Daniel (hebreo) 10:1 - Qullan Arunaka DC

¹ Persia markankir Ciro reyin kimsa mara marka apnaqäwipan, Danielax khititix Beltsasar satäkaraki ukax, mä chiqpach unañchäwi uñjäna, uka unañchäwisti janiw amuyt'añjamäkänti. Ukampis Danielax wali amuyumpiw ukanak uñjäna, ukatsti uka uñjäwin qhanañchäwip amuyt'arakïna.

Aymar Bibliia 1986

¹ Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Qullan Arunaca

¹ Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Daniel (hebreo) 10:1 Jak'a apnaqawi uñst'ayäwi

Génesis 41:32

Juma, reyix pä kutiw uka pachpa samka samkastaxa, Tatitux ukham lurañ amtatapuniwa, uksti jank'akirakiw lurani.

2 Crónicas 36:22

Persia markankir Ciro reyin nayrïr mara marka apnaqkän ukkhasti, Jeremías tuqi Tatitun arupax yatiyatäkän uk phuqhasiñapatakix, Tatituw Ciro reyirux ch'amañchäna, taqi markanakapan aru tuqi, qillqat tuqi aka arunak yatiyasiñapataki:

Esdras 3:7

Ukatsti, Ciro reyiruw mayipxäna, Tiro, Sidón markankir jaqinakan Líbano qullut cedro lawanak barconakat qutanjam Jope markar apapxañapataki, uka jaqinakarusti irnaqäwinakapat manq'añanakampi, umañanakampi, aceitemp kun churapxäna; utachirinakampiru, carpinteronakampirusti, qullq churapxarakïna, irnaqäwinak qalltapxañapataki.

Esdras 4:3

Ukampis Zorobabel chachampi, Josué chachampi, maynïr jilïr irpir judionakampix ukxarux sapxänwa: —Janiw jumanakampi chik lurapkiristti. Nanak sapakiw Tatit Diosaxatakix utap lurapxä, Persiankir Ciro reyix ukham sapxarakitu —sasa.

Esdras 4:5

Ukat juk'ampi, mark apnaqirinakan yaqhip yanapirinakaparux qullq chilltapxäna, utachañ irnaqäwinak aynacht'ayañataki. Uksti, Ciro reyina, Darío reyin Persia mark apnaqäwi maranakapan ukham lurapxäna.

Esdras 6:14

Judionakan sarayirinakapasti Hageo, Zacarías uka profetanakan ch'amañcht'atax irnaqäwinak lurasipkakïnwa. Israelan Tatitun arsutaparjamaw wasitat pirq lurañax tukuyasïna, ukhamaraki Persia markankir Ciro, Darío, Artajerjes uka reyinakan arsüwinakaparjama.

Esdras 6:3

“Persia markankir Ciro reyix nayrïr mara apnaqäwipan aka arunak arsüna: ‘Tatitun utapax Jerusalenan wasitat luraspan, ukan waxt'äwinakax luqtatäñapataki. Uka utasti sayt'urux pä tunk paqallqun metronïniwa, iram tuqirusti llätunk metroni, alay tuqirusti tunka kimsa chikatan metroniraki;

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Daniel (hebreo) 1:17

Tatitusti aka pusi waynanakarux ch'ikhi chuyma, amuyt'a chuyma churäna, kunayman qillqatanak amuyt'apxañapataki, ukhamarak taqi yatiñanaksa. Ukhamarusa, Danielax samkanaka, unañchäwinak qhanañchañ yatirakïna.

Daniel (hebreo) 1:21

Ukhamaw Danielax Babilonia markan qhiparxäna, Ciro reyin mä mara uka marka apnaqkäna ukkhakama.

Daniel (hebreo) 1:7

Reyin utapan luqtirinakan jilïripax jupanakarux yaqha suti uchäna: Danielarux, Beltsasar; Ananiasarux, Sadrac; Misaelarux Mesac; Azariasarusti, Abed-nego suti ucharakïna.

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 11:2

Jichhasti kunatix chiqäki uk yatiyarakïma: “ ‘Kimsa reyiw Persia marka apnaqaskakini, ukanak qhipatsti pusïri yaqha reyiw sartani, jupasti mayni kimsa reyit sipansa sinti qamirïniwa. Kunapachatix ukhama qamiri kankañapampi wali munañanipuni tukxani ukapachasti, taqi qamir kankañapampiwa Grecia markatakix sayt'ani.

Daniel (hebreo) 12:4

“ ‘Jumasti Daniel, taqi akanakatxa, jan khitirus arsumti; uka qillqat jan jist'aramti, tukuy uru puriniñapkama. Walja jaqinakaw juk'amp yatxatañ munasax uksa aksa sarnaqapxani’ sasa.

Daniel (hebreo) 12:9

Jupasti sarakituwa: ‘Daniel, jumax sarnaqañ sarnaqaskam, janiw khitis taqi akanakat yatiñapäkiti, tukuya pachan puriniñapkama.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Daniel (hebreo) 4:8

8 (5) Uka qhipat Danielax uñstani, khititix nayan diosax layku Beltsasar sutichatäki uka, Danielan jakäwipasti qullan Diosan ajayupan irpatawa, nayasti jupar samkax yatiyarakta, akham sasa:

Daniel (hebreo) 5:12

Uka jaqix samkanaksa, jan amuyt'kañjamanaksa, imantatanak qhanañchañatakis ch'amaniwa. Jupax Daniel sutiniwa, Nabucodonosor reyiw Beltsasar sasa sutichäna. Jichhasti juma reyix Danielar jawsayanim, jupasti pirqan qillqatäki uka arunak qhanañcharakïtamwa —sasa.

Daniel (hebreo) 5:17

Danielasti ukxarux sarakïnwa: —Nayaw pirqan qillqatäki uk qhanañchäma. Ukampis jan kuns waxt'kistati, janirak markaman apnaqäwipan nayar jilïrit utt'aykistati.

Daniel (hebreo) 6:28

28 (29) Danielasti Darío reyin taqi markanak apnaqañapkamaxa, mä jach'a jilïri jaqit uñt'atakïskänwa, ukhamaraki Ciro reyix Persia marka apnaqkän ukapachasa.

Daniel (hebreo) 8:16

ukatsti mä jaqin arup ist'arakta, Ulai sat jawir tuqit parlasinkiri akham sasa: ‘Gabriel, uka jaqir aka unañchäwi tuqit qhanañcham’ sasa.

Daniel (hebreo) 8:26

“ ‘Jayp'unakampita, qhantatinakampit unañchäwi tuqitxa qhanañchxsmawa, ukasti chiqawa; jumax chuymaman ukanak imam, ukanakax walja urunak mäkipkani ukapachaw phuqhasiskani’ sasa.

Lucas 1:20

Ukampis jichhax kuntix sisksma uka arunakar jan iyawsatam laykuw amutu tuküta, ukatsti janiw parlkätati wawaman yuriñapkama —sasa.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.