Daniel (hebreo) 1:4 - Qullan Arunaca

⁴ wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Aymar Bibliia 1986

⁴ wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Qullan Arunaka DC

⁴ wali suma uñnaqt'ani waynanaka, jan kunansa kamacht'ata, ch'ikhinaka, suma yatichatanaka, taqi kunsa yatirinaka, reyin jach'a utapan luqtañatakis wakicht'atanaka. Jupanakar caldeonakan arupampi, qillqatanakapamp yatichayañataki.

Daniel (hebreo) 1:4 Jak'a apnaqawi uñst'ayäwi

Génesis 41:46

Joseasti, cunapachatejj faraón reyin nayrakataparu irpapcän ucqhajj quimsa tunca maranïnwa. Joseasti faraonan ucat mistuwayjjasajja, take Egipto orakpachwa sarañ kalltäna.

2 Samuel 14:25

Take Israel marcansti, janiraquiw Absalonar uñtata yakha jakejj utjcänti, uqham wali suma waynätapatsti wali jach'añchataraquïnwa. Cayut p'ekecamajj janipuniw cuna jan walis Absalonanjja utjcänti, jan ucasti jupajj wali suma uñnakt'ani waynänwa.

Proverbios 22:29

Qhititejj mä cunsa suma lurcani ucajja, reyinacaruwa sirvini, janiwa aynacht'ata jakenacar sirvcaniti.

Eclesiastés 7:19

Mä marcan tunca jilïrinacat sipansa, yatiñ cancañaw ch'am churi yatiñanirojja.

Isaías 36:11

Eliaquim, Sebna uqhamaraqui Joa asirio oficialarojj sapjjaraquïnwa: —Achict'asipjjsmawa, arameo arut parljjayapjjeta, nanacajj uca arjja yatipjjtwa. Hebreo arutjja jan parljjayapjjestati, take qhitinacatejj perka patancasipqui uca jakenacajj parlatasjja ist'apjjewa —sasa.

Jeremías 5:15

Tatitojj siwa: “Israel, jumataquisti mä jayat jutir marca apayanï, wali ch'amani marca, uqhamaraqui nayratpacha utjir marca; jumasti parlatanacapjja janiw yatctati, cuntejj sapcani ucsa janiw amuyt'caraquïtati.

Daniel (hebreo) 2:10

Yatiñani jakenacasti ucjjarojj sapjjaraquïnwa: —Janiw qhitis aca orakenjja utjquiti, jach'a reyejj, cuntejj munqui uca khanañchirjamajja. Uqhamarusa janipuniw qhiti reyisa, kawkha jach'a munañanïscpasa, qhiti magorusa, layka jakerusa, yatiñani jakerusa maycänti cunjämatejj jumajj maycta uqhamjja.

Daniel (hebreo) 2:2

Uqhamasti jupajj magonacaru, yatirinacaru, laykanacaru, take yatiñani jakenacaruw jawsayanïna uca samcanaca toketa juparu khanañchapjjañapataqui. Uca jakenacasti sarasinjja reyin nayrakataparuw uñstapjjäna,

Daniel (hebreo) 3:8

Mayni caldeo jakenacasti uca horasaw mä amtäwi amtapjjäna Nabucodonosor rey nayrakatana judionacaru aynacht'ayañataqui,

Daniel (hebreo) 4:7

Ucatsti jutapjjänwa take mago jakenaca, yatirinaca, yatiñaninaca, warawaranaca uñch'uquirinaca, qhitinacatejj Babilonia oraken utjapcän take ucanaca, ucat nayajj jupanacaru samcajja yatiyta, ucampis jupanacajj janiw khanañchañataquejj ch'amanïpcänti.

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 5:7

Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

Daniel (hebreo) 9:1

“Asuero jaken yokapa, qhititejj medo jakenac castäqui, uca Dariow caldeonacan reinopjja apnakascäna.

Zacarías 2:4

Juparusti saraquiwa: “T'ijum, cinta tupuñataqui apt'atäquis uca waynaru yatiyiri: ‘Jerusalenajj machakatwa jakenacanëjjani, waljapunïniwa jakenacapas uywanacapasa, janiraquiw uyunacanïñapas waquisquiti.

Hechos 7:20

Ucürunacanwa Moisesajj naciraquïna, Diosataquisti jupajj wali suma wawänwa. Awquinacapasti quimsa phajjsiw utapan imantat juparojj uywapjjäna.

Hechos 7:22

Uqhamatwa Moisesajj wali suma yatichatäna, cawqhacamatejj egipcionacajj yatipcäna ucacama. Moisesasti wali ch'amanïnwa arsüwipana, luräwipansa.

Efesios 5:27

jupan nayrakatapar jach'añchat iglesia irpcatañataqui, jan k'añuchata, jan cuna phullch'uni, jan cunamp camacht'ata, jan ucasti suma k'oma Diosatac yakhachata.

Jueces 8:18

Ucjjarusti Gedeonajj jisct'araquïnwa Zeba, Zalmuna ucanacarojja: —¿Cunjämänsa Tabor sat chekan jiwarayapcta uca jakenacajja? sasa. Ucat jupanacasti saraquïnwa: —Jupanacasti jumjamänwa, sapa mayni jupanacajja jilïrinacjamaraqui —sasa.