Daniel (hebreo) 4:6 - Qullan Arunaca

⁶ Ucatwa mayiraquïyätjja take yatiñani jakenacajj aca Babilonia oraken utjapquisa ucanacajj nayar uñjiri jutapjjañapataqui, uca samcajj cuntejj saña munqui uca khanañchapjjañapataqui.

Aymar Bibliia 1986

⁶ Ucatwa mayiraquïyätjja take yatiñani jakenacajj aca Babilonia oraken utjapquisa ucanacajj nayar uñjiri jutapjjañapataqui, uca samcajj cuntejj saña munqui uca khanañchapjjañapataqui.

Qullan Arunaka DC

⁶ 6 (3) Ukat nayax, Babilonia uraqin utjir taqi yatiñan jaqinakaruw jawsayta, kuntix uka samkax sañ munki uk nayar qhanañchapxañapataki.

Daniel (hebreo) 4:6 Jak'a apnaqawi uñst'ayäwi

Éxodo 7:11

Uca uñjasinsti faraonajj wali amuyt'an jakenacaru, uqhamarac jupanacan wali yatiri jakenacaruw jawsayanïna, ucatsti uca jakenacajj yatiñanacapampejja quipcaracwa lurapjjaraquïna;

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 2:2

Uqhamasti jupajj magonacaru, yatirinacaru, laykanacaru, take yatiñani jakenacaruw jawsayanïna uca samcanaca toketa juparu khanañchapjjañapataqui. Uca jakenacasti sarasinjja reyin nayrakataparuw uñstapjjäna,

Daniel (hebreo) 2:48

Ucatsti reyejj Daniel waynarojj mä jach'a jilïrit utt'ayaraquïna, walja suma wajjt'asiñanacapwa churaraquïna; uqhamarus Babilonia provincia apnakañapataquiw utt'ayaraquïna, ucjjarusti take yatiñani jakenacatejj utjcäna uca marcanjja ucanacjjaru munañanïñwa churaraquïna.

Daniel (hebreo) 4:15

Ucampisa pachpa orakeru kheparayapjjaraquim troncopampi, saphinacapampjja; hierrota, bronceta lurat cadenanacampi ñach'antapjjam, ucatsti pampanquiri koranacampi chica apanucupjjam. Sullanacasti jupjjarojj sullantaracpan, pampanquiri animalanacampi, koranacampi chicaraquïpan.

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 5:7

Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.