Eclesiastés 8:12 - Qullan Arunaca

¹² Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Aymar Bibliia 1986

¹² Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Qullan Arunaka DC

¹² Ukhamasti jucharar jaqix walja kuti juchanak lurkasas walja maranakaw jakaski. (Nayax khitinakatix Tatitur jach'añchapki, axsarapki ukanakan sumak jakasipxatap yatiyäta;

Eclesiastés 8:12 Jak'a apnaqawi uñst'ayäwi

1 Reyes 21:25

(Acab reyjama jan walinaca Tatitun nayrakatapana lurirejja janiw qhitis utjcänti Jezabel warmipana amtayatap laycu.

1 Crónicas 16:30

¡Aca orakpachanquir take jakenacajj jupan nayrakatapan qhatatipjjpan! Tatituwa aca orakjja sum sayt'ayi jan onjjtañapataqui.

Job 35:15

‘Jupajj janiw colerasquiti, janiw mutuycaraquisa, janiw ucacama jucharusa uñjquiti’ saractawa.

Salmos 112:1

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Salmos 115:13

Tatitur iyawsirinacarojj asquinac churani, jisc'arusa, jach'arusa.

Salmos 128:2

Ch'ama tucutamatjam mank'asïta, cusisitaw utjasïta, take cunas waliquiw sararapïtam.

Salmos 37:11

llamp'u chuymaninacasti orak catokapjjani, jilarquir sumancañampiw cusisipjjaraquini.

Salmos 96:9

kollan templopan Tatitur yupaychapjjam, takpach jakepun nayrakatapan qhathatpan.

Éxodo 1:20

Diosasti uqham asquinacwa parteranacarojj lurayäna. Ucatsti Israel marcajj waliw mirantäna, uqhamarac wali ch'amaniraquiw tucupjjaraquïna.

Proverbios 13:21

Jucharar jakenacajja jan walt'añampi arcnakatäpjjewa, ucampis asqui jakenacajja asquinacwa catokapjjani.

Proverbios 28:14

Cusisiñaniwa Tatiturupuni ajjsartiri jakejja, ucampis chuyma kalarayasiri jakejj jan walt'añaruwa purini.

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Eclesiastés 3:14

Amuyaractwa take cuntï Diosajj lurqui ucajja wiñayäniwa. Ucarojja janiw yapjjatatäcaniti, janiw apakatäcaraquinisa; Diosaw uqham luri, ucarojj ajjsart'añampi uñjatäñapataqui.

Eclesiastés 5:16

Ucasti wali llaquiscayawa, cunjämatejj aca orakeru jutcäna, uqhamaquiraquiw sarjjani. Ucatjja, ¿cuna ascsa apsuwayi uca take inamaya irnakatapatjja?

Eclesiastés 5:7

Uca laycu, wali lup'iñanacanjja utjiwa cunayman arunaca, uqhamarac jan wali amtañanaca, ucampis jumajj Diosar ajjsaram.

Eclesiastés 7:15

Take acanacwa uñjawayta aca juc'a inamaya jacañajjanjja, suma jakenacaw jiwapjje, jupanacajj suma jakëpcchi ucasa, ucatsti ñankha jakenacajj jan walsa lurapcchi ucasa, walja maranacawa jacapjjaraqui.

Eclesiastés 7:18

Jan sinti inampst'añampi atipjayasimti, jan ucasti wali amuyt'asisa sarnakam. Qhititejj Diosar ajjsarqui ucajja, take acanacampejja asquiruw mistsuni.

Jeremías 44:10

Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Lucas 1:50

Jupasti qhuyapayasipuniniw take jupar ajjsaririnacarojja.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Romanos 9:22

¿Diosataquisti cunaraqui, jupatejj mutuñsa mä yatichäwi toke churañ munchi ucasti? Chekpachansa jupajj wali llamp'u chuymampiwa jakenacarojj uñji, jakenacajj jach'a mutuña catokañapa waquiscchïna t'unjatäñataqui ucasa, uqham toke Diosajj ch'amanïtapa uñacht'ayasiña munasa.

Deuteronomio 12:25

Janipuni mank'apjjamti, ucatsti jumanacas wawanacamasa suman jacapjjäta, Diosaru suma luräwinac uñacht'ayapjjatam laycu.

Deuteronomio 12:28

“Ist'apjjam, phokhapjjaraquim take cuntejj sapcsma uca arunaca, uqhamata jumanacasa, wawanacamasa sum sarnakapjjañamataqui, cunatejj Diosan nayrakatapana asquïqui ucanac lurasa.

Deuteronomio 4:40

Phokhapjjam jichhüruna cawquïri leyinaca, camachinactï churapcsma ucanaca, ucatsti sumaquiw sarnakapjjäta, jumanacasa, wawanacamasa, uqhamaraqui walja maranacaw jacapjjäta cawquïri oraktï Tatitu Diosajj churapcätam ucanjja.”

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.