Daniel (hebreo) 11:12 - Qullan Arunaka DC

¹² Ukham atipjatapatsa, uñisirinakapan waljani jiwarapxatapatsa, uka reyix wal jach'achasini, ukampis jupan ch'amapax mä juk'a urutakikïniwa.

Aymar Bibliia 1986

¹² Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Qullan Arunaca

¹² Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Daniel (hebreo) 11:12 Jak'a apnaqawi uñst'ayäwi

2 Reyes 14:10

Chiqpachansa, jumax edomitanakar atipjtawa, ukat chuymamax jach'achasi. Walikiwa, aytat kankañamat kusisim; ukampis jan kuna llakin utamankaskam. ¿Kunatarak jan walir puriñamatak ch'axwañ muntasti, juma pachpa aynacht'añataki, Judá markan aynacht'añapatakisa?” sasa.

2 Crónicas 25:19

Jumax edomitanakar atipjatamat jach'a jach'a tuktaxa; ukasti juk'ampi jach'añchatäñ thaqhaytam. Jumax utamankaskam. ¿Kunatsa chijir puriñar munta, Judá markan aynacht'añapsa muntaxa?” sasa.

2 Crónicas 26:16

Ukampis kunapachatix marka apnaqäwipan wali ch'amanïxäna ukkhaxa, jach'a jach'aw tukxäna, ukaw jupar aynacht'ayäna. Jupasti Tatit Diosaparux janiw sum arkkxänti, jach'a jach'a tukuñapampiw Tatitun utaparux altaran incienso nakt'ayañatak mantäna.

2 Crónicas 32:25

Ezequías reyisti aski katuqkasas janiw yuspagarañ chuymanïkänti, jan ukasti jach'a jach'aw tuküna, ukat Tatitux jupatak q'apisïna, ukhamarak Judá, Jerusalén uka markanakatakisa.

Proverbios 16:18

Jach'a jach'a tukuñanxa aynacht'añaw utji; p'iqi waytat sarnaqañansti tinkuñaw utjaraki.

Ezequiel 28:17

Jiwakïtam laykusti wali jach'a jach'aw tuktaxa, k'ajkir kankañamaw yatiñ kankañamxa t'unjaraki. Ukatpï uraqirux liwinuksmaxa, taqi reyinak nayraqatana mä p'inqa tukuysma.

Ezequiel 28:2

“Jumasti Ezequiel, jichhax Tiro markan reyipar sarakim: “ ‘Tatitux akham siwa: Chuymamax jach'a jach'a tukuñampi phuqhantatawa, mä diosäkasmas ukham amuyastaxa, diosanakan qunuñapan qunt'ata, jach'a qutampi muyuntata. Ukampis jumax janiw diosäktati, jan ukasti, mä jaqikïtawa, mä diosan yatiñapanïkasmas ukham amuyastaxa.

Ezequiel 28:5

Alakip lurañatakisti wali ch'ikhïtawa, qamir yänakam yapxataraktawa, uka qamir yänakamaw wali jach'a jach'a tukuyaraktamxa.

Daniel (hebreo) 11:11

Amsta tuqinkir reyin ejercitopan nuwantatapasti, aynach tuqinkir reyirux walpun phiñasiyani, ukat jupax uka reyin jach'a ejercitopamp nuwasir mistuni, ukatsti q'alpun atipjarakini.

Daniel (hebreo) 11:13

Amsta tuqinkir reyix nayrïri ejercitot sipansa yaqha juk'amp ch'aman ejército wasitat sartayarakini, mä qawqha maranakatsti, walja nuwasirinakani, suma wakicht'at ejercitompiw wasitat aynach tuqinkir reyirux nuwantarakini.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Daniel (hebreo) 8:25

Jupan sallqa kankañapampisti, sallqa luratanakapax atipt'akipuniniwa. Jach'a jach'arakiw tukuni, jupar alkatat sarnaqirinakat walja jaqinakaruw ch'uxña luras jiwarayarakini. Jilïrinakan jilïripampisa jikintasiskakiniwa, ukampis uka jilïrin atipjataw uñjasini.

Deuteronomio 8:14

jumanakax janipuniw jach'a jach'a tukupxätati, janirakiw Tatit Diosamatsa armasipxätati, jupaw Egipto markan t'aqhisiyat jakañat irpsunipxtam.

1 Timoteo 3:6

Ukhamasti, iglesia irpirix janiw Tatitur jichha iyawsir jaqïñapäkiti, ukhamäspa ukaxa, jach'a jach'aw tukuspa, ukatsti supayjam juchañchataw uñjasispa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”