Eclesiastés 11:9 - Qullan Arunaka DC

⁹ Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Aymar Bibliia 1986

⁹ Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Qullan Arunaca

⁹ Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 11:9 Jak'a apnaqawi uñst'ayäwi

Génesis 3:6

Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Génesis 6:2

Diosan wawanakapasti uka warminakan jiwakïpxatap uñjapxäna. Ukat uka warminak ajllisipxäna, ukanakampiw jaqichasipxäna.

1 Reyes 18:12

Ukat juk'ampi, nayax juma jak'at saraqawaykäma ukspachaw Tatitun ajayupax aptawayätam, nayasti janiw kawkinkatamsa yatkäti. Ukatsti kunapachatix nayax Ahab reyiru juman akankatam yatiyä ukkhaxa, jupax jutaniwa, ukatsti janiw jumar jikxatkätamti, ukatsti nayarux jiwayitaniwa. Naya, juman luqtirimax waynatpach Tatitur axsartirïtwa.

1 Reyes 18:27

Chika urüxäna ukkhasti, Eliasax jupanakat sawkasisin säna: —Jach'at art'apxam, jupax diosächixaya. Inas kunanaksa lup'iskchi, jan ukax kuna lurañanakap luraskchi, jan ukax kawki saraskchi. ¡Inas ikiskarakchi, ukatxa sartayañ wakischi! —sasa.

1 Reyes 22:15

Ukatsti jupax reyin ukaruw saräna, reyisti jupar jiskt'änwa: —Micaías, ¿Galaadankir Ramot marka katuntirix sarapxiristti, janicha? —sasa. Micaiasasti sänwa: —Katuntir saraskakim, atipjätawa, Tatituw uka marka katuyätam —sasa.

Job 31:7

Nayatix chiqa thakhit saranuksta, inampst'añanakampi atipjayasiraksta, jaqin kuna yänakapsa katuntasiraksta,

Salmos 81:12

12 (13) Ukat munañaparjam sarnaqayta, munataparjamaw jakapxarakïna.

Eclesiastés 12:1

Waynäkasin irnuqir Diosamat amtasim, jan walt'añ urunak janïr purinkipana, kunapachatix siskäta: “Janiw kuna kusisiñsa sarnaqäwixan jikxatkti” sasa.

Eclesiastés 12:14

Diosax taqi luratanakasat wayt'istani, walitsa, jan walitsa, jamas chiqan luratanakasatsa.

Eclesiastés 2:10

Kuntix munkäyät uk luräyäta; kunampitix kusisiñ munkäyät ukampiw kusisïyäta. Taqi chuymaxampiw luratanakaxat kusisïyäta, ukatsti uka kusisiñaw nayan churäwixäna.

Eclesiastés 3:12

Ukat nayax amuyta, jaqin askipax kusist'aña, k'uchik sarnaqt'aña ukakiwa,

Eclesiastés 3:17

Ukat sarakta, Diosaw aski jaqirus ñanqha jaqirus chiqapar uñjaskani, ukampis taqi kun lurañatakix mä pachakiw utji.

Eclesiastés 6:9

Aliq amuyañat sipansa uñjañaw askixa. Ukampis ukax inamayawa, thayarus katthapiñ munksna ukhamakiwa.

Eclesiastés 7:14

Sumankaña jutipanxa kusisim; jan walt'añ jutipansti amuyt'asirakim, mayasa, mayasa Diosankiwa, ukatsti jaqix janipuniw yatkiti kunatï jutir urunakana jutkani ukatxa.

Jeremías 23:17

Arunakaxar jisk'achirinakarusti sapxarakiwa: ‘Taqi kunas walikïskaniwa’ sasa. Chuymanakapan jan wali amtatanakaparuk arkapki ukanakarusti sapxarakiwa: ‘Janiw kuna jan walis jutkätamti’ ” sasa.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Lamentaciones 3:27

Jaqix waynatpacha t'aqhisiñanak katuqañ yatiqañapa.

Números 15:30

“Ukampis mä jaqitix sum yatkasin juch lurani, israelit jaqïpansa, yaqha markat jutir jaqïpansa, ukasti nayaruw ñanqhachitu. Ukhamïpansti, uka jaqix markap taypit jaqunukutaw uñjasini,

Números 15:39

Uka t'ikhachatanak uñjasin jumanakax nayan churat taqpach kamachi arunakat amtasipxäta, ukat phuqhapxarakïta; janirakiw jumanakan pachpa amtäwinakamampi, munañanakamampi apayasipxätati, ukanak laykuw jumanakax nayar iyawsañ apanukupxtaxa.

Números 22:32

Tatitun angelapasti juparux sänwa: —¿Kunatarak qachu asnomar kimsa kuti jawq'jtasti? Nayaw jumar thakhit jark'antsma, Moab markar saratamax janiw nayatak walïkiti.

Mateo 5:28

Ukampis nayax sapxsmawa, khititix mä warmir munapayañatak uñtixa, niyaw chuymapan jupampix wachuq jucha lurxi.

Lucas 12:19

Ukatsti naya pachpaw sarakï: Jilata, walja yänakaw utjtam walja maratak imata; jichhasti samart'am, manq'asim, umt'asim, kusisirakim’ sasa.

Hechos 14:16

Nayra urunakan Diosax taqi jaqinakarux munañaparjamakiw sarnaqayäna.

Hechos 24:25

Pablox chiqa askin sarnaqañat parläna, jiwaspach amuyasis sarnaqañata, taripañ uru utjkani ukat parlarakïna, ukapachasti, Félix jilïrix wal mulljasïna, ukat sarakïna: —Jichhax sarxakim; wakisin ukkhaw wasitat jawsayarakïma —sasa.

Romanos 14:10

Jumasti, ¿kunatarak jilamar k'umtasti? Jan ukax, ¿kunatarak jisk'achtasti? Taqpachaniw Diosan nayraqatapan taripatäñatak uñstañäni.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Corintios 5:10

Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.

Deuteronomio 29:19

19 (18) “Ukhamasti aka juramento arunak ist'asintix jumanakat khitis jupa pachpa suma jaqïtap amuyasis akham sani: ‘Taqi kunaw nayatakix walt'askani, munañaxar lurkä ukkhasa’ sasa, uka jaqiw juchanïni Diosan taqi Israel markpachar mutuyañapatakixa.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.

Josué 7:21

Jericó markat yänak apsunktan uka taypin, Babiloniat apanit mä suma isi uñjta, ukhamarak pä patak qullqimpi, mä quri barrampi, tupupasti chika kilot jilänwa. Uka yänakasti chuymaxar purkirïnwa ukat apaqasta, ukatsti uraqiruw chhujllaxa manqhan allintta, qullqi juk'ampi manqharu uchasa —sasa.

2 Pedro 3:7

Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.