 2:6

Diosajj Cristo Jesusamp chicaw jactayaraquistu, jupamp chicaw alajjpachanacan kont'ayaraquistu.

Efesios 6:21

Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa.

Colosenses 1:2

qhitinacatejj Colosas marcan jicjjatasipctas ucanacaru. Jumanacasti take chuymaw Diosancapjjta, Jesucristorus iyawsapjjaracta. Jiwasan Dios awquisay jumanacarojj bendispan, sumancañaps churaracpan

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.

Apocalipsis 2:13

‘Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.