Daniel (hebreo) 3:1 - Qullan Arunaca

¹ Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.

Aymar Bibliia 1986

¹ Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.

Qullan Arunaka DC

¹ Nabucodonosor reyix quritkamak mä jach'a dios lurayäna, ukasti alayarux kimsa tunka metronïnwa, iramarusti kimsa metroniraki, uksti Babiloniankir Dura sat pamparuw uchayäna.

Daniel (hebreo) 3:1 Jak'a apnaqawi uñst'ayäwi

1 Reyes 12:28

Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.

Ester (hebreo) 1:1

Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Salmos 135:15

Diosar jan uñt'ir jakenacan c'ari diosanacapajj korit kollket lurataquiwa, jaken amparapamp lurataquiraquiwa:

Éxodo 20:23

Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.

Éxodo 32:31

Ucampis Moisesajj, cawqhancquitejj Tatitojj ucqhar cutt'asinjja sänwa: —Chekpachapuniw jakenacajj wali jach'a jucha lurapjje korita mä diosa lursusisajja.

Isaías 2:20

Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.

Isaías 30:22

Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.

Isaías 46:6

Yakhepa jakenacajj bolsanacapat walja kori apsupjje, balanzanacansti kollkenac pest'apjjaraqui; ucatsti yakha diosanac luriri mä jakeruw jawsayapjjaraqui, mä dios lurañapataqui, ucat jupanacajj uca diosanacaru quillisipjjañapataqui.

Jeremías 10:9

Uca c'ari diosanacapajj Tarsis marcat apanit kollkequiwa, uqhamaraqui Ufaz sisqui ucat apanit koriquiwa; jakenacan lurataquiraquiwa, morado isinacampi, wila isinacampi isthapitaquiraquiwa; jakenacan amparanacapampi lurataquiraquiwa.

Jeremías 16:20

¿Lurasispati mä jakejj pachpa diosanacapa? ¡Uqhamasti uca diosanacajj janiw chekäpquiti!”

Daniel (hebreo) 2:48

Ucatsti reyejj Daniel waynarojj mä jach'a jilïrit utt'ayaraquïna, walja suma wajjt'asiñanacapwa churaraquïna; uqhamarus Babilonia provincia apnakañapataquiw utt'ayaraquïna, ucjjarusti take yatiñani jakenacatejj utjcäna uca marcanjja ucanacjjaru munañanïñwa churaraquïna.

Daniel (hebreo) 2:49

Daniel waynan mayitaparjamasti reyejj Sadrac, Mesac, Abed-nego ucanacarojj wali jach'a apnakañanaca churäna uca Babilonia provincia apnakañanjja, Daniel pachpawa reyin utaparu kheparjjaraquïna.

Daniel (hebreo) 3:14

reyejj jupanacarojj jisct'änwa: —¿Chekapunit jumanacajj jani cawquïri diosanacajjarusa yupaychapcta, cuntejj nayajj korit luraycta uca nayrakatarusa quillt'asipcaracta?

Daniel (hebreo) 3:30

Uca khepatsti reyejj aca quimsa waynanacarojj wali jach'a luräwinac churaraquïna Babilonia provincia apnakañanjja.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 5:4

Takeniw vino umapjjäna ucatsti korita, kollketa, bronceta, hierrota, lawata, kalata lurat diosanacaparuw yupaychapjjaraquïna.

Oseas 2:8

“Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.

Oseas 8:4

“Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui.

Habacuc 2:19

“¡Ay cunänis jumatjja, mä lawat lurat c'ari diosaru sartam satamajja, mä amutu kalaru sayt'am satamajja! ¿Jupanacasti mä cuna arunacsa yatiyapjjaspati? Janiwa jupanac quipcan jacañajj utjquiti, kawkhasay korimpis kollkempis chhaktayatäscpan.

Hechos 17:29

Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

Deuteronomio 7:25

Ninampiraquiwa phichhantapjjäta diosanacapsa. Ucatsti janiraqui munapayapjjamti uca diosanacapar lip'suyat koripsa ni kollkepsa; jan jumanacan uqhamat jucharu puripjjañamataqui, uc lurasasti Tatitu Dios nayräjjan jan wali lurapjjasmajja.

Apocalipsis 9:20

Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.