Daniel (hebreo) 1:3 - Qullan Arunaca

³ uqhamarusa Aspenaz sata palaciopan sirvirinacapan jilïriparojj saraquïnwa, israelitanacatjja reyin familiapanquirinacata, cawquïrinacatejj jach'a jilïri familianacat jilïrïqui israelitanac taypitjja,

Aymar Bibliia 1986

³ uqhamarusa Aspenaz sata palaciopan sirvirinacapan jilïriparojj saraquïnwa, israelitanacatjja reyin familiapanquirinacata, cawquïrinacatejj jach'a jilïri familianacat jilïrïqui israelitanac taypitjja,

Qullan Arunaka DC

³ ukhamarusa, jach'a utapan luqtirinakan Aspenaz sata jilïriparux sänwa, reyin wila masipa taypinkir israelitanakata, ukatsti kawkïrinakatix aytat wila masinakat jilïrïki uka israelitanak taypit irpsuniñapataki,

Daniel (hebreo) 1:3 Jak'a apnaqawi uñst'ayäwi

2 Reyes 24:15

Nabucodonosor reyisti presjja aparaquïnwa Joaquín reyiru, taycaparu, warminacaparu, oficialanacaparu, uqhamarac uca orakenquir wali aytata jakenacaruraqui. Jupasti presjja apänwa Jerusalenata, Babilonia marcaru.

Isaías 39:6

‘Mä uruw purinini, cunatejj palacioman utjqui, cunanactejj nayra awquinacamas imapcän ucanacajj Babiloniaru apatäniwa. Janiraquiw acarojj cunas kheparcjjaniti.

Isaías 39:7

Yakhepanacat pachpa wawanacamarus Babiloniaruw apapjjaraquini capsupjjaraquiniwa, ucatsti reyin palaciopan sirviñapataquiw uscupjjaraquini.’

Jeremías 41:1

Pakallko phajjsi pasjjepansti Netaniasan yokapa Elisama sat jaken allchhipa Ismael sat jakejj, qhititejj reyin familiapatäcaraquïna ucajj Mizpa sisqui uca chekaruw saräna Gedaliasampi jiquisiñataqui. Tunca jakenacampi chict'ataw saräna.

Deuteronomio 28:41

Utjätamwa yokall wawanacamasa, imill wawanacamasa ucampis janiw jumampi chicäcaniti jan ucasti yakha marcanacaru preso apatäniwa.