Eclesiastés 2:9 - Qullan Arunaca

⁹ Nayajj jach'apuniw tucjjäyäta, uqhamarac qhitinacatejj nayat nayra Jerusalenan jacapcäna ucanacat sipansa, juc'amp yänacanïyätwa. Ucjjarusti take yatiñjja janiw chhaktaycäyätti.

Aymar Bibliia 1986

⁹ Nayajj jach'apuniw tucjjäyäta, uqhamarac qhitinacatejj nayat nayra Jerusalenan jacapcäna ucanacat sipansa, juc'amp yänacanïyätwa. Ucjjarusti take yatiñjja janiw chhaktaycäyätti.

Qullan Arunaka DC

⁹ Nayax wali aytat jaqïyätwa, nayat nayra Jerusalenan jakapkän ukanakat sipan juk'amp yänakaw utjitäna. Ukhamarus yatiñ kankañaxax janiw nayat saraqkitänti.

Eclesiastés 2:9 Jak'a apnaqawi uñst'ayäwi

1 Reyes 10:23

Salomón reyisti aca oraken jaquir take reyinacaruwa atipt'äna kamir cancañata, uqhamarac yatiñ cancañatsa.

1 Reyes 10:7

ucampis nayajj janiw iyawscäyätti, jutasina nayrajjampi uñjañajjcamajja. Chekpachansa janiw ni chicatsa yatiyapquitütuti, juman yatiñ cancañamatjja, uqhamarac yänacamasa juc'amp jilawa, nayajj yatcäyäta ucat sipansa.

1 Reyes 3:12

Nayajj phokhäwa cuntï mayquista ucjja. Nayajj chursmawa yatiñ cancaña, ch'iqhi cancaña, uqhamjja jumat nayrjja janiw qhitis yatiñanïcänti, ni jumjjarusa yatiñanïcaniti.

1 Crónicas 29:25

Tatitojj Salomonarojj take jach'a cancañwa churäna Israel jakenaca nayrakatana, reinoparojja suma cancañaracwa churäna, uqhamsti janiw qhiti reyis Israel marcanjja churatäcänti.

2 Crónicas 1:1

Davidan, Salomón yokapasti, Tatitu Diosan yanapapampejja reinopjja sumwa utt'ayasïna, ucatsti ch'amapajj juc'ampiwa jiljjatäna.

Eclesiastés 1:16

Ucatsti nayajj chuymajjanjja sistwa: “Acajj nayajj jach'aruw tucta, uqhamarac qhitinacatejj Jerusalén marcana nayat nayra reyïpcäna ucanacat sipansa, juc'amp yatiñaniraquïtwa; ucatsti takew catuyasiracta juc'amp yatiñanïñataqui, uñt'irïñataquisa, uqhamarac pisi amuyt'anïñataqui, ucatsti pisi amuyt'anjama parlañataqui, take ucanacasti amuyatajjatjja thayarusa catthapï siscsna uqhamaquiwa” sasa.

Eclesiastés 5:11

Ucampis juc'ampi kamirïñanjja, juc'ampiraquiw mank'erinacajj uñsti. Utjirinejja, ¿cuna asquiraqui apsusti nayra mayampi uñjasasti?