Daniel (hebreo) 11:12 - Qullan Arunaca

¹² Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Aymar Bibliia 1986

¹² Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Qullan Arunaka DC

¹² Ukham atipjatapatsa, uñisirinakapan waljani jiwarapxatapatsa, uka reyix wal jach'achasini, ukampis jupan ch'amapax mä juk'a urutakikïniwa.

Daniel (hebreo) 11:12 Jak'a apnaqawi uñst'ayäwi

2 Reyes 14:10

Nayanjja uñt'añajjawa jumana edomitanacar atipjatama, ucawa jumarojj jach'a jach'a tucuytamjja. Waliquiwa, jumajj jach'a jach'a tucuscaquim ucampis utamancascaquim; ucawa asquïni. ¿Cunatsa jan walt'añaru mantañ muntajja, uqhamata aynacht'añamataqui jumasa, Judá marcamasa?”

2 Crónicas 25:19

Jumajj sistawa: Edomitanacaruw atipjta, sasa. Ucatwa jumajj jach'a jach'a tuctajja, uqhamarac jach'a cancañanacsa thakaractajja. Ucampis jumajj utaruqui kheparam. ¿Cunatsa juman jan walt'añanacjja muntajja, uqhamarac Judá marcan aynacht'añapsa?” sasa.

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

2 Crónicas 32:25

Ucampis Ezequiasajj asqui catokcasasa janiw yuspagara chuymanïcänti, jan ucasti jach'a jach'aw tucüna, uca laycuwa Tatitojj jupataqui colerasïna, uqhamarac Judá, Jerusalén ucanacataquisa.

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Ezequiel 28:17

Sumätam laycusti wali jach'a jach'aw tuctajja, c'ajquir cancañamasti, yatiñ cancañamjja t'unjaraquiwa, nayasti orakeruw liwinucuracsma, mä p'enka liwinucuracsma take reyinac nayrakatana.

Ezequiel 28:2

“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.

Ezequiel 28:5

Alaquipañataquisti wali ch'iqhïtawa, kamir cancañamjja yapjjataractawa, uca kamir cancañamasti wali jach'a jach'a tucuyaractamjja.

Daniel (hebreo) 11:11

Uca amstanquir ejerciton nuwasiñapasti, aynach tokenquiri reyirojj walpun colerayani, uca aynacha tokenquir reyejj colerataw uca amstat jutir ejercitompi nuwasiri misturaquini, ucatsti k'alwa atipjaraquini.

Daniel (hebreo) 11:13

Amstanquir reyisti wasitatwa yakha ch'amani ejército sartayaraquini, nayrïri ejercitot sipansa juc'ampi ch'amani, mä cawkha maranacatsti wasitatwa aynach tokerojj nuwantaraquini mä ch'amani, suma waquicht'ata ejercitompi.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 8:25

Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Deuteronomio 8:14

ucatsti jan jumanacajj jach'a jach'a tucupjjamti ni Tatitu Diosamatsa armasipjjamti, cawquïri Diosatï Egipto marcat irpsunipjjtam, cawqhantï esclavot sarnakasipcäyät ucata.

1 Timoteo 3:6

Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”