Daniel (hebreo) 1:8 - Qullan Arunaca

⁸ Ucampisa Danielajj chuymapanjja amtasiraquïnwa jan uca reyin mank'apampi ni vinopampisa k'añuchasiscaña, ucatsti reyin palaciopan sirvirinacapan jilïriparuwa mayiraquïna, jani uca mank'anacampi k'añuchasiñataqui.

Aymar Bibliia 1986

⁸ Ucampisa Danielajj chuymapanjja amtasiraquïnwa jan uca reyin mank'apampi ni vinopampisa k'añuchasiscaña, ucatsti reyin palaciopan sirvirinacapan jilïriparuwa mayiraquïna, jani uca mank'anacampi k'añuchasiñataqui.

Qullan Arunaka DC

⁸ Danielasti chuymapan amtasirakïna jan uka reyin manq'apampisa, vinopampisa q'añuchasiskaña, jupatakix uka manq'a manq'añax juchänwa. Ukat Aspenaz chachar achikt'asïna, juparusa, masinakaparus jan wayt'añapataki, uka manq'ampi jan q'añuchasiskañataki.

Daniel (hebreo) 1:8 Jak'a apnaqawi uñst'ayäwi

1 Reyes 5:5

Ucatsti jichhajj mä templo Tatit Diosajjataqui luraña amtasta, ucasti cunjämatï Diosajj arscäna David awquejjampi, cunapachatï siscäna wawaparu jupajj reyit uchaña awquip lanti, uca wawapajj Diosan sutiparu mä templo lurayañapataqui.

Salmos 106:28

Baal-peor diosan loktiriparuw tucupjjäna, jiwat diosanacar loktat wilañchanac mank'apjjäna;

Salmos 119:106

Juramento lurta, ucsti phokhäwa: cheka arunacamarjamaw sarnakä.

Salmos 119:115

Ñankha lurir jakenaca, nayat sarakapjjeta, Diosajjan arsutanacap phokhä.

Salmos 141:4

Ñankha lup'iñ amuy apakt'ita, ñankha lurañanac jan lurayistati; janirac ñankha lurir jakenacamp chicajj jach'a mank'äwincayistati.

Proverbios 23:3

jan uca suma mank'añanacapa ancha munarakamti, jumarojj pantjayasquiristamwa.

Daniel (hebreo) 1:5

Uqhamarusa Nabucodonosor reyejj saraquïnwa uca waynanacarojj, sapa uruna pachpa reyin mank'añapa umañapa sirvipjjañapataqui, quimsa mara uca waynanacarojj yatichapjjañapataqui, uca quimsa mara pasatatsti jupanacajj reyir sirviñataquiw kheparapjjaraquini.

Daniel (hebreo) 5:4

Takeniw vino umapjjäna ucatsti korita, kollketa, bronceta, hierrota, lawata, kalata lurat diosanacaparuw yupaychapjjaraquïna.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

1 Corintios 7:37

Ucampis maynitejj munañapampi chuymapanjja amtchi cunjäm lurañsa uqhamarac jan casarasisaqui jacañsa, ucas waliquïscaraquiwa.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Deuteronomio 32:38

sacrificion loktata uywanacan liq'ip mank'apcän ucanacasa cawquincaraqui loktapcäyäta uca vino umirinacasti? ¡Sartasipjjpanaya jumanacar yanapt'añataqui! ¡Jutapjjpanay arjjatirisa!