Eclesiastés 2:10 - Qullan Arunaca

¹⁰ Cuntï muncäyäta ucjja luräyätwa; cunampitejj cusisiñ muncäyäta ucampejj cusisïyätwa. Chuymajjanjja take luratanacajjatwa cusisïyäta, ucatsti uca cusisiñawa nayan pagojjäna.

Aymar Bibliia 1986

¹⁰ Cuntï muncäyäta ucjja luräyätwa; cunampitejj cusisiñ muncäyäta ucampejj cusisïyätwa. Chuymajjanjja take luratanacajjatwa cusisïyäta, ucatsti uca cusisiñawa nayan pagojjäna.

Qullan Arunaka DC

¹⁰ Kuntix munkäyät uk luräyäta; kunampitix kusisiñ munkäyät ukampiw kusisïyäta. Taqi chuymaxampiw luratanakaxat kusisïyäta, ukatsti uka kusisiñaw nayan churäwixäna.

Eclesiastés 2:10 Jak'a apnaqawi uñst'ayäwi

Génesis 3:6

Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Génesis 6:2

Diosan wawanacapasti uca warminacan jiwaquïpjjatapwa uñjapjjäna. Ucatsti uca warminacwa catuntasipjjäna, ucanacampiw mayachasipjjaraquïna.

Job 31:1

Nayajj maya amtasta, ucasti acawa: Janipuni soltera tawakonacarusa munapayañajja.

Salmos 119:37

Janiquiy inamay yänacar uñtayistati, thaquiman sarañatac jacañ churita.

Salmos 128:2

Ch'ama tucutamatjam mank'asïta, cusisitaw utjasïta, take cunas waliquiw sararapïtam.

Proverbios 23:5

Kamir cancañajj mä juc'ataquiquiwa; mäquiraquiwa tucusjje, cunjämatejj pacajj chhekhanëjjasin mäqui thoktawayjjejja uqhama.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 2:1

Ucatjja chuymajjanjja saractwa: “Jichhasti nayajj yant'äwa cusisiñana; suma jacañanwa jicjjatasï” sasa. ¡Ucampis ucajja inamayaruquiwa tucuwayi!

Eclesiastés 2:22

Uqhamasti, ¿cuna ascsa jakejj apsu aca orakena take ucanac lurasinjja, uqhamarac uca take llaquisisinjja?

Eclesiastés 2:24

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa.

Eclesiastés 3:22

Nayajj amuytwa jaketaquejj janiw cuna asquis utjquiti, jan ucasti luratapampi cusisiñaquiw utji, ucaquiw juparojj wact'araqui, janiw qhitis juparojj uñacht'aycaniti cunatejj lurascani ucjja, jupan jiwjjatapatjja.

Eclesiastés 5:10

Qhititejj kollke munqui ucajja juc'ampwa muni; qhititejj kamirïqui ucajj, jan utjirinjamaquiwa amuyasi. Ucasti inamayaraquiquiwa.

Eclesiastés 5:17

Ucjjarusti, take jacañapanjja ch'amacanwa sarnakawayi, jan walt'añana, t'akhesiñana, llaquisiñana.

Eclesiastés 5:18

Nayajj mä suma ascwa jicjjatta, ucasti mank'aña, umaña, uqhamarac take irnakatampi cusisiña, aca oraken mä juc'a jacaña Diosajj churistu ucana, ucaraquiw jiwasar wact'araquistu.

Eclesiastés 6:2

Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Eclesiastés 6:9

Asquiwa nayrampi uñjañajja, uñjaña munañata sipansa. Ucampis ucajja inamayaraquiquiwa, thayarusa catthapï siscsna uqhamawa.

Eclesiastés 8:15

Ucatwa nayajj sista: —Cusisiñajj utjpan —sasa. Aca orakenjja jaketaquejj asquiwa mank'añanaca, umañanaca, uqhamarac cusisiñanaca. Ucaquiw jaketaquejj utji irnakatapatjja, Diosajj aca oraken jacañ churqui uca urunacapana.

Eclesiastés 9:6

Ucanwa jupanacan munasiñapajj tucusjje, uñisiñapasa, envidiasiñapasa, janipuniw aca orakena cuna lurañanacatejj utjqui ucanacjja lurcjjapjjaniti.

Eclesiastés 9:9

Jacañamanjja munata warmimampi cusisim sapa horasana, Diosajj aca oraken juc'a jacaña churctam ucana; aca oraken ucatac irnakatanacamatjja ucacwa apsütajja.

1 Juan 2:16

Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.

Jueces 14:2

Ucat utaparu purisinsti awquinacaparuw yatiyäna: —Nayasti Timnat sat marcanjja mä suma warmi uñjanta jichhasti sart'arapipjjetaya nayasti jupampiw casarasiña munta —sasa.