Eclesiastés 8:13 - Qullan Arunaca

¹³ Ucampis jucharar jakenacataquejj jan waliw jupanacatac utji, uqhamarac jacañanacapas mä ch'iwjamaw mäqui pasawayi Diosar jan ajjsartapjjatap laycu.)

Aymar Bibliia 1986

¹³ Ucampis jucharar jakenacataquejj jan waliw jupanacatac utji, uqhamarac jacañanacapas mä ch'iwjamaw mäqui pasawayi Diosar jan ajjsartapjjatap laycu.)

Qullan Arunaka DC

¹³ ukampis jucharar jaqinakatakix janiw kunas sumäkiti, jakäwipas Diosar jan axsaratap laykux mä ch'iwjamakiw sarawayxi.)

Eclesiastés 8:13 Jak'a apnaqawi uñst'ayäwi

Job 14:2

Cunjämatejj mä pankarajj pankart'i, ucatsti wañsuwayjjaquiraqui uqhamawa; ch'iwir uñtata pasiriquiraquiwa.

Job 18:5

“Khoru jaketaquejj khanapas jiwt'aniwa, ninapasti janiraquiw juc'ampi aktcjjaniti.

Job 20:5

Ñankha jaken cusisiñapajj juc'ataquiquiwa, uca cusist'añapasti mä juc'ataquiquiraquiwa.

Job 21:30

Jupanacasti sapjjewa: “Cunapachatejj Diosajj colerasi ucapachajj mutuyäwi apayani, ucampisa ñankha jakerojj janiw cunas pasquiti” sasa.

Salmos 11:5

Tatitojj juchanirus, jan juchanirus uñch'uquisquiwa, ñankha lurañ munirinacarusti walpun uñisi.

Salmos 144:4

Jakejj mä samsump sasiquiwa, jacañapajj chhaktir ch'iwjamaquiwa.

Salmos 37:1

Ñankha lurir jakenacar uñjasajj jan k'apisimti, janirac ñankha luririnacarus yatjjäsimti,

Salmos 39:5

Juc'a urunacac jacañajjatac churistajja, jacañ urunacajjajj janiw nayrakataman cunäquisa; jaken jacañapajj samanamp sasiquiwa,

Salmos 55:23

Diosajjay, jumaw jupanacarojj jakontäta, jan uñantcay mic'ay mankharu. C'ari jakenacampi, jiwayir jakenacampejj janiw jacañapat chicats phokhapcaniti. Nayasti jumaruquiw take chuymamp alcatsma.

Eclesiastés 3:14

Amuyaractwa take cuntï Diosajj lurqui ucajja wiñayäniwa. Ucarojja janiw yapjjatatäcaniti, janiw apakatäcaraquinisa; Diosaw uqham luri, ucarojj ajjsart'añampi uñjatäñapataqui.

Eclesiastés 5:7

Uca laycu, wali lup'iñanacanjja utjiwa cunayman arunaca, uqhamarac jan wali amtañanaca, ucampis jumajj Diosar ajjsaram.

Eclesiastés 6:12

Uqhamasti, janiw qhitis yatquiti cunatejj jaketaqui asquïqui uca inamaya sallkjjata jact'ata jacañapa urunacapana ucjja. Urunacapasti mä ch'iwjamaquiw pasjjani, ucatjja, ¿qhitiraqui yatiyaspasti cunatejj aca oraken pascani, jiwjjani uca khepatsti?

Eclesiastés 7:15

Take acanacwa uñjawayta aca juc'a inamaya jacañajjanjja, suma jakenacaw jiwapjje, jupanacajj suma jakëpcchi ucasa, ucatsti ñankha jakenacajj jan walsa lurapcchi ucasa, walja maranacawa jacapjjaraqui.

Eclesiastés 7:18

Jan sinti inampst'añampi atipjayasimti, jan ucasti wali amuyt'asisa sarnakam. Qhititejj Diosar ajjsarqui ucajja, take acanacampejja asquiruw mistsuni.

Eclesiastés 8:8

Jacaña catjjäsiñataquejja janiw qhiti ch'amanis utjquiti, jiwañjjarus janiw qhiti ch'amanis utjcaraquiti. Janiw qhitis jaltcaspati uca nuwasïwitjja. Ñankha jakerusti janiraquiw jan wali luratapasa khespiycaspati.

Isaías 3:11

¡Ay ñankha jaketaqui, take cunas jupataquejj janiw walt'caniti! Tatitu Diosasti luratanacapatjamwa churaraquini.

Isaías 30:13

ucatpï jumanacajj juchanïpjjtajja. Mä jach'a alto c'ac'at perkar uñtatäpjjtawa, uca perkasti jan amtat horasaruraquiw liwisi;

Isaías 57:21

“Ñankha jakenacataquejj janiw sumancañajj utjquiti.” Diosaw uqhamjja arsu.

Isaías 65:20

Ucanjja wawanacas janiraquiw jisc'pacha jiwarapcaniti, janiraquiw chuymani jakenacas janïra maranacap phokcasajj jiwapcaniti. Patac marani jiwañasti waynpacha jiwañäniwa, uca patac marar jan purjjañasti mä maldicionaraquïniwa.

Jeremías 44:10

Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

Juan 5:29

Ucatsti uca jiwatanacajj jactapjjaniwa. Asqui luririnacasti wiñay jacañataquiw jactapjjani, ñankha luririnacasti juchañchatäñataquiw jactapjjani.

Santiago 4:14

janiw yatipctati cunatejj kharürojj pascani ucjja. ¿Cunaraqui maynin jacañapasti? Mä urpjamaquiw uñstani ucatsti chhaktawayjjaquiwa.

2 Pedro 2:3

Kollker sinti chuyma churatäpjjatap laycojja c'ari yatichäwinacampejj jumanacatjja k'alwa take cunsa apsupjjätam, ucampis jupanacarojj t'unjatäñaquiw suyt'jje, nayratpacha juchañchatäpjjaraquiwa.