Daniel (hebreo) 12:3 - Qullan Arunaca

³ Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Aymar Bibliia 1986

³ Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Qullan Arunaka DC

³ Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

Daniel (hebreo) 12:3 Jak'a apnaqawi uñst'ayäwi

Éxodo 34:35

Ucampis israelitanacajj wastat Moisesan ajanupa wali c'ajir uñjapjjatapatsti Moisesajj wastatampiw ajanupjja velompi imt'asjjäna wastat Tatitumpi parliri mantañapcama.

Proverbios 11:30

Cheka cancañajj jacañwa churi, ñankha lurañasti jacañjja apakewa.

Proverbios 3:35

Yatiñan jakenacan churäwipajj aytat cancañawa, ucampis jan amuyt'an jakenacajj p'enkachatäniwa.

Proverbios 4:18

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Eclesiastés 12:9

Yatiyirejj juc'amp yatiñanïsajja, juc'ampiraquiw yatiñjja jakenacar yaticharaqui. Uqhamaraquiw walja säwinaca yatjjatañaru uchasiraqui, ucatsti sapa maya chekaparu uscusa.

Isaías 53:11

Uqham sinti t'akhesiña tucusitapatsti jupajj khana uñjani, uc yatisitapatsti c'uchiquiw uñjasjjaraquini; Tatitun cheka sirviripasti waljaniruw khespiyani, jupanacan juchanacapsti aparaquiniwa.

Jeremías 23:22

Jupanacatejj nayan amtatanacajja yatipjjasapän ucajja, nayan arunacajjwa marcajjarojj yatiyapjjasapänjja; jan wali thaquinacapatsa cuttayanipjjasapänwa, ñankha lurañanacapsa apanucuyapjjaraquisapänwa.”

Daniel (hebreo) 11:33

Uca marcanquiri jach'a yatiñani jakenacasti walja jakenacaruw yatichapjjani, ucampisa janc'aquiraquiw jupanacarojj jiwarayapjjani, ninaruw naqhantayapjjaraquini, uqhamaraqui take cunanacapatejj utjcän ucanacsa lunthatjapjjaraquiniwa, jaya marcanacaru apasin esclavo tucuyapjjaraquini. Ucasti mä kawkha urunacataquiquiw lurasiraquini.

Daniel (hebreo) 11:35

Qhitinacatejj marcaru yatichapcän ucanacasa, uñisitaw uñjasipjjaraquini, jupanacasti yant'ataw uñjasipjjaraquini, k'omachataraqui, chekaparu tucuyataraqui, cuna tucuy horasatejj puriniñapäcäna ucacama.

Daniel (hebreo) 12:10

Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Mateo 13:43

Ucampis Diosan munañap phokherinacasti, intjamawa khanapjjaraquini Awquipan marcapanjja. Jumanacatejj ist'añ munapjjstajja, ¡ist'apjjam!

Mateo 19:28

Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Mateo 24:45

“¿Qhitis suma uywatajja amuyuniraquejja, ucat utanipajj jupar jaytawayaspan take utancquis ucanacar horasapar mank'anacs churañapataqui?

Juan 4:36

Qhititejj apthapqui ucajja pagopjja catokewa, yapu apthapitapasti wiñay jacañataquiwa, uqhamat yapuchirimpi yapu apthapirimpi cusisipjjañapataqui.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

Hechos 13:1

Antioquía iglesianjja utjaraquïnwa profetanaca, yatichirinaca. Ucanacasti acanacänwa: Bernabé, Simón (qhitirutejj “Negro” sas sutichapjjaraquïna), Cirenenquir Lucio, Manaén (qhititejj Galilea apnakeri Herodesamp chica uywatäcäna uca), Saulomp cuna.

1 Corintios 3:10

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

Efesios 4:11

Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.

Hebreos 5:12

Acqha tiempotjja, jumanacajj niya yatichirinacäjjapjjañamänwa; ucampis waquisiscaquiwa wasitamp amuyt'ayaña Diosan kallta yatichäwinacapatjja. T'uqharjjapjjactawa, mank'a lantsti, leche umapjjañamawa.

2 Pedro 3:15

Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.

Jueces 5:31

“¡Dios Tatitu, uqhama tucjatäpana jumaru take uñisirinacajja, ucampis jumaru take munirinacasti waliraqui khanapjjpan cunjämtejj intejj khanqui uqhama!” Uca khepatsti uca orakenjja samarañaw utjäna pusi tunca maranaca.