Daniel (hebreo) 10:1 - Qullan Arunaca

¹ Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Aymar Bibliia 1986

¹ Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Qullan Arunaka DC

¹ Persia markankir Ciro reyin kimsa mara marka apnaqäwipan, Danielax khititix Beltsasar satäkaraki ukax, mä chiqpach unañchäwi uñjäna, uka unañchäwisti janiw amuyt'añjamäkänti. Ukampis Danielax wali amuyumpiw ukanak uñjäna, ukatsti uka uñjäwin qhanañchäwip amuyt'arakïna.

Daniel (hebreo) 10:1 Jak'a apnaqawi uñst'ayäwi

Génesis 41:32

Jumajj aca pachpa samcjja pä cutiw samcastajja, Diosajj uca lurañ amtatap laycu, ucatsti janc'aquiw luraraquini.

2 Crónicas 36:22

Persia marcanquiri Ciro reyina kallta marana, Tatitun arupajj Jeremías toke parlatäcäna uca phokhasiñapataquejja, Tatitojj Ciro reyiruwa amtayäna take reinopana yatiyasiñapataqui, aru tokesa, kellkata tokesa, aca arsüwi arunaca:

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.

Esdras 4:3

Ucampisa Zorobabel chachampi, Josué chachampi, uqhamarac familianacata maynïri israelita jilïri chachanacampejja ucjjarojj aqham sapjjänwa: —Janiw jumanacamp chicajj Diosajjan templopjja lurapcsnati. Jan ucasti nanac sapaquiwa lurapjjäjja Israelan Tatit Diosajjataquejja, uqhamwa Persianquiri Ciro sat reyejj sapjjaraquitu —sasa.

Esdras 4:5

Ucjjarusti marca apnakerinacan yakhep yanapirinacaparusti kollke chilltapjjäna, uqhamatwa jupanacan amtanacapjja aynacht'ayapjjäna Persia marcanquir Ciro reyejj apnakascäna uca maranacana, ucatsti Persia marcanquir Darío reyejj apnakcäna uca maranaccamaraqui.

Esdras 6:14

Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Esdras 6:3

“Persia marcanquir Ciro reyejj kallta marapanwa aca arunaca arsüna, aqham sasa: ‘Jerusalenanquir Diosan templopa wasitat luratäñapataquisti, cimientonaca jakontaspan, ucatsti templojj lurasiracpan, uca sacrificionacajj loktatäñapataqui. Ucasti alayarojj pä tunca pakallkoni metronïniwa, anchorusti pä tunca pakallkoniraqui;

Isaías 44:28

Ciro reyirusti nayaw saracta: ‘Jumaw awatirïtajja, cuntejj nayajj muncä ucwa jumajj luraraquïta.’ Jerusalenarusti saractwa: ‘Jumajj wasitat sayt'ayatäjjätawa.’ Templorusti saractwa: ‘Cimientonacamajj uscutäjjaniwa sasa.’ ”

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 1:21

Daniel waynasti ucaruw khepararaquïna, Ciro sat reyejj mä mara apnakcäna ucqhacama.

Daniel (hebreo) 1:7

Reyin palaciopan sirvirinacan jilïripajj jupanacarojj yakha sutimpiw sutichäna Danielarojj, Beltsasar sasa; Ananiasarusti, Sadrac sasa, Misaelarusti Mesac sasaraqui; Azariasarusti, Abed-nego sasaraquiw sutichäna.

Daniel (hebreo) 10:14

Cunatejj acat kheparu marcampejj pascani ucanac khanañchiriw jutsma, uca unañchawinac uñjcta ucanacasti uca urunac toketaraquiwa’ sasa.

Daniel (hebreo) 11:2

Jichhasti cunatejj chekapäqui ucwa uñacht'ayäma: “Persia marcarusti quimsa reyinacaw apnakascani, ucanac khepasti yakha reyiraquiw sartani, jupasti sinti kamiriraquïniwa, mayni quimsa reyinacat sipansa. Cunapachatejj uqhama kamiri cancañapampi wali munañanipuni tucjjani ucapachasti, take kamir cancañapampiwa Grecia marcataquejj sayt'ani.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Daniel (hebreo) 12:9

Jupasti nayarojj saraquituwa: ‘Daniel, jumajj sarañamjja sarascaquim, take acanacasti jan qhitiru yatiyasa imatäñapawa, tucuya horasajj purincani ucqhacama.

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Daniel (hebreo) 4:8

Kheparusti Daniel chachajj nayan nayrakatajjaru uñstani, qhititejj Beltsasar sasa sutichatäqui nayan diosajjan sutip laycu, uca Daniel waynasti kollan Diosan ajayupan irpataraquiwa, ucat nayajj Daniel waynarojj samcajja yatiyaracta, aqham sasa:

Daniel (hebreo) 5:12

Uca Daniel chachasti mä suma chuymaw utjäna samcanaca khanañchañataquejja, jupasti take jan amuyt'caya yänaca khanañchañataquisa ch'amanïnwa, ucatwa reyejj Beltsasar sasa suticharaquïnjja. Jichhasti juma jach'a reyejj uca Daniel chacharu jawsayanim, jupasti cunatejj perkan kellkatäqui ucanacjja khanañcharaquiniwa —sasa.

Daniel (hebreo) 5:17

Ucjjarusti Daniel chachajj saraquïnwa: —Jumajj uca wajjt'asiñanacamjja imasiscam, uqhamaraqui palaciomancaña uca jach'a jach'añchäwsa yakharu churascam. Ucampisa nayajj khanañchascaquïmawa cun sañtejj munqui uca perkan kellkatajj uca.

Daniel (hebreo) 6:28

Daniel chachasti Darío reyin take marcanac apnakañapcamajj mä jach'a jilïri jaket uñt'ataquipunïscänwa, uqhamaraqui Ciro reyejj Persia orake apnakcän ucapachasa.

Daniel (hebreo) 8:16

ucatsti mä jaken arupa ist'aracta, Ulai sisqui uca jawirat parlasinquiri aqham sasa: “Gabriel, aca jaker khanañcham cunsa sañ muni aca unañchäwejj uca toketa’ sasa.

Daniel (hebreo) 8:26

“Jayp'u, uqhamaraqui alwa unañchäwi uñjatamasti niya khanañchatäjjtamwa, ucasti chekawa; ucampisa jumajj ucanacjja chuymamaruqui imaraquim, ucasti walja urunaca pasatatwa phokhasjjaraquini” sasa.

Lucas 1:20

Ucampis jichhajj cuntejj siscsmas uca arunacar jan iyawsatam laycuw amutu tucüta, ucatsti janiw parlcjjätasa arscjjätasa wawaman naciñapcama. Acasti horasaparojj phokhasiniwa —sasa.

Apocalipsis 19:9

Ucatsti angelajj saraquituwa: “Kellkam: ‘Cusisiñanïpjjewa qhitinacatejj Corderon casarasïwi fiestaparu jawsayatäpqui ucanacajja.’ Ucatsti saraquituwa: “Acanacasti Diosan cheka arunacapawa” sasa.