Eclesiastés 11:9 - Qullan Arunaca

⁹ Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Aymar Bibliia 1986

⁹ Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Qullan Arunaka DC

⁹ Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Eclesiastés 11:9 Jak'a apnaqawi uñst'ayäwi

Génesis 3:6

Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Génesis 6:2

Diosan wawanacapasti uca warminacan jiwaquïpjjatapwa uñjapjjäna. Ucatsti uca warminacwa catuntasipjjäna, ucanacampiw mayachasipjjaraquïna.

1 Reyes 18:12

Jichhajja acawa lurasini, nayajj jumat sarakawayjjäma ucqhajja, Tatitun ajayupawa jumar aptawayjjätam nayan jan uñjañ chekaru. Ucatsti nayajj cunapachatï Acab reyiru yatiyä ucqhajja, jupajj janiw jumarojj jicjjatcjjätamti, ucatsti nayarojj jiwayitaniwa. Aca uywatamasti wayna urunacapatpachwa Tatiturojj jach'achañ yati.

1 Reyes 18:27

Chica uröjjäna ucqhasti, Eliasajj jupanacatjja sawcasïnwa, aqham sasa: “Jach'at art'apjjam, jupajj diosawa uca laycu. Inas cunanacs lup'iscchi, jan ucajj cuna lurañanacapwa lurascpacha, jan ucajj sarascaracchi. ¡Inas iquiscaracchi, ucatjja sartayaña waquischi!” sasa.

1 Reyes 22:15

Ucatsti jupajj reyin nayrakataparuw saräna, reyejj juparojj jisct'änwa: —Micaías, ¿nuwantir sarapjjeristti Galaadanquir Ramot marcarojja, janicha? —sasa. Ucjjarusti Micaiasajj sänwa: —Nuwasir sarascaquim, ucatsti atipjätawa, Tatitusti jumaruw catuyätamjja —sasa.

Job 31:7

Nayatejj cheka thaquit saranucstjja, inas inampst'añanacampi atipjayasiracstjja, inas jaken cuna yänacapsa catuntasiracsta,

Salmos 81:12

Ucat munañaparjam sarnakayta, munataparjamaw sarnakapjjaraquïna.

Eclesiastés 12:1

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.

Eclesiastés 12:14

Diosajj take luratanacasatwa wayt'istani, walitsa jan walitsa, jan uñjcat luratanacatsa.

Eclesiastés 2:10

Cuntï muncäyäta ucjja luräyätwa; cunampitejj cusisiñ muncäyäta ucampejj cusisïyätwa. Chuymajjanjja take luratanacajjatwa cusisïyäta, ucatsti uca cusisiñawa nayan pagojjäna.

Eclesiastés 3:12

Nayajj amuytwa, jaketaquejj asquiwa jacañapana cusisiñapajja, uqhamarac suma sarnakañapajja.

Eclesiastés 3:17

Ucatsti nayajj sistwa: “Diosaquiw chekapar uñj-jjani, asqui jakerusa ñankha jakerusa, mä horasa utjatapata take cuna lurasïwitaquisa, uqhamarac take cuna lurañataquisa.”

Eclesiastés 6:9

Asquiwa nayrampi uñjañajja, uñjaña munañata sipansa. Ucampis ucajja inamayaraquiquiwa, thayarusa catthapï siscsna uqhamawa.

Eclesiastés 7:14

Sumancaña jutipanjja cusisim; jan walt'aña jutipansti amuyt'asiraquim, mayasa, mayasa Diosanquiwa, ucatsti jakejj janipuniw yatquiti cunatï jutir urunacana jutcani ucatjja.

Jeremías 23:17

Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.

Jeremías 7:24

Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Lamentaciones 3:27

Ucatpï waquisejja mä jakenjja Tatituruquipuni waynatpacha jaysañapajja.

Números 15:30

“Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Números 15:39

Cunapachatejj fleconacan uchat uñjapjjät ucqhajj, take camachi arunac churapcsma ucanacat amtasipjjäta, ucatsti phokhapjjaraquïtawa, janiraquiw jumanacan pachpa amtäwinacamampi, munañanacamampi apayasipjjätati, cawquïrinacampitejj jumanacajj jan iyawsañani tucupcta ucanacampi.

Números 22:32

Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Mateo 5:28

Ucampis nayajj sapjjsmawa, qhititejj mä warmirojj munapayañataqui uñtejja, niyaw chuymapanjja jupampi wachoka juchjja lurjje.

Lucas 12:19

Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

Hechos 14:16

Nayra urunacanjja Diosajj take jakenacarojj munañanacaparjamaquiw sarnakayäna.

Hechos 24:25

Cunapachatï Pablojj parläna cheka sarnakañjjata, jiwaspach amuyasis sarnakañjjata, uqhamarac taripañ uru utjcani ucjjata, parlir ist'asinsti, Félix marca apnakerejj wal sustjasïna, saraquïnwa: —Sarjjam jichhajja, cunapachatï tiempojj utjitani, ucqhaw ist'añatac jawsayaraquïma —sasa.

Romanos 14:10

Ucampis jumajj ¿cunatsa jilamarojj juchañchta? Jan ucajj ¿cunats jisc'achta? Chekpachansa takeniw Criston nayrakataparojj taripatäñataqui uñstañäni.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Deuteronomio 29:19

“Uqhamasti aca juramento arunac ist'awayasina, cawquïrisa jumanacat jupa pachpa suma jakëtap amuyasi, ucatsti aqham sani: ‘Take cunaw nayataquejj walt'ascani, munañajjar lurcä ucqhasa’ sasa. Uca jakew jumanacan jan cunanïñanacataqui juchaninejja.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.

Josué 7:21

Jericó marcar mantasinjja, nayajj Babiloniat apanit mä suma manto aptasta, ucatsti mä kilo kollkempi, uqhamarac mä kori barrampi cawquïritï chica kilonïna uca. Ucanacsti sintpunwa munayäta ucat ucanac aptasinta. Jichhasti ucanacjja orakeruw carpajj mankhan allintta, kollkjja mankharu —sasa.

2 Pedro 3:7

Jichhasti aca orakempi alajjpachampisti ninampi t'unjataraquïniwa, Diosan arunacaparjama, ucatac imatäscaraquiwa. Uca ninawa k'al naqhantani taripäwi urunjja, cunapachatï jan wali jakenacajj tucjatäcani ucapacha.