Daniel (hebreo) 3:1 - Qullan Arunaka DC

¹ Nabucodonosor reyix quritkamak mä jach'a dios lurayäna, ukasti alayarux kimsa tunka metronïnwa, iramarusti kimsa metroniraki, uksti Babiloniankir Dura sat pamparuw uchayäna.

Aymar Bibliia 1986

¹ Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.

Qullan Arunaca

¹ Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.

Daniel (hebreo) 3:1 Jak'a apnaqawi uñst'ayäwi

1 Reyes 12:28

Uka tuqit suma yatxatasinxa, reyix qurit pä vaca qallunak luräna, ukat markar sarakïna: “Israelitanaka, janiw wakiskxiti jumanakan Jerusalén markar sapa kuti makhatasipkañamaxa. Akax diosanakamaxa, ukanakaw Egipto markat irpsunipxtam” sasa.

Ester (hebreo) 1:1

Asuero reyix Persia jach'a marka apnaqkäna uka urunakan taqi akanakax lurasïna. Uka markasti pataka pä tunka paqallquni suyunakanïnwa, India chiqat qalltasa Etiopía chiqakama.

Salmos 135:15

Diosar jan uñt'ir jaqinakan idolonakapax qurit qullqit luratakiwa, jaqin amparapampi luratakirakiwa.

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 32:31

Ukhamaw Moisesax Tatit thiyar kutt'äna, juparusti akham sarakïna: —Chiqpachapuniw jaqinakax qurit mä dios lursusisax wali jach'a jucha luri.

Isaías 2:20

Uka urunsti jaqinakax diosanakapxa, apanukxapxaniwa, qurita, qullqit jupa pachpan lurasit diosanakxa, yupaychañatak lurasipkäna uka diosanakapxa, achakunakaru, chiñinakaruw churxapxani,

Isaías 30:22

Ukatsti uka qullqit lurat diosamxa, qurimpi jawikipat diosamsa, jan wali yänakäkaspas ukhama, jan ukax t'unäkaspas ukham apanuküta.

Isaías 46:6

Yaqhip jaqinakax quripsa qullqipsa ina ch'usaruw tukjapxi, diosanak luriri mä jaqiruw jikxatapxi, mä dios lurañapatakiw quripsa qullqipsa churapxi; ukatsti uka diosar killt'asisaw yupaychapxi.

Jeremías 10:9

Uka diosanakapax Tarsis markat apanit qullqimpi luratakiwa, Ufaz tuqit apanit qurimpi luratakiwa; ch'iyar wila sami isinakampi, chupika sami isinakampi isthapiyata, ukanakasti jaqinakan amparanakapampi luratakiwa.

Jeremías 16:20

¿Mä jaqix pachpa diosanakap lurasispati? ¡Ukhamasti uka diosanakax janiw chiqäpkiti!”

Daniel (hebreo) 2:48

Uka qhipatsti reyix Danielar mä jach'a jilïrit utt'ayäna, juparusti walja churäwinak waxt'arakïna; ukhamarus Babilonia suyu apnaqañapatakiw utt'ayäna, ukxarusti uka markan utjir yatiñani jaqinakan jilïripat utt'ayarakïna.

Daniel (hebreo) 2:49

Reyisti Danielan mayitaparjamax, Babilonia suyu apnaqäwin Sadrac, Mesac, Abed-nego jupanakapar jilïrit uchäna. Danielasti, reyin pachpa utapan qhiparxarakïna.

Daniel (hebreo) 3:14

reyix jupanakar jiskt'änwa: —¿Chiqapunit jumanakasti diosanakaxampiru, qurit luraykta uka diosarusa jan yupaychapktasti?

Daniel (hebreo) 3:30

Uka qhipatsti, reyix uka kimsa waynanakarux Babilonia suyun apnaqäwinakapan, wali jach'a jilïrinakat utt'ayäna.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Daniel (hebreo) 5:4

Taqiniw vino umapxäna ukatsti qurita, qullqita, bronceta, hierrota, lawata, qalat lurat diosanakaparuw yupaychapxarakïna.

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Oseas 8:4

“Nayar jan yäqasaw reyinak utt'ayasipxi, jilïrinakapsti nayar jan yatiyasaw chhijllasipxi. Jupanakpachaw qullqipata, quripata yaqha diosanak lurasisax jan walt'añanakaru, tukjatäñanakar purisipki.

Habacuc 2:19

¡Ay kunakïkan juma Babiloniatxa, mä lawat lurat diosar p'arxtam satamaxa, mä amutu qalar sayt'am satamasa! ¿Jupanakasti mä kuna yatiyäwinaksa yatiyapxaspati? Janiwa. Jupanakax janiw jakañanïpkiti, qawqhasay qurimpis qullqimpis jawikipatäsipkpan.

Hechos 17:29

Ukhamasti, Diosan wawanakapäkasinxa, janipï amuyañasäkitix Diosax jaqinakan amuyuparjam qurita, qullqita, qalata luratäkaspas ukhama.

Hechos 19:26

Jichhasti jiwasax uñjtanwa, ist'apxaraktanwa, uka Pablo jaqix Éfeso markankirinakaru, taqpach Asia suyunkirinakampiruw parlatapamp mayjt'ayi. Jupax siwa: ‘Jaqinakan lurat diosanakax janiw chiqa diosäkiti’ sasa; uksti walja jaqinakaw iyawsapxi.

Deuteronomio 7:25

Uka markanakar atipjasasti, diosanakapsa ninampiw phichhantapxäta, ukampis janiw uka diosanakapar lip'suyat quripsa qullqipsa katusiñ yant'apxätati; jumanakax jan ukamp yant'ayasipxamti, uk lurasasti Tatit nayraqatan jan wali lurapxasma.

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.