Efesios 1:1 - Qullan Arunaka DC

¹ Éfeso iglesiankir munat jilatanaka, kullakanaka: Jumanakaruw aruntanipxsma, Diosan aski markapankirinakaru, Jesucristor iyawsapkta, jupampi mayar tukt'as jakapkta uka jilatanakaru. Naya, Pablox Diosan munañapat Jesucriston apostolupätxa.

Aymar Bibliia 1986

¹ Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Qullan Arunaca

¹ Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Efesios 1:1 Jak'a apnaqawi uñst'ayäwi

Números 12:7

ukampis Moisés luqtirixampix janiw ukham lurkti. Jupax taqpach luqtirinakaxat sipan aski jaqipuniwa,

Lucas 16:10

“Khititix juk'a apnaqañan chiqapäki ukax, walja apnaqañan chiqaparakiwa; juk'a apnaqañan jan chiqapäki ukasti, walja apnaqañan janirakiw chiqapäkiti.

Hechos 16:15

Jupasti bautismo katuqäna, taqpach utapankirinakamp chika, uka qhipat nanakar achikt'apxitu: —Jumanakatix nayan Tatitur chiqpach iyawsatax amuyapxstaxa, utaxar qurpachasir jutapxam —sasa. Nanakarusti iyawsayapxituwa.

Hechos 18:19

Éfeso markar purisinsti, Pablox Priscilampir Aquilampir jaytawayasin sinagogaruw sari, ukansti judionakampiw parli.

Hechos 18:21

Jupanakampi jikist'awayasinsti sänwa: [Jutkani uka uru uruyañatakix Jerusalenankañaxawa.] “Dios munanixa, nayax wasitat jumanakar tumpt'ir jutä” sasa. Ukat Pablox Éfeso markat jilatanakar jaytawayasin barcot sarawayxäna.

Hechos 9:13

Ukham ist'asinsti, Ananiasax sänwa: “Tatay, waljaniruw nayax uka jaqit parlir ist'ta, qawqha jan walinaktix juman arkirinakamarux Jerusalenan lurki ukanakata.

Romanos 1:1

Roma markan iglesiankir munat jilatanaka, kullakanaka: Naya Pablox Jesucriston luqtiripa, apostoluparakïtwa, Diosaw nayar ajllisitu suma yatiyäwi arunak jaqinakar qhanañchañaxataki.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

1 Corintios 4:12

ukatsti qariñkamaw amparanakaxampi irnaqapxta. Ñanqhachirinakarux sumampiw kutiyapxta; arknaqataw uñjasipxta, uksti amukiw mutupxta.

1 Corintios 4:17

Ukat Timoteorux khithanipxsma. Jupax Tatitunkir munat aski wawaxawa. Jupaw Cristo Jesusampi sarnaqäwixat amtayapxätam, kunjämtix taqi chiqansa iglesianakan yatichkta ukarjama.

2 Corintios 1:1

Corinto iglesiankir munat jilatanaka, kullakanaka, ukhamarak Acaya chiqankir taqi jilatanaka: Naya Pablompi, Timoteo jilatampix aruntanipxsmawa. Dios Awkisampi, nayar apostolüñatak ajllisir Jesucristo Tatitumpix khuyapayasiñapsa, sumankañapsa jumanakar churpan.

Gálatas 1:1

Galacia uraqin utjir iglesianakankir munat jilatanaka, kullakanaka: Naya Pablompi, nayamp chikäpki uka jilatanakampiw aruntanipxsma. Dios Awkisana, Tatit Jesucriston aski waxt'äwipampi, sumankañapampix jumanakampïpan. Nayax aka suma arunak yatiyañatak khithat apostolütwa: ¡Jesucristox jiwatanak taypit jaktawayi! Janiw nayarux akapachankirinakat khitis khithankituti, jan ukasti, pachpa Jesucristompi, jupar jaktayir Dios Awkimpiw khithanitu.

Gálatas 3:26

Jumanakax Tatit Jesucristor iyawsatanakam laykux Diosan wawanakapäpxtawa.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Gálatas 3:9

Ukhamasti iyawsañanïpki jupanakax Abraham tuqiw askinakampi phuqt'at uñjasipxani, Abrahaman iyawsañan jaqïtap layku.

Efesios 1:15

Ukalayku, Jesucristo Tatitur jumanakan iyawsapxatam yatisina, qullan markankirinakatak munasiñanïpxatamat ist'asaxa,

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Efesios 2:13

Ukampis jichhax Cristo Jesusan wila wartatap laykuw jupampix mayakïxapxtaxa, nayrax jayankapxäyätawa, jichhasti jak'ankxapxtawa.

Efesios 2:6

Diosax Cristo Jesusamp chikaw jiwatat jaktayistu, jupampi chikarakiw alaxpachan qunt'ayistu.

Efesios 6:21

Tatitun irnaqäwipan wal yanapasir munat Tíquico jilatasaw nayxat taqi yatiyapxätam, kunjämsa nayax jikxatasta ukanak yatiyapxarakïtam.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.