Daniel (hebreo) 4:5 - Qullan Arunaca

⁵ Ucampisa mä arumawa iquiñancjjasina, mä samca samcasta ucasti walpun warariyitu, cunaymani casta lup'ïwinaca, unañchäwi uñjaracta, take ucanacaw ajjsarañampi phokhantitu.

Aymar Bibliia 1986

⁵ Ucampisa mä arumawa iquiñancjjasina, mä samca samcasta ucasti walpun warariyitu, cunaymani casta lup'ïwinaca, unañchäwi uñjaracta, take ucanacaw ajjsarañampi phokhantitu.

Qullan Arunaka DC

⁵ 5 (2) Ukampis mä arumaw ikiñankasin mä samka samkasta, ukasti walpun mulljitu, kunayman lup'ïwinakampi, unañchäwinakampix axsarañat khathatiyitu.

Daniel (hebreo) 4:5 Jak'a apnaqawi uñst'ayäwi

Génesis 41:1

Pä maraw pasjjäna. Mä uruw faraonajj mä samca samcasïna, jupasti samcapanjja Nilo jawira thiyan sayt'atäscänwa,

Daniel (hebreo) 1:7

Reyin palaciopan sirvirinacan jilïripajj jupanacarojj yakha sutimpiw sutichäna Danielarojj, Beltsasar sasa; Ananiasarusti, Sadrac sasa, Misaelarusti Mesac sasaraqui; Azariasarusti, Abed-nego sasaraquiw sutichäna.

Daniel (hebreo) 2:1

Nabucodonosor reyejj niya pä mara apnakcäna ucapachasti jupajj walja samcanacwa samcasitayna, uqham samcasitapatsti wali llaquisjjaraquïna, janiraquiw iquisa purcjjaraquitaynati.

Daniel (hebreo) 2:3

reyisti jupanacarojj sänwa: —Nayajj mä samca samcasta ucat jichhajj wal llaquista uca samcajj cun sañsa munpacha uc yatiñ munasina —sasa.

Daniel (hebreo) 4:10

Aqhamwa iquiscasina samcastjja: ‘Aca orake taypinjja mä jach'a kokaw utjäna.

Daniel (hebreo) 4:13

“Ucat acatjamatwa samcajjanjja alajjpachat mä angela sarakasinquir uñjta.

Daniel (hebreo) 4:15

Ucampisa pachpa orakeru kheparayapjjaraquim troncopampi, saphinacapampjja; hierrota, bronceta lurat cadenanacampi ñach'antapjjam, ucatsti pampanquiri koranacampi chica apanucupjjam. Sullanacasti jupjjarojj sullantaracpan, pampanquiri animalanacampi, koranacampi chicaraquïpan.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 5:10

Ucampisa reyin taycapajja, uqhama wawapan arnakasitapat ist'asajja uqhamaraqui uca jach'a jilïri jakenacana arnakasitapa ist'asasa, uca mank'äwi jach'a utaruw jalantawayäna, ucat saraquïna: —Jach'a reyejj wiñayataqui jacpan. Janiraqui reyejj llaquispati, ni k'ellus tucuracpati,

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 7:1

Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Daniel (hebreo) 7:28

“Ucaw uca unañchäwin tucuyäwipajja. Naya, Daniel, wali mayjt'atapuniw jicjjatasta, ajanojjas k'elluw tucuraqui, ucampisa janiw qhitirusa cunsa aca toketjja siscaractti.”