Eclesiastés 8:14 - Qullan Arunaca

¹⁴ Uqhamaw aca orakenjja inamayaqui asqui jakenacajja t'akhesipjje jucharar jan wali jakenacäcaspas uqhama, ucatsti jucharar jakenacasti cusisipjjaraquiwa asqui jakenacäcaspasa uqhama. Nayajj sistwa: —¡Acajj inamayaquiwa! —sasa.

Aymar Bibliia 1986

¹⁴ Uqhamaw aca orakenjja inamayaqui asqui jakenacajja t'akhesipjje jucharar jan wali jakenacäcaspas uqhama, ucatsti jucharar jakenacasti cusisipjjaraquiwa asqui jakenacäcaspasa uqhama. Nayajj sistwa: —¡Acajj inamayaquiwa! —sasa.

Qullan Arunaka DC

¹⁴ Ukhamaw akapachan aski jaqinakax inamay t'aqhisipxi jan wali jaqinakäkaspas ukhama, jucharar jaqinakasti aski jaqinakäkaspas ukhamaw kusisipxi. Nayax sistwa: “Akax inamayakiwa” sasa.

Eclesiastés 8:14 Jak'a apnaqawi uñst'ayäwi

Job 1:22

Take uqhamanaca uñjcasasa Job chachajja janiw cuna juchsa lurcänti, janiraquiw cuna jan walinacsa Dios tokejj arscaraquïnsa.

Job 21:7

¿Cunatraqui ñankha jakenacasti jacasipcaquisti, ucasti chuymani tokerojja wali ch'amaniquïsipcaraquisti?

Job 27:12

¿Jumanacatejj ucanaca uñjapjjsta ucapachasti, cunatsa uca lokhe arunaca parlapjjta?

Salmos 73:3

jach'achasir jakenacar uñisitajj laycu, ñankha jakenacar kamirquipstir uñjatajj laycuraqui.

Eclesiastés 10:5

Aca orakenjja jan waliraquiw lurasi, ucasti pachpa jilïrinacatwa kallti.

Eclesiastés 2:14

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui,

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Eclesiastés 7:15

Take acanacwa uñjawayta aca juc'a inamaya jacañajjanjja, suma jakenacaw jiwapjje, jupanacajj suma jakëpcchi ucasa, ucatsti ñankha jakenacajj jan walsa lurapcchi ucasa, walja maranacawa jacapjjaraqui.

Jeremías 12:1

Tata, jumampi ch'ajjwañarutejj uscusëjja, juman arumajj chekapapuniwa; ucampis nayajj jisct'añ munirisma, ¿cunatsa ñankha jakenacataquejj take cunasa sumaqui lurasirapi? Uqhamaraqui, ¿cunatsa ch'ojjña luririnacasa, sumaqui jacasipjje?

Malaquías 3:15

Jiwasasti uñjtanwa, jach'a jach'a tucurinacasti cusisitäpjjewa, jan walinac lurcasas take cunas sumaquipuniw misturapi, Diosarusa yant'apjjaraquiwa, ucampis janiraquiwa cuna mutuyäwinacsa Diosatjja catokapquiti’ ”