Eclesiastés 8:16 - Qullan Arunaca

^16-17 Aca orakena take cunatejj lurasqui ucanaca yatekañaru, yatiñaru, uñjañaru uchasta ucqhajja juc'ampiwa amuyasta, jakejj janiw amuyt'caspati Diosajj lurqui ucatjja, aca oraken cunanacatejj lurasqui ucatsa, maynejja uruy arumasa jan icthapisa thakascpan. Jakejj wali ch'amanacsa tucchini ucasa, janiw yatjjatcaspati; yatiñan jakejj “Yattwa” sischinisa, chekpachansa janiw jicjjatañataqui ch'amanïcänti.

Aymar Bibliia 1986

^16-17 Aca orakena take cunatejj lurasqui ucanaca yatekañaru, yatiñaru, uñjañaru uchasta ucqhajja juc'ampiwa amuyasta, jakejj janiw amuyt'caspati Diosajj lurqui ucatjja, aca oraken cunanacatejj lurasqui ucatsa, maynejja uruy arumasa jan icthapisa thakascpan. Jakejj wali ch'amanacsa tucchini ucasa, janiw yatjjatcaspati; yatiñan jakejj “Yattwa” sischinisa, chekpachansa janiw jicjjatañataqui ch'amanïcänti.

Qullan Arunaka DC

¹⁶ Nayax juk'amp yatiqañaru, yatxatañaru, akapachan kuntix lurapki uk uñakipañaruw uchasta, ukampis jaqix uruy arumaw jan ikthapkiti,

Eclesiastés 8:16 Jak'a apnaqawi uñst'ayäwi

Génesis 31:40

Urunacajj lupin khatintata, arumasti thayan thayjataw uñjasiyätjja. ¡Iquis janiw purirïcjjetänti!

Salmos 127:2

Willjtat sarnakatanacajj inamayawa, jayp'ucam irnakatas inamayawa, jump'i apsutamp t'ant'a mank'atas inamayawa, Diosajj munat wawanacapan iquiñanacapcam t'ant'a churqui ucapachajja.

Eclesiastés 1:13

ucatsti nayajj catuyastwa yatjjatañaru, uqhamarac take cunanacatejj aca oraken lurasqui ucanacjjata. ¡Cunja ch'ama lurañanacsa Diosajj jakenacar churi, uca lurañanacampi jisc'achatäpjjañapataqui!

Eclesiastés 1:14

Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Eclesiastés 2:23

Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Eclesiastés 5:12

Qhititejj irnakqui, juc'sa waljsa mank'chi ucajja, sumaw ict'asi; ucampis kamirirojja janiw iquiyquiti kamir yänacapajja.

Eclesiastés 7:25

Nayajj yatjjatañaruw uchasta, ucanacsti suma yatjjatañaruraqui, uqhamat cuna asquïcataynatï uca jicjjatañataqui. Ucatsti amuyastwa pisi amuyt'anïñajja jan walïtapa, uqhamarac jan wali sarnakañajja lokhe cancañätapa.

Eclesiastés 8:7

jakejj janiw yatisquiti cunatejj jupar pascani uca, janiraquiw qhitis utjquiti jupar nayrakata yatiyirejja.

Eclesiastés 8:9

Take acanacwa uñjta aca orakena cunanacatejj lurasqui ucanac uñt'añaru uchasta ucqhajja, uqhamarac jaken ch'amanïtapsa masinacaparu jan walinac lurañataquisa.