Daniel (hebreo) 12:3 - Qullan Arunaka DC

³ Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

Aymar Bibliia 1986

³ Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Qullan Arunaca

³ Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Daniel (hebreo) 12:3 Jak'a apnaqawi uñst'ayäwi

Éxodo 34:35

Israelitanakasti Moisesan ajanup k'ajir uñjapxäna, ukat Moisesax ajanup wasitat imt'asxäna, Tatitump parlir wasitat mantañapkama.

Proverbios 11:30

Chiqa kankañax jakañ churi, ñanqha lurañasti jakañ apaqi.

Proverbios 3:35

Yatiñan jaqinakan churäwipax aytat kankañawa, jan amuyt'asir jaqinakasti p'inqachatäniwa.

Proverbios 4:18

Aski jaqinakan sarnaqäwipax willjta qhanjamawa; urutatañkamaw juk'at juk'at qhanti.

Eclesiastés 12:9

Arunak Yatiyirix juk'amp yatiñanïsax juk'amp yatiñanakxat jaqinakar yatichäna. Ukhamarak walja säwi arunak yatiqañaruw uchasïna, ukat sapa maya chiqaparuw uskurakïna.

Isaías 53:11

Ukham sinti t'aqhisitapatsti, ukapachaw Tatitur jaysañan askïtap yatini; Tatitun chiqa luqtiripasti waljaniruw qhispiyani, jupanakan juchanakapsti juparakiw apxani.

Jeremías 23:22

Jupanakatix nayan amtatanakax yatipxasapän ukkhasti, markaxarux nayan arunakax yatiyapxasapänwa; jan wali thakhinakapatsa kuttayanipxasapänwa, ñanqha lurañanakapsa apanukuyapxarakisapänwa.”

Daniel (hebreo) 11:33

Markankir jach'a yatiñan jaqinakasti walja jaqinakaruw yatichapxani, ukampis jank'akiw jupanakarux jiwarayapxani, ninaruw nakhantayapxani, utjir yänakapsa lunthatjapxarakiniwa, jupanakat waljaniruw jaya markanakar uywat jaqir tukuyañatak apapxani. Ukasti mä qawqha urunakakïniwa.

Daniel (hebreo) 11:35

Khitinakatix markankir jaqinakar yatichapkäna ukanakasti, chimpt'at tukuy urun puriniñapkamax arknaqatäpxaniwa, jupanakax uka yant'anak katuqasaxa, q'umachatäpxaniwa, chiqapar tukuyatäpxarakiniwa.

Daniel (hebreo) 12:10

Waljaniw taqi kunanaktix yatiyksma ukanak t'aqhisipxani, ukampis uka t'aqhisïwi qhipat aski jaqinakäpxaniwa. Ñanqha jaqinakasti ñanqhanakap lurasipkakiniwa, kunatix utjki ukanakat jan amuyt'asa, ukampis yatiñan jaqinakax taqi akanak amuyt'apxani.

Mateo 13:43

Diosan munañap phuqhirinakasti, intjamaw Awkipan qhapaq markapan qhanapxani. ¡Jumanakatix ist'añ munapxstaxa, ist'apxam!

Mateo 19:28

Jesusasti jupanakarux sänwa: —Qhanak sapxsma, kunapachatix taqi kunas machaqaptkani, jaqin Yuqapas qhapaq qunuñapxar qunt'askani ukkhaxa, jumanakan nayar arkatam laykux, tunka payan qunuñarurakiw qunt'asipxäta Israelan tunka payan ayllupar taripañataki.

Mateo 24:45

“¿Khitirak aski amuyt'an suma uywatasti? Juparuw uywiripax utapankirinakar wakisitaparjam manq'a churañapatak jayti.

Juan 4:36

Khititix yapu apthapki ukax payllap katuqasiwa, yapu apthapitapasti wiñay jakañatakiwa, ukhamat yapuchirimpi yapu apthapirimpi kusisipxañapataki.

Juan 5:35

Bautisir Juanan yatichäwipax mä qhanjamaw qhanäna, jumanakasti uka qhanapan mä juk'a pachakiw kusisiñ munapxäyätaxa.

Hechos 13:1

Antioquía iglesianxa, profetanakampi, yatichirinakampiw utjarakïna. Jupanakasti akanakänwa: Bernabé, Simeón (khitirutix “Negro” sasa sutichapkarakïna), Cirenenkir Lucio, Manahem (khititix, Galilea apnaqir Herodes Antipasamp chika jilasitayna uka), ukhamarak Saulo.

1 Corintios 3:10

Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

Efesios 4:11

Ukatsti jupa kipkaw sapa maynirus churawayi, yaqhipax apostolüñapataki, yaqhipax profetäñapataki, yaqhipax Diosan suma yatiyäwi arup qhanañchañapataki, yaqhipasti awatirinaka, yatichirinakäñapataki.

Hebreos 5:12

Jichhakamax niyaw jumanakax yatichirinak tukupxañamäna; ukampis wakisiskakiw Diosan yatichäwinakapat jumanakar yatichañaxa. Wali t'ukhartatäpxtawa, waña manq'a lantisti, lechek umasipktaxa.

2 Pedro 3:15

Amuyasipxam, Jesucristo Tatitusax suma chuymapampiw uñjaskistu, ukax jiwasan qhispiyasiñasatakiwa. Ukhamarak Pablo jilatasas Tatitun amuyt'ayataparjamaw jumanakar ukxat qillqt'anipxtam.

Apocalipsis 1:20

Kupi amparaxan paqallqu warawaranak jumax uñjktas ukampi, qurit lurat paqallqu candelerompix akawa: paqallqu warawarax paqallqu iglesian angelanakapawa; paqallqu candelerosti paqallqu iglesianakarakiwa” sasa.

Jueces 5:31

“¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.